Éxodo 3:18 - Qheshwa Biblia DC

¹⁸ Jinata nejtiykitaj kasusonqanku; chaymantataj paykunawan khuska rinki Egipto reyman, chayaspataj ninkichej: Señor, hebreospa Diosnin taripawayku; chayrayku kunan risqayku kinsa día puriyta ch'in pampanejta, uj rikuchikuta Señor Diosniykuman jaywamunaykupaj, nispa.

DIOSPA QHELQACHISQAN DEUTEROCANONICAL

¹⁸ Qan Moisés, ajinata nejtiyki, israelitakunaj kurajninkuna kasusonqanku. Chantá kurajkunawan khuska Egiptopi kuraj kamachejmanñataj rispa, ninkichej: Tata Dios, israelitakunaj Diosnin rikhuriwayku. Chayrayku kinsa p'unchay puriyta ch'innejman risqayku, Tata Diosman uywata ñak'aspa, jaywamunaykupaj, nispa.

DIOSPA QHELQACHISQ

¹⁸ Qan Moisés, ajinata nejtiyki, israelitakunaj kurajninkuna kasusonqanku. Chantá kurajkunawan khuska Egiptopi kuraj kamachejmanñataj rispa, ninkichej: Tata Dios, israelitakunaj Diosnin rikhuriwayku. Chayrayku kinsa p'unchay puriyta ch'innejman risqayku, Tata Diosman uywata ñak'aspa, jaywamunaykupaj, nispa.

Éxodo 3:18 Referans Kwoze

Éxodo 9:1

Chaymanta Señorqa nillarqataj Moisesman: Rispa nimuy faraonman: Hebreospa Diosnenqa ajinata nimusunki: Kacharipuway Israel aylluyta, rispa yupaychamunawampaj.

Éxodo 7:16

Chaypitaj ninki: Señormin, hebreospa Diosnin kachamuwan qanman willajta: Saqey ayllayta jallp'aykimanta llojsejta, ch'innejman rispa yupaychanawampaj. Kunankamataj qanqa mana kasukunkichu.

Éxodo 10:3

Chaymantaqa Moiseswan Aaronwan rispa faraonman willamorqanku: Ajinata nimusunki Señorqa, hebreospa Diosnin: Mayk'ajkamataj mana sonqoykita ñaupaqeypi llamp'uyachinkichu? Saqellayña israelitasniy llojsinankuta noqata yupaychanawankupaj.

Éxodo 9:13

Chaymanta Señorqa ujtawan Moisesman nillarqataj: Q'aya paqarin tutamanta jatarispa riytawan nimuy faraonman: Hebreospa Diosnin Señormin kayta nimusunki: Kachariy israelitasta noqata yupaychamunawankupaj.

Salmos 110:3

Atipasqayki llajtapi, aylluyki qanman jaywaykusonqa, santo orqos patapi. Sut'iyay chhulla jina, wayna kayniyki mosojchakun sapa p'unchay.

2 Crónicas 30:12

Jinallatataj Judamanta kaj runaspis Diosqa sonqosninkuta kuyucherqa, reypa jinataj kamachejkunaspa nisqankuman jina junt'anankupaj, Señor imaynatachus kamachisqanman jina.

Josué 1:17

Qantaqa kasusqaykupuni, ñaupajta imaynatachus Moisesta kasorqayku ajinata. Noqaykoqa munayku Señor Diosniyki qanwampuni kananta, imaynatachus Moiseswan karqa ajinata.

Números 17:4

Chaykunata churanki Dioswan tinkukuna toldopi Diospa leyninwan cajón kashan chay chimpaman. Chaypi qankunawan tinkusunchej.

Éxodo 30:6

Chaytaqa veloj ñaupaqenman churanki, maypichus Diospa leyninta waqaychana cajón churasqa kashan chay qayllaman; mayqenchus cobremanta ruwasqa kirpanawan kirpasqa kashan chayman, maynejpitajchus noqa qanwan tinkusaj chayman.

Éxodo 25:22

Chaypi qanwan tinkukusaj. Cajón patapi kashanku chay iskay querubines chaupinkumanta, noqa qanman willamusqayki israelitaspis imastachus ruwanankuta.

Éxodo 19:1

Israelitasqa ch'in pampa Sinaí orqoman chayarqanku, kinsa killapi Egiptomanta llojsisqankumantapacha.

Éxodo 4:31

Israelitastaj creerqanku chay nisqanta. Yachaspa Señorqa Israelpa wawasninmanta yuyarikusqanta llakiyninkuta rikusqanta. Jinaspataj tukuyninku qonqoriykukuspa Señorta yupaycharqanku.

Éxodo 4:24

Ñanta rishajtintaj, maypichus Moisesqa familianwan uj ch'isi puñunanku kashajtin Señorqa rikhurerqa, wañuchiytataj munarqa.

Éxodo 3:16

Chayaspataj tukuy israelitaspa kurajkunasninta tantachinki, paykunamantaj ninki: Ñaupa tatasniykichejpa Diosnin, Abrahampata, Isaacpata, Jacobpata ima rikhuriwaspa kay jinata niwan: Noqa qankunata qhawarimushaspa rikuykichej, imaynatachus qankunata egipcios ruwasqasuykichejta.

Éxodo 3:12

Diostaj kuticherqa: Noqamin qanwan kasaj, kay señalta qosqayki, noqa qanta kachasusqayta yachanaykipaj. Maypachachus aylluyta Egiptomanta orqhomunki chaypacha, tukuyniykichej kay orqopi yupaychawankichej.

Génesis 48:3

Chaymantataj Joseman nerqa: Tukuy atiyniyoj Dios Luz llajtapi rikhuriwarqa, bendiciwarqataj Canaán jallp'api, kay palabraswan: Noqa qanta ashkhata mirachisqayki, chay mirayniykimanta ashkha naciones ruwakonqanku. Chanta mana chayllachu, kay jallp'ata mirayniykiman qopusaj, paykunajta kanqa wiñaynintimpaj.

Génesis 17:1

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

Génesis 15:1

Chay qhepata Dios parlarqa Abramman mosqoypi jina, nispa: Ama manchachikuychu Abram, noqa qampa jark'ajniyki kani, qampa t'inkaykeqa may chhikapuni kanqa.

Génesis 12:1

Uj kuti Señorqa Abramman nerqa: Saqey jallp'aykita, ayllusniykita, tataykej wasintawan. Jinaspataj ripuy, noqa rikuchisqayki chay jallp'aman.

Jeremías 2:6

Manaña noqamanta tapukuwankuchu: Maypitaj kashan, Egipto jallp'amanta orqhomuwarqanchej ch'inkunasnejta, may wayq'orara ch'in jallp'asnejta, mana yakuyoj jallp'asnejta, mana pejpa purisqan, nitaj tiyakusqan, may manchachikuna jallp'asnejta pusamuwarqanchej chay Diosri?, nispa.

Jeremías 2:2

Riy parlamuy Jerusalén llajtaman; Qhapariy allinta uyarinankupaj jina: Ajinata nin Señorqa: Yuyarikuni maypachachus qan sipasllaraj kashajtiyki noqaman allin kawarqanki, maypachachus warmiypaj aysarikorqayki chaypacha munakuwaj karqanki, ch'in pampasnejta, mana jayk'aj tarpusqa jallp'asnejta qhatiwarqanki.

Isaías 64:5

Pikunachus qampa nisqaykita cheqanta ruwanku chaykunamanta, qanqa jark'akoj kanki, may purisqankupipis qanmanta yuyarikusoj kanku chaykunamanta ima. Juchallikusqaykumanta qanqa phiñakorqanki; chay juchasniykupi noqaykoqa unay watasta karqayku. Chay juchasniykumanta salvasqas kayta atiykumanchu?

Éxodo 30:36

Wakinninta sumaj ñut'ituta kutanki, chaymantataj churanki Dioswan tinkukuna toldopi, Diospa leyninwan kaj cajompa ñaupaqenman, maypichus noqa qanwan tinkusaj chayman. Chay inciensoqa qankunapaj sumaj respetana kanqa.

Génesis 14:13

Uj runataj ch'ajwamanta ayqemuspa hebreo Abramman willarqa imaynachus kasqanta. Pay tiyakorqa amorreo Mamrej encinas sach'arara jallp'ampi. Mamreqa Escolpata, Anerpatawan wauqenku karqa; paykunaqa karqanku Abramman sayasqas.

Éxodo 4:1

Chaymantataj Moisesqa kuticherqa: Imatataj paykuna chaytaqa creewanqankuri, nitaj kasutapis ruwawankumanchu. Paykunaqa niwanqankuchari: Señorqa, qanman mana rikhurisunkichu, nispa.

Éxodo 5:1

Chaymantaqa Moiseswan Aaronwan faraonman parlaj rerqanku, nispa: Israelpa Señornin, Diosnintaj ajinata nin: Saqepuway aylluy Israelta ch'inman rispa, chaypi yuyarikuwaspa qarakuta ruwanankupaj.

Éxodo 5:3

Paykunataj nerqanku: Hebreospa Diosnin taripawayku, chayrayku rinaykupuni tiyan ch'in pampaman kinsa día puriyta, chaypi rikuchikuta Señorniyku Diosman jaywamunaykupaj, ama ima onqoypis jamuspa wañuchinawaykupaj, chayri ima espadanejtapis wañunaykupaj.

Éxodo 8:1

Señorqa Moisesman nillarqataj: Faraonman rispa nimuy: Señorqa ajinata nimusunki: Saqey aylluyta llojsejta yupaychamunawampaj.

Éxodo 8:20

Señorqa ujtawan nillarqataj Moisesman: Q'aya paqarin faraonqa tutamanta mayuman renqa; qampis tutamanta jatarispa riy paywan parlaj. Ajinata ninki: Señorqa ajinata nimusunki: Saqey aylluyta llojsejta yupaychamunawampaj.

Éxodo 17:5

Señortaj Moisesman nerqa: Israel runaspa ñaupaqenta pasay, wakin kurajkuna israelitasta pusarikuspa; makiykipitaj tojnuykita oqhariykukuspa riy mayqenwanchus mayuta wajtarqanki chayta, chaymantaqa Horeb orqoman kachaykukuy.

Éxodo 4:23

Ña niykiña, wawayta saqey llojsejta, rispa yupaychamunawampaj. Qantaj llojsejta mana saqeshankichu, chayrayku noqaqa wañuchisaj kuraj wawaykita.

Éxodo 8:23

Ajinata aylluytawan aylluykitawan t'aqasaj. Kaytaj q'ayapacha kanqa.