Éxodo 32:14 - Qheshwa Biblia DC

¹⁴ Chaymanta Señorqa phiñakuyninta tiyaykuchikorqa, manañataj Israel runasninta chinkachiyta munarqachu.

DIOSPA QHELQACHISQAN DEUTEROCANONICAL

¹⁴ Chantá Tata Dios sonqonta tiyaykuchikorqa, manañataj Israel ayllunta chinkachiyta yuyasqanta ruwarqachu.

DIOSPA QHELQACHISQ

¹⁴ Chantá Tata Dios sonqonta tiyaykuchikorqa, manañataj Israel ayllunta chinkachiyta yuyasqanta ruwarqachu.

Éxodo 32:14 Referans Kwoze

Jonás 3:10

Diosqa ajinata ruwasqankuta rikusqa, sajra ruwayninkuta saqespa allin ñanman kutirikusqankuta. Chayrayku Diosqa manaña ruwarqachu imatachus ruwayta munasqantaqa.

Jeremías 26:13

Astawan allinta puriychej, ruwaychejtaj, Señor Diosniykichejtapis kasuychej. Paytaj manaña, apachimusaj nerqa chay ñak'ariykunastaqa apachimusunkichejchu.

Salmos 106:45

Paykunawan trato ruwasqanmanta yuyarikorqa, sonqontataj nanachikorqa, munakuynin may jatun kasqanrayku.

Jeremías 18:8

Chay nación sajramanta t'aqakunman chaypachaqa, chay apachimunay karqa chay jasut'ita manaña apachimusajchu.

1 Crónicas 21:15

Diosqa uj angelta kacharqa Jerusalén llajtata tukuchimunampaj. Maypachachus llajtata tukuchisajtintaj, Señorqa chayta rikuspa mayta llakikorqa, chay llakiyta ruwashasqanmanta. Chay wañurachisharqa chay angeltataj kamacherqa: Chayllaña, amaña wañurachiychu, nispa. Chay ratopeqa Señorpa angelnin kasharqa, maypichus jebuseo Ornán trigota trillasharqa chaynejpi.

2 Samuel 24:16

Maypachachus angelqa Jerusalén llajtata tukuchinampaj kashajtintaj, Señor llakikorqa chay jina llakiyta ruwachishasqanrayku, Señortaj kamacherqa: Ayllumanta kajkunata wañurachisharqa chay angelta: Chaykamalla, saqellayña!, nispa. Chay ratoqa Señorpa angelnenqa kasharqa jebuseo Arauna maypichus trigota trillasharqa chaynejpi.

Jonás 4:2

Señormantaj kay jinata nerqa: Qhawariy Señor, kaytamá nerqayki jallp'aypi kashaspallaraj. Chayrayku ayqesharqani Tarsisman. Yachani ari, khuyakoj sonqo nanachikoj Dios kasqaykita, mana chhika usqhayta phiñakoj kasqaykita, chhika jatun khuyakuyniyoj kasqaykita, jasut'ej rishaspa mana jasut'isqaykita chay jina millay sajrata ruwasqankumanta.

Joel 2:13

Qankuna, Señor Diosniykichejman kutirikampuychej! P'achasta llik'inaykichejtaqa, sonqoykichejta llik'iychej! Imaraykuchus, Señorqa sonqonta wawayachikojmin, khuyakojtaj. May pacienciayoj, tukuy munakuyniyojtaj Payqa. Jasut'isuyta yuyasqanta saqepuytapuni munan.

Jeremías 26:19

Rey Ezequías, Judamanta tukuy ayllupis Miqueasta wañucherqankuchuri? Uj jinataj karqa: Señorta reyqa manchachikorqa, mañakorqataj paykunamanta khuyarikunanta. Jinataj chaypacha Señorqa manaña ñak'ariykunasta apachimorqachu, mayqenkunatachus apachinanta nerqa chaykunata. Kunanrí, noqanchejqa jatun juchatawanchu yapaykukusunman?

Deuteronomio 32:26

Noqa yuyarqani tukuynejman paykunata ch'eqerachiyta, kay jallp'a patamantataj sutinkuta chinkachiyta.

Éxodo 33:13

Kunanqa Señor, sichus qampi tarini khuyakuyta chayqa, kunan rikuchiway ari ñanniykita qanta rejsisunaypaj, qampi khuyakuyta tarisqayta. Chayrayku qhawariy, kay runasqa qampa runasniyki.

Génesis 6:6

Chayrayku Señorqa pesachikorqa runasta ruwasqanmanta, mayta sonqonta nanachikuspa.

Números 14:20

Señorqa Moisesman kuticherqa: Ya, chay niwasqaykiman jina israelitasta perdonasaj.

Deuteronomio 10:10

Noqaqa ñaupaj kutipi jina, tawa chunka p'unchaykunata, tawa chunka tutastawan orqopi kamorqani. Kay kutipitaj Señorqa uyariwaspa, manaña qankunata chinkachiyta munarqachu.

Deuteronomio 32:36

Chaypacha Señorqa ayllunta yanapanqa pisi kallpayojta rikuspa. Señorqa kamachisninta khuyapayanqa, manaña pipis kasqanta rikuspa, kallpayoj kaj, mana kallpayoj kajpis.

Jueces 2:18

Señorqa sapa kuti jatarichej uj kuraj runata chantá yanapajtaj. Chay kuraj runa kausashajtintaj israelitasta kacharichejpuni enemigosnimpa makisninmanta, sinch'i ñak'ariypi waqasqasninkuta uyarispataj paykunata khuyakoj.

Salmos 106:23

Diosqa paykunata tukuchisaj nerqa. Ajllakusqan Moisés paykunarayku mañakojtintaj, Señorpa phiñakuynenqa tiyaykaporqa.

Amós 7:3

Señortaj chay imasta ruwayta mana munarqachu, chayqa mana jinachu kanqa, nispa.

Amós 7:6

Señortaj mana munanchu saqeyta, nintaj: Chaypis mana jinachu kanqa, nispa.