Éxodo 3:16 - Qheshwa Biblia DC

¹⁶ Chayaspataj tukuy israelitaspa kurajkunasninta tantachinki, paykunamantaj ninki: Ñaupa tatasniykichejpa Diosnin, Abrahampata, Isaacpata, Jacobpata ima rikhuriwaspa kay jinata niwan: Noqa qankunata qhawarimushaspa rikuykichej, imaynatachus qankunata egipcios ruwasqasuykichejta.

DIOSPA QHELQACHISQAN DEUTEROCANONICAL

¹⁶ Chantá qan rispa, israelitakunaj kurajninkunata tantanki, paykunatataj ninki: Ñawpa tataykichejkunaj Diosnin, Abrahampata, Isaacpata, Jacobpata ima rikhuriwaspa, kay jinata nisunkichej: Noqaqa mana qankunamanta qonqakunichu, jinataj rikuni Egipto llajtayojkuna imaynatachus qankunata ñak'arichisusqaykichejta.

DIOSPA QHELQACHISQ

¹⁶ Chantá qan rispa, israelitakunaj kurajninkunata tantanki, paykunatataj ninki: Ñawpa tataykichejkunaj Diosnin, Abrahampata, Isaacpata, Jacobpata ima rikhuriwaspa, kay jinata nisunkichej: Noqaqa mana qankunamanta qonqakunichu, jinataj rikuni Egipto llajtayojkuna imaynatachus qankunata ñak'arichisusqaykichejta.

Éxodo 3:16 Referans Kwoze

Salmos 8:4

Imataj runari paymanta yuyarikunaykipajri? Imataj runa payta qhawanaykipajri?

Éxodo 4:31

Israelitastaj creerqanku chay nisqanta. Yachaspa Señorqa Israelpa wawasninmanta yuyarikusqanta llakiyninkuta rikusqanta. Jinaspataj tukuyninku qonqoriykukuspa Señorta yupaycharqanku.

Éxodo 4:29

Chaymantaqa Moiseswan Aaronwan iskayninku rispa tantacherqanku israelitaspa tukuy kurajkunasninta.

Génesis 50:24

Uj kuti Joseqa wauqesninman nerqa: Pisillaña kashan wañupunayman, Dios qankunamanta yuyarikusonqachej, kay jallp'amanta orqhosonqachej, pusasunaykichejpaj mayqen jallp'atachus qosqaykichej nerqa Abrahamman, Jacobman ima, chayman.

1 Pedro 5:1

Qankuna ukhupi kurajkuna kajkunamanta mañakuni, noqapis paykuna jina kurajllataj kaspa; Cristoj ñak'arisqasninta rikorqani, ajinallatataj chayaqeyoj kani, paypa k'anchaynin rikuchikojtin.

1 Pedro 2:12

Allinta kausakuychej Diosta mana rejsejkuna ukhupi. Paykunaqa sajra runaspaj jina qankunapaj rimashanku; Señor chayamojtintaj, Diosta yupaychanqanku, allin ruwasqasniykichejta rikuspa.

Hechos 20:17

Miletomanta Pablo wajyacherqa Efeso iglesiapi ancianos kajkunata.

San Mateo 26:3

Chaymantataj, Caifás sutiyoj jatun sacerdotej patiompi, tantakorqanku kuraj sacerdotes, leymanta yachachejkuna, judiospa kuraj runasninku ima.

Rut 1:6

Uj p'unchaypirí Noemí Moabpi uyarisqa nejta Señorqa ayllunmanta khuyakusqanta, chanta chay yarqhay watasta tukuchisqantaña.

Éxodo 13:19

Moisesqa Josej tullusninta aparqa, imaraykuchus Joseqa israelitasta juracherqa, nispa: Dios watukusonqachej, chaypacha tullusniyta apapuwankichej kaymanta ripushaspa.

Éxodo 4:5

Chay kanqa uj señal, Señorqa qanman rikhurisusqanta, ñaupa tatasniykej Diosnin, Abrahampata, Isaacpata, Jacobpata ima.

Éxodo 2:25

Dios qhawarerqa israelitasta, rikorqataj imaynachus kasqankuta.

Éxodo 24:11

Chay ajllasqa israelitastaqa Diosqa mana imanarqachu, paykunaqa tukuy sonqo Diosta rikorqanku, chantaqa mikhorqanku, ujyarqankutaj.

Éxodo 18:12

Chaymantaqa Moisespa suegron Jetro uj uywata rikuchikuta Señorman qorqa ruphachisqa kanampaj, chantaqa waj ofrendastawan. Chaymantataj Aaronwan tukuy kurajkuna israelitaswan jamorqanku Jetrowan khuska Diospa ñaupaqempi mikhoj.

Éxodo 15:14

Llajtasqa yachaspa kharkatitenqanku. Nanayqa tukuy filisteosta q'ewiykachachenqa.

Éxodo 3:2

Chaypitaj Señorpa angelnin rikhurerqa uj zarza nisqa sach'api nina lauraj ukhupi. Moisesqa chay zarzapi nina larwashajta allinta qhawarerqa, nitaj chay zarzataqa q'olasharqachu.

Génesis 21:1

Señorqa, Saraman imatachus qosqayki nisqanman jina, palabrasninta junt'arqa.

Génesis 1:7

Dios jark'achinata ruwarqa yakuta iskayman t'aqajta: Khuskan qhepakorqa urapi, khuskantaj patapi.

Génesis 28:13

Jinallataj paypa ñaupaqempi Señor sayashajta, payman nishajta: Noqa kani Señor, abueloyki Abrahampa Diosnin, tatayki Isaacpatawan. Qanman mirayniykimanwan qosqayki kay jallp'ata, maypichus puñushanki chayta.

Génesis 48:15

Jinaspataj Joseta bendicerqa kay jinata: Tukuy atiyniyoj Dios, pitachus kasorqanku abuelosniy Abraham, Isaacwan; mayqenchus noqata pusaykachakuwarqa nacesqay ratomantapacha, tukuy sajra kajmanta waqaychawaj, ángel, kay wawasta bendicichun. Paykunanejta sutiy yuyarisqa kanampaj, jinallataj tatasniypa sutisnimpis Abrahampata, Isaacpatawan. Paykuna kachunku ashkha wawasniyoj, ashkhas kachunku kay mundopi.

Éxodo 3:6

Chantá nillarqataj: Noqa ñaupa tatasniykej Diosnin kani, Abrahampata, Isaacpata, Jacobpatawan. Moisestaj chay kikimpacha uyanta pakaykukorqa, imaraykuchus manchachikorqa Diosta qhawariyta.

Éxodo 4:1

Chaymantataj Moisesqa kuticherqa: Imatataj paykuna chaytaqa creewanqankuri, nitaj kasutapis ruwawankumanchu. Paykunaqa niwanqankuchari: Señorqa, qanman mana rikhurisunkichu, nispa.

Éxodo 17:5

Señortaj Moisesman nerqa: Israel runaspa ñaupaqenta pasay, wakin kurajkuna israelitasta pusarikuspa; makiykipitaj tojnuykita oqhariykukuspa riy mayqenwanchus mayuta wajtarqanki chayta, chaymantaqa Horeb orqoman kachaykukuy.

Salmos 33:18

Señorqa waqaychampuni payta yupaychajkunata, munakuynimpi atienekojkunata.

Éxodo 1:8

Chay qhepata waj reyñataj Egiptoman yaykorqa, payqa Joseta mana rejserqachu. Chayrayku payqa runasninman nerqa: Qhawariychej, israelitasqa noqanchejmanta aswan ashkha, aswan atiyniyojtaj.

Salmos 102:21

Sión Jerusalén llajtapi, Señorpa sutin rejsichisqa, yupaychasqataj kanampaj.