Éxodo 32:30 - Qheshwa Biblia DC

³⁰ Q'ayantin Moisesqa runasman nerqa: Qankunaqa uj jatun juchata ruwarqankichej, kunanqa wicharisaj maypichus Señor kashan chayman, ichapis Señorqa juchasniykichejta pampachanqa.

DIOSPA QHELQACHISQAN DEUTEROCANONICAL

³⁰ Q'ayantin Moisesqa tukuy israelitakunata nerqa: Qankunaqa ancha jatunta juchallinkichej. Kunanqa Tata Dios kashan, chayman risaj. Ichapis Tata Diosmanta mañakojtiy juchallisqaykichejta pampachananta tariyman, nispa.

DIOSPA QHELQACHISQ

³⁰ Q'ayantin Moisesqa tukuy israelitakunata nerqa: Qankunaqa ancha jatunta juchallinkichej. Kunanqa Tata Dios kashan, chayman risaj. Ichapis Tata Diosmanta mañakojtiy juchallisqaykichejta pampachananta tariyman, nispa.

Éxodo 32:30 Referans Kwoze

1 Samuel 12:20

Samueltaj kuticherqa: Ama manchachikuychejchu. Cheqamanta qankunaqa sajrata ruwarqankichej, kunantaj Señormantaqa amaña t'aqakuychejchu, manachayqa tukuy sonqowan Señorta yupaychaychej.

Números 25:13

Chayrayku payman qoni sacerdotej ruwanasninta wiñaypaj ruwanampaj, pay, jinallataj miraynimpis; imaraykuchus pay Diosninrayku chayta ruwan, jinallataj israelitaspaj perdonta tarinampaj.

Jonás 3:9

Ichapis Diosninchej jinamanta juchasninchejta pampachanman, k'ajaj phiñakuynintaj tiyaykunaman, jinamanta mana wañusunchu, nispa.

Amós 5:15

Sajra kajta chejniychej, allin kajtataj munakuychej. Cheqan ruwayta sayachiychej juzgana cheqapi; ichapis jinamanta Tukuy Atiyniyoj Señor Dios khuyasonqachej Israelmanta puchoj runasta.

2 Reyes 17:21

Davidpa mirayninmanta israelitasta t'aqarqa. Paykunatajrí Nabadpa wawan Jeroboamta reyta churarqanku. Jeroboamtaj Señorpa ñaupaqenmanta israelitasta karunchacherqa, manchay millayta juchallichispa.

2 Samuel 16:12

Ichapis Señorqa uyariwanqa kay llakiyniyta rikuspa, bendicionesninta apachimuwanman chay maldicionespa cuentanmantaqa.

1 Samuel 12:23

Noqataqa Señor waqaychawachun, paypa contrampi juchallikunaymanta qankunapaj mañayta saqerparispa. Manachayqa qankunata yachachisqaykichej sumajta cheqantataj kausanaykichejpaj.

Números 16:47

Aarontaj incienso q'osñichinanta oqhariykukuytawan usqhayta rerqa Moisespa kamachisqanman jina, maypichus runas tantasqas kasharqanku chayman. Chaypajqa wañuy qallarikorqaña runas ukhupi Diospa nisqanman jina. Chanta Aaronqa inciensota q'osñichispa Diosmanta perdonta runaspaj mañaporqa.

2 Timoteo 2:25

Llamp'u sonqowan k'amichun contrampi sayaykukojkunatapis. Ichapis chay jinamanta Diosman kutirikunkuman, cheqan kajta rejsinankupaj.

Gálatas 3:13

Cristo qhechuwarqayku leypa maldicionninmanta. Paytaj noqaykurayku maldicisqa karqa. Chaytaj escribisqa kashan: Maldicisqa kanqa tukuy k'aspipi warkhusqa kajqa, Abrahampa bendicionnin Cristo Jesusnejta gentilesman chayanampaj. Ajina fenejta Dios qonawayku karqa, chay Espirituta jap'inaykupaj.

Romanos 9:3

Noqa kikiy munayman maldicisqa kayta, Cristomanta t'aqakuspa wauqesniyta munakusqayrayku; pikunachus aychaman jina ayllusniy kanku.

San Lucas 15:18

Kutiripusaj tataypa wasinman, paymantaj nisaj: Tatáy, Diospaj juchallini, qampajpis juchallillanitaj.

San Lucas 7:47

Chaynejta niyki, ashkha juchasnin pampachasqa kasqanta, imaraykuchus anchata munakorqa; pisi perdonasqarí, pisita munakun.

1 Samuel 2:17

Ajina chay waynaspa juchallikusqasninkoqa, Señorpa ñaupaqempi sinch'i juchapuni karqa, imaraykuchus Señorman qosqa rikuchikusta mana allintachu qhawaj kanku.

Santiago 5:16

Chayrayku, willanakuychej juchasniykichejta purajmanta. Ujkuna ujkunapaj Diosmanta mañakuychej thañisqas kanaykichejpaj; cheqan kaj runaj tukuy sonqo mañakuynenqa, sinch'i atiyniyoj.

Éxodo 32:29

Chaymantataj Moisesqa levitasman nerqa: Kunan qankunaqa Diosmanta kamachiyta jap'inkichej Señorpa ñaupaqempi sacerdotesniy jina, chay jinata ruwajkuna wawasniykichejpa, hermanosniykichejpa contranta sayarikusqaykichejrayku, ajinamanta Señorqa bendicionesninta qonasuykichejpaj.

Salmos 99:6

Moiseswan, Aaronwampis sacerdotesninmanta kanku; Samuelpis Diospa sutinta wajyakojkunamanta kashan. Paykuna Señorta wajyakoj kanku, paytaj uyarej.

1 Samuel 12:17

Kunanqa trigota oqharina tiempo kashan, manataj paray tiempochu, icharí? Chaywampis noqaqa kunan Señormanta mañasaj, paytaj apachimonqa qhon qhonkunata, parastapis, qankuna yachanaykichejpaj, reparanaykichejpajtaj Señorqa imajtinchu mana munarqachu reyniyoj kanaykichejta, Señorpa rikuynimpeqa qankuna mana allintachu ruwankichej uj reyta mañakuspa.

1 Samuel 12:19

Chayrayku Samuelta tukuy nerqanku: Señor Diosniykimanta mañaripuwayku ari, kay qampa kamachisniyki ama wañunaykupaj, tukuy juchasniykuman kaytawan yapaykukuyku uj reyta mañakuspa.