Éxodo 33:11 - Qheshwa Biblia DC

¹¹ Chaypi Señorqa uyapura Moiseswan parlaj, imaynatachus pipis kausaqenwan parlarikun ajina. Parlaytawantaj Moisesqa jaraman kutimoj. Numpa wawan Josuetaj yanapajnin wayna nipuni jayk'ajpis Dioswan tinkukuna toldomanta t'aqakojchu, chay ukhullapipuni kaj.

DIOSPA QHELQACHISQAN DEUTEROCANONICAL

¹¹ Chaypi Tata Diosqa uyapura Moiseswan parlaj, imaynatachus pillapis kawsaqenwan parlarikun, ajinata. Dioswan parlaytawantaj, Moisesqa jaraman kutimoj. Moisespa yanapajnin Nunpata churin Josuetajrí, nipuni jayk'ajpis Dioswan tantakuna toldomanta kuyurejchu.

DIOSPA QHELQACHISQ

¹¹ Chaypi Tata Diosqa uyapura Moiseswan parlaj, imaynatachus pillapis kawsaqenwan parlarikun, ajinata. Dioswan parlaytawantaj, Moisesqa jaraman kutimoj. Moisespa yanapajnin Nunpata churin Josuetajrí, nipuni jayk'ajpis Dioswan tantakuna toldomanta kuyurejchu.

Éxodo 33:11 Referans Kwoze

Números 12:8

Paywanqa uyapura parlani, sumaj sut'itataj. Sichus paywan uyapura parlayku chayqa, imaraykutaj paypa contranta rimankichejri?, nispa.

Deuteronomio 34:10

Chaymantaqa manaña ujtawan Israelpeqa Moisés jina waj sut'inchaj karqachu; Señorqa paywan uyapura parlaj.

Éxodo 33:9

Moisés, Dioswan tinkukuna toldoman yaykojtinkamataj, sayashaj phuyu punkuman uraykamoj, chay phuyu chaupipitaj Señorqa Moisesman parlarqa.

Éxodo 24:13

Moisesqa sayariytawan Josué yanapajninwan khuska wicharerqa Diospa orqonman.

Deuteronomio 5:4

Señorqa orqopi nina chaupimanta uyapura parlapayamusorqachej.

Génesis 32:30

Jacobqa chay cheqata suticharqa Penuel, nispa; imaraykuchus Dioswan tinkunakuyku, chay tukuywampis kausashaniraj, nispa.

Santiago 2:23

Ajinapi junt'akorqa Escrituraj nisqan: Abraham creerqa Diospi. Chayraykutaj cheqan runapaj qhawasqa karqa, Diospa kausaqen nisqataj karqa.

San Juan 11:11

Chayta niytawan yachachisqasninman nerqa: Lázaro kausaqenchejqa puñushan. Kunan risaj payta rijch'arichimoj.

San Juan 3:29

Pichus warmiyoj kajqa qosa; paypa qayllampi kaj kausaqentaj, qosaj parlasqanta uyarispa maytapuni kusikun. Ajinamanta kay kusikuyniy kunan junt'akun.

Isaías 42:8

Noqaj suteyqa Señor. Wajkunamanqa mana atiyniyta qosajchu; nitaj yupaychasqa kayniytapis lantismanqa qosajchu.

Job 16:21

Pillapis Diospa ñaupaqempi allinniyta parlarichun, imaynatachus uj runaqa masimpaj parlapayapun ajinata.

2 Crónicas 20:7

Diosniyku, qan wijch'orqanki aylluyki Israelpa ñaupaqenmanta kay jallp'api tiyakojkunata, wiñaypajtaj qoporqanki Abraham kausaqeykej mirayninman.

Éxodo 32:17

Josuetaj, israelitaspa maytapuni ch'ajwaspa qhaparisqankuta uyarispa, Moisesman nerqa: Jarapeqa maqanakuspapis ch'ajwashankuman jina uyarikun, nispa.

Éxodo 17:9

Moisestaj Josueman nerqa: Wakin qharista ajllay, chaykunawan rispa amalecitaswan maqanakamuychej. Noqataj q'aya jatun orqo puntapi kamusaj, Diospa qowasqan tojnuta makiypi jap'irisqa.

Éxodo 33:10

Tukuynin israelitastaj, Dioswan tinkukuna punkuman phuyu uraykamojtinkama, tukuyninku jarasninku punkuspi k'umuykukoj kanku, yupaychaspa.

Números 11:28

Chaymantataj Numpa wawan Josué, Moisesta waynamantapacha yanapajnin payman nerqa: Wiraqochi Moisés, qan niy ari, ama jinata ruwanankuta!, nispa.

Números 12:7

Kamachiy Moisesmanri, mana jinatachu parlani; payqa tukuy ima kamachisqata sumajta kasuwan, tukuy kamachisniymanta nisqaqa.

Deuteronomio 31:14

Chaymanta Señorqa Moisesman nerqa: Wañupunayki hora qayllaykamushanña. Josueta wajyamuy, iskayniykichejtaj Dioswan tinkukuna wasiman rinkichej. Noqa payman kamachisaj imatachus ruwananta. Jinamanta Moiseswan Josuewanqa Dioswan tinkukuna toldoman rerqanku.