Éxodo 29:37 - Qheshwa Biblia DC

³⁷ Qanchis p'unchay junt'ata altar patapi rikuchikusta jaywanki juchasrayku. Ajinamanta Diospaj t'aqasqa kanqa. Chay altartaj may santo kanqa. Imallapis chay altarman chayaykojqa Diosllapaj qhepakonqa.

DIOSPA QHELQACHISQAN DEUTEROCANONICAL

³⁷ Qanchis p'unchayta altarpi, jucha pampachasqa kananpaj, uywa ñak'asqata Diosman jaywanki. Ajinata ruwaspa altarta Diospaj t'aqanki. Altartaj may llimphupaj qhawasqa kanqa. Imallapis altarman chayaykojqa Diospaj t'aqasqa kanqa.

DIOSPA QHELQACHISQ

³⁷ Qanchis p'unchayta altarpi, jucha pampachasqa kananpaj, uywa ñak'asqata Diosman jaywanki. Ajinata ruwaspa altarta Diospaj t'aqanki. Altartaj may llimphupaj qhawasqa kanqa. Imallapis altarman chayaykojqa Diospaj t'aqasqa kanqa.

Éxodo 29:37 Referans Kwoze

Éxodo 40:10

Sumajta q'apashaj altarta aceitetawan ch'ajchuykullankitaj, tukuy imasnintawan. Ajinata chay altartaqa Diospaj t'aqachinki, may t'aqasqa kanampaj.

San Mateo 23:19

Wampus, ciego runas! Mayqentaj aswan allinri: Rikuchikuchu, chayrí rikuchikuta llimphuchaj altarchu?

San Mateo 23:17

Wampus, ciego runas! Mayqentaj aswan kurajrí: Temploj qorinchu, chayrí qorita llimphuchaj templochu?

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

Levítico 8:11

Chay kikin aceitellawantaj qanchis kutita altarta ch'ajchorqa. Chaymantataj altarman jich'aykorqa, chaypi kaj tukuy imasmanwan. Chaymantataj ch'ajchullarqataj mayllakuna ch'illamisman, sayanantawan, Señorpaj t'aqasqa kanampaj.

Levítico 16:16

Ajinamanta maypichus Diospa tiyakunanqa llimphuchasqa kanqa israelitaspa millay imasninkumanta, machu machu kayninkuwan juchasninkuwan ima ch'ichichasqa kasqanmanta. Kikillantataj ruwanqa Dioswan tinkukuna toldotapis; chay kashan israelitaspa chaupinkupi, tukuy millay kayninkoj chaupimpi ima.

Hageo 2:12

Sichus uj runa p'achampi Diosman jaywasqa aychata mayt'uspa apaykachanman chayqa, chay p'achaj cantonwantaj llankhanman t'antata, wayk'usqa mikhuyta, vinota, aceiteta, chayri, mayqen ima mikhuyllatapis; chay mikhunasqa ajina llankharisqas kaspa llimphuchasqachu kankuman? Sacerdotestaj kuticherqanku: Mana, nispa.

Levítico 6:11

Chaymantataj sacerdoteqa p'achasninta lluch'ukuspa waj p'achasta churaykukuytawan, chay ushphata jaramanta jawaman uj llimphu cheqaman apanqa.

2 Crónicas 7:9

Qanchis kaj diapitaj uj jatun tantakuyta ruwarqanku, imaraykuchus qanchis p'unchay junt'ata fiestachasqanku, altarta Diospaj t'aqasqankurayku, qanchis diata jatun fiestata ruwasqankuraykutaj.

Ezequiel 43:20

Yawarta jap'ispa altar patapi kaj tawantin wajras patanman ch'ajchuykunki, kikillantataj tawantin esquinasninman, cantompi oqharisqa muyuyninmanwan. Ajinata altartaqa llimphuchanki.

Ezequiel 43:25

Qanchis p'unchay junt'ata sapa p'unchay uj chivota jucharayku ñak'anqanku. Jinallatataj ñak'anqanku waka uñata, uj mana iman imanasqa karnerotawan.