Éxodo 29:38 - Qheshwa Biblia DC

³⁸ Kayta jaywanki sapa día mana qonqaspa altar patapi, iskay corderosta; chaykunataj kachun uj watayojkama.

DIOSPA QHELQACHISQAN DEUTEROCANONICAL

³⁸ Sapa p'unchay mana qonqaspa, uj watayoj iskay corderota altarpi Diosman jaywanki.

DIOSPA QHELQACHISQ

³⁸ Sapa p'unchay mana qonqaspa, uj watayoj iskay corderota altarpi Diosman jaywanki.

Éxodo 29:38 Referans Kwoze

1 Crónicas 16:40

Chaypi Señorman chay ruphachina altarpi ñak'asqa uywasta rikuchikusta Señorpaj q'olachinallankupajpuni paqarinnimpi, jinataj tardempipis, Señorpa leynimpi imaynatachus nisqanman jina. Chayta Señorqa uj kamachita jina Israel aylluman saqerqa.

Daniel (hebreo) 12:11

Waranqa iskay pachaj isq'on chunkayoj p'unchaykuna pasanqanku, Diosman sapa p'unchay jaywana kajta saqerasqamantapacha, Diosta yupaychana wasipi, imachus mana yupaychana kajllata churasqa karqa chaymantapacha.

2 Crónicas 31:3

Chantapis reyqa kapuyninmanta qorqa paqarimpi ch'isiyaypitaj uywasta q'olachinankupaj. Jinallataj samakuna p'unchaykunaspi, yuyarikuna fiestaspis Señorpa leynimpi imaynachus qelqasqa kasqanman jina.

2 Crónicas 13:11

Paykunaqa uywasta ñak'aspa Señorpaj q'olachipunku paqarimpi, tardempipis, inciensostapis q'olachipullankutaj, llimphuchasqa mesaman churallankutaj Diospaj t'antata, sapa tardetaj jap'ichinku k'anchanasta, qorimanta ruwasqa k'anchanapi k'anchanampaj. Imaraykuchus noqaykoqa Señor Diosniykoj nisqasninta junt'ayku. Qankunataj paytaqa saqerparinkichej.

2 Crónicas 2:4

Noqataj Señor Diosniypaj uj yupaychana wasita ruwapusaj, chayta Señorpaj t'aqapunaypaj, chaypitaj paypa ñaupaqempi, k'acha q'apashaj inciensota q'osñichinaypaj, chaypi paypaj t'aqasqa t'antasta sinrullata jaywanaypajpuni, sapa día uywasta ñak'aspa q'olachipunaypaj tutamanta, jinataj tardempipis, jinallataj samakuna p'unchaykunapi, killa rikhuriy p'unchaykunapi, jinataj Señor Diosniykoj fiestasnimpipis, imaynatachus Israelpi ruwakumpuni jinata.

Daniel (hebreo) 9:27

Uj semanatawan, chay reyqa tratota ruwanqa ashkha runaswan. Chaupi semanamantataj rikuchiku uywa jaywanata, ofrenda qonatapis sayachenqa. Uywata wañuchispa Diosman jaywana altarpa ñaupaqempi ashkha millay imasta ruwanqanku, imachus ruwakunampaj nisqaña karqa chay, millay imasta ruwachejpa patanman urmamunankama.

Esdras 3:3

Chay jallp'aspi kaj runakunata manchachikushaspapis, altartaqa ruwarqanku, maypischus ñaupajta ruwasqa karqa chayllapitaj. Chay patapitaj ruphacherqanku uywasta wañuchispa.

Hebreos 7:27

Payqa mana chay waj kuraj sacerdotes jinachu. Paykunaqa sapa p'unchay ñaupajtaraj uywa wañuchisqasta jaywananku tiyan juchasninkurayku, qhepantataj aylloj juchasninrayku. Kayta Cristoqa uj kutillata wiñaypaj ruwarqa, pay kikin wañuyman qokuspa.

San Juan 1:29

Juantaj q'ayantin, Jesusta payman jamushajta rikuspa, nerqa: Kaymá Diospa Corderon, runaspa juchanta qhechojqa.

Daniel (hebreo) 9:21

Ajinata mañakushajtiy, ñaupajta mosqoypi jina rikhuriwarqa Gabriel, phawamorqataj maypichus noqa kasharqani chayman, tardempi Diosman uywata wañuchispa rikhuchikuta jaywana chay horastaña.

Génesis 22:7

Rishaspataj Isaacqa nerqa tatan Abrahamman: Tatáy, paytaj nerqa: Imata ninki wawáy?, nispa. Isaactaj nerqa: Llant'awan ninawan tiyapuwanchej, maytaj chantá ovejarí Señorpaj q'olachinapajri?, nispa.

Éxodo 40:29

Chay punkunejllamantaj sumajta ruphachej altarta churaykorqa, Dioswan tinkukuna wasi punkuman, chay altar patapi ofrenda astawan uywastawan jaywaj kanku Señorman, imaynatachus Moisesman Señor kamachisqanman jina.

Levítico 3:5

Chaytaqa sacerdotes ruphachenqanku altarpi llant'a patapi ruphachisqa rikuchikutawan khuska. Chay ruphachispa jaywasqampa q'apaynenqa Señorpaj allin kanqa.

Números 29:6

Chantapis sapa killa qonaykichej jaywanatawan, sapa p'unchay q'olachina jaywanatawan q'olachinkichejpuni, ch'aki mikhuy jaywanasta, vino jaywanastawan, imaynatachus Dios kamachisqanman jina. Kay jaywanata Señorpaj sumaj q'apashajta q'olachinkichej.

2 Crónicas 8:13

Moisespa leyninman jina ima diaspichus jaywananku karqa chay diaspi, samakuna p'unchaykunaspi, sapa killa qallarikuypi, watantimpi kinsantin fiestaspipis, mana levadurayoj t'antata mikhuna fiestapi, semanas fiesta nisqapi, ramadas fiestapi ima.

Esdras 3:5

Chaymanta aswanqa qollarqankupuni sapa p'unchay ruphachina kajta, jinataj mosoj killapi ruphachina kajta, ajinallataj Señorpaj t'aqasqa p'unchaypi ruphachina kajtapis. Chanta munayninman jina ofrendasninkuta qoj kanku chaykunatawan.

Levítico 9:17

Chay ch'aki mikhuy rikuchikumantañataj jaywarqa, uj maki junt'ata jap'ispa. Chaytataj altar patapi ruphacherqa. Chay rikuchikoqa wajtaj karqa tutamanta ruphachisqa uywamantaqa.

2 Crónicas 2:3

Chaymantataj Salomonqa Tiroj reynin Hiramman willacherqa: Imaynatachus tatay Davidta yanaparqanki, ajinata noqatapis yanapariway. Paymanqa cedro k'aspista apachimorqanki, palacionta ruwachikuspa chaypi tiyakunampaj.

2 Crónicas 29:7

Yupaychana wasej ñaupaqen punkuntataj wisq'arqanku, k'anchanastapis wañuchiporqanku, yupaychana wasipitaj Israelpa Diosnimpaj manaña inciensota q'osñichiporqankuchu, ñak'asqa uywastapis mana q'olachiporqankuchu.

Ezequiel 46:13

Sapa p'unchay tutamanta, uj watayoj orqo ovejata Señorman jaywanki ninapi ruphachispa, chaytaj mana iman imanasqa kanqa.

Ezequiel 46:15

Orqo ovejata, grano ofrendasta ima, sapa paqarimpuni ninapi ruphachispa jaywanqanku.