Éxodo 34:14 - Qheshwa Biblia DC

¹⁴ Amapuni ni mayqen diosninkuman k'umuykuspa yupaychankichu, imaraykuchus Señorpa sutenqa may manchachikunamin, Diosqa may celoso.

DIOSPA QHELQACHISQAN DEUTEROCANONICAL

¹⁴ Amapuni ni mayqen diosman qonqorikunkichejchu, imajtinchus Tata Diosqa manchay celoso, sutenqa: “Celoso Dios”.

DIOSPA QHELQACHISQ

¹⁴ Amapuni ni mayqen diosman qonqorikunkichejchu, imajtinchus Tata Diosqa manchay celoso, sutenqa: “Celoso Dios”.

Éxodo 34:14 Referans Kwoze

Deuteronomio 4:24

Señorniykichejqa ujllapi q'olarparej nina jinamin, payllata munakunaykichejta munan.

Deuteronomio 32:21

Mana dios kajta yupaychaspaqa, sonqoyta nanachiwanku. Lantista ruwakuspa phiñachiwanku. Noqapis paykunaj sonqonkuta nanachisaj, uj manakaj aylluta munakuspa, uj manakaj runaswan paykunata phiñachisaj.

1 Corintios 10:22

Chayri munanchejchu Señorta phiñachiyta? Chayrí astawan atiyniyojchu kanchej paymanta?

San Mateo 4:10

Chaypacha Jesús kuticherqa: Riy kaymanta Satanás! Escribisqa kashan: Señor Diosniykita yupaychanki, pay sapallantataj sirvinki.

Nahúm 1:2

Señorqa, celosakuyta vengakuytataj yachaj Diosmin; Payman sayaykojkunamanta vengakunmin, enemigosnimpajpis phiñakullantaj.

Deuteronomio 29:20

Señorqa mana munanqachu chay runata perdonayta, manachayqa sinch'i phiñakuyninta payman apachimonqa. Kay libropi qelqasqa kaj tukuy maldicionestaj payman urmamonqa. Jinamanta, Señor chay runaj sutinta kay jallp'a patamanta chinkachenqa.

Deuteronomio 6:15

Señor Diosniykichejqa qankunawan kashan. Pay manapuni munanchu waj dioskunata munakunaykichejta. Payqa atin sinch'ita phiñakuyta, jinamanta chinkachisunkichejman.

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Deuteronomio 32:16

Waj dioskunata yupaychaspa Diosta mayta phiñacherqanku. Millay lantisninkuwan phiñakuyninta k'ajaricherqanku.

Josué 24:19

Josuetaj paykunaman nerqa: Qankunaqa manapuni Señortaqa kasuyta atiwajchejchu, imaraykuchus payqa llimphu Diosmin, manataj ima sajratapis ruwajta saqellanchu. Payqa mana saqellasonqachejchu paypa contrampi kajta, nitaj juchasniykichejtapis.

Deuteronomio 5:7

Noqamanta astawan waj dioskunataqa ama yupaychankichu.

Éxodo 33:19

Señortaj kuticherqa: Noqa k'acha sonqo kayniyta ñaupaqeykipi rikuchisqayki. Chaymanta Señor sutiyta oqharisaj. Chaypi khuyakuyniyta rikuchisaj pimanchus munasqayman; jinallataj tukuy munakuyniywan yanapasaj pitachus munasqayta.

1 Reyes 19:10

Paytaj kuticherqa: Tukuy Atiyniyoj Señor Diosníy, noqaqa anchatapuni qanmanta sienteni, imaraykuchus israelitasqa tratota ruwasqaykita saqerparinku, altaresniykita urmachinku, profetasniykitapis espadawan wañurachinku; noqa sapallayña qhepakuni, chaywampis wañuchinawankupaj mask'ashawankuraj.

Ezequiel 23:25

Phiñakuywan contraykipi tumpasqayki, paykunataj may sajrata ruwasonqanku. Senqaykita, ningrisniykitawan khuchusonqanku. Mirayniykimanta puchojkunataqa espadawan wañurachenqanku. Qhari wawasniykita, warmi wawasniykitawan jap'ikaponqanku, qanmanta puchojtataj ninawan tukuchenqanku.

Jueces 6:10

Nerqaykichejtaj qankunaman, noqa kasqayta qankunaj Señor Diosniykichej, manataj manchachikunaykichejta amorreospa dioskunasninkumanta, kunampis paykunaj jallp'ankupi kashankichej, chaywampis qankunaqa mana kasuwarqankichejchu.