Éxodo 29:45 - Qheshwa Biblia DC

⁴⁵ Israelitas ukhupi noqa kausasaj, Diosninkutaj kasaj.

DIOSPA QHELQACHISQAN DEUTEROCANONICAL

⁴⁵ Israelitakuna ukhupi noqa tiyakusaj, Diosninkutaj kasaj.

DIOSPA QHELQACHISQ

⁴⁵ Israelitakuna ukhupi noqa tiyakusaj, Diosninkutaj kasaj.

Éxodo 29:45 Referans Kwoze

Levítico 26:12

Noqa qankunaj chaupiykichejpi purisajpuni Diosniykichej kasaj, qankunataj noqaj aylluy kankichej.

2 Corintios 6:16

Chantá ima allintaj kanman, Diospa templompi lantikuna kanankuri? Qankunaqa kausashaj Diospa templon kankichej, imaynatachus Dios nerqa: Kausajtaj, purisajtaj paykuna ukhupi. Paykunaj Diosninku kasaj. Paykunataj aylluy kanqanku.

Éxodo 25:8

Runasqa ruwapuwachunku uj toldota, noqataj paykuna ukhupi tiyakusaj.

Apocalipsis 21:3

Tronomanta sinch'ita qhaparejta uyarerqani, nejtataj: Kayqa Diospa paykunawan tiyakuynin. Diosqa paykunawan kanqa. Runastaj paypa ayllun kanqanku, kikin Diostaj paykunaj Diosninku kanqa.

Zacarías 2:10

Jerusalempi tiyakojkuna kusiywan takiychej imaraykuchus qankuna ukhupi tiyakoj jamuni. Ajina nin Señorniykichej.

San Juan 14:23

Jesús payman kutichispa nerqa: Noqata munakuwajqa, palabrayta waqaychanqa; Tataytaj payta munakonqa, payman jamusqayku, paywantaj tiyakusqayku.

Salmos 68:18

Diosníy, puntanman wicharerqanki presochasqasta apaspa. Runas jaywasorqanku chaytataj jap'ikorqanki. Contraykipi sayaykojkunapis ñaupaqeykipi k'umuykukunku.

Éxodo 15:17

Oh Señor, qan pusawayku ari tiyakunaykupaj sumaj llimphu orqoykiman, chayaqeyki orqopi tiyakunaykupaj, maypichus qan tiyakunki chaypi, maynejtachus qan Señor ajllakorqanki chaypi; chay llimphu cheqata makisniyki sayacherqa.

Efesios 2:22

Ajinallatataj qankunapis Cristowan khuska wasichasqas kankichej, Dios qankunapi Espiritunejta tiyakunampaj.

San Juan 14:20

Chay p'unchaypeqa, Tataypi kasqayta yachankichej, qankunataj noqapi, noqataj qankunapi kasqayta.

Génesis 17:8

Qanman paykunamanwan qosqaykichej kay tukuynin Canaán jallp'ata, kunan maypichus tiyakushanki chayta, chayaqeyki wiñaypaj kanampaj, noqataj Diosniyki kasaj.

Éxodo 6:7

Noqa orqhokapusqaykichej: Qankunaqa aylluy kankichej; noqataj Diosniykichej kasaj. Chaypi qankunaqa yachankichej noqamin Señorqa, qankunaj Diosniykichej kasqayta, egipcios mayta ñak'arichispa llank'achisusqaykichejmanta, noqa qankunata orqhosqayta.

Éxodo 29:44

Noqapaj t'aqasaj chay tinkukuna toldota, altarta ima. Chaymantaqa t'aqakapullasajtaj Aaronta, wawasnintawan; paykuna sacerdotesniy kanankupaj.

Números 5:3

Chaykunata jawaman orqhochunku qharispis warmispis kachunku. Ajinamanta jaraqa llimphupaj qhawasqa kanqa imaraykuchus noqa paykunaj chaupinkupi kashani.

Deuteronomio 7:21

Chayrayku paykunaj ñaupaqenkupeqa amapuni manchachikunkichejchu, imaraykuchus Señor Diosniykichejqa qankunawan kashan, Payqa jatun Dios, manchachikunataj.

Deuteronomio 12:11

May cheqapichus Señorqa sutin yupaychasqa kanampaj ajllakonqa chaypi, qankunaqa kamachisusqaykichejman jina kay tukuy imasta Señorman jaywankichej: Ruphasqa kanampaj uywasta, ruphachinapaj kajta, sapa chunkamanta uj kaj ofrendata, rama ofrendasta, imastachus ajllaspa Señorman qosaj nerqankichej chay ofrendasta ima.

1 Reyes 6:13

Israelitaspa chaupimpitaj tiyakusaj, manataj Israel aylluytaqa saqerpayasajchu.

Salmos 114:2

Judá jallp'aqa Señorpa santo wasinman tukorqa. Israeltaj paypa kamachinman tukorqa.

Jeremías 14:9

Imaraykutaj t'ukusiri runa jina, uj maqanakoj runa manaña yanapayta atinñachu ajinari? Jinapis, Señor, qan chaupiykupi kashanki, tukuy yachanku qampa aylluyki kasqaykuta. Ama saqerakuwaykuchu ari!

Daniel (hebreo) 2:11

Reypa mañasqanqa manapuni atinapaj jinachu. Mana pipis kanchu chay mosqoyta ninampajqa. Dioskunalla chaytaqa niyta atinkuman. Paykunatajrí, mana runaswanchu tiyakunku!

Hageo 2:5

Imaynatachus Egiptomanta llojsimushajtiykichej, qankunawan tratota ruwarqani, chayman jina Espírituy qankunawan kanqa. Ama manchachikuychejchu.

Números 16:3

Tukuyninku tantaykukuytawan Moisesman Aaronmanwan nerqanku: Kaykamalla qankunaqa kamachiwasqayku. Tukuynin israelitas Diosman k'umuykukunku, llimphuchasqastaj kanku; Señorpis tukuyninkuwan kashan. Imaraykutaj qankuna Señorpa llajtanta kamachiyta munankichejri?, nispa.

Números 35:34

Ama ch'ichichankichejchu maypichus tiyakunkichej chay jallp'ataqa; noqapis tiyakuni chayllapitaj. Noqa Señor, israelitaswan khuska tiyakusqayrayku.

2 Crónicas 6:18

Jinapis, cheqapunichu kanman, Diosqa kay pacha runaswan tiyakunanqa? Janaj pachaqa, janaj pachamanta janaj pachapis mana wakiyta atisunkichu. Astawanraj ari kay yupaychana wasita qampaj ruwapususqayqa.

Ezequiel 34:24

Noqa Señor Diosnin kasaj, David kamachiytaj jatun kamachejnin kanqa, Noqa Señormin kaytaqa nini.

Ezequiel 43:9

Kunanqa, qhenchachakuy juchasninkuta, wañusqa reyesninkoj lantisnintapis karuman wijch'uchunku. Paykunawan khuskataj wiñaypaj tiyakusaj.

Zacarías 8:3

Jerusalenman kutillasajtaj chaypi tiyakapoj. Chaypacha Jerusalenqa uj cheqata purej llajta kanqa; Tukuy Atiyniyoj Señorpa orqontaj uj santo orqo nisqa kanqa.