Éxodo 29:18 - Qheshwa Biblia DC

¹⁸ Jinaytawantaj tukuynin aychasninta altar patapi ruphachinki uj rikuchikuta jina sumaj q'apashajta Señorpa munasqanman jina, uj ofrendata Señorman jaywaspa.

DIOSPA QHELQACHISQAN DEUTEROCANONICAL

¹⁸ Jinaytawantaj, tukuy corderota altar patapi ruphachinki. Chayta q'olachispa, Tata Diosman jaywanki, sumajta q'aparisqantaj Tata Diospa sonqonman chayanqa.

DIOSPA QHELQACHISQ

¹⁸ Jinaytawantaj, tukuy corderota altar patapi ruphachinki. Chayta q'olachispa, Tata Diosman jaywanki, sumajta q'aparisqantaj Tata Diospa sonqonman chayanqa.

Éxodo 29:18 Referans Kwoze

Génesis 8:21

Chay q'apaytaj Diospaj may sumajpuni karqa munasqanman jina, nerqataj sonqompi: Kunanqa manaña jallp'ata jasut'isajchu runaj juchanrayku. Imaraykuchus runaqa waynamantapacha mana allin kajllatachu yuyan. Nillataj kausajkunatapis tukuchisajchu kunampi jina.

Filipenses 4:18

Noqaqa tukuy imata jap'erqaniña. Ashkhaña kapuwan. Junt'asqa kani. Epafroditomanta jap'erqani apachimuwasqaykichejta, k'acha q'apayniyojta jina, allin rikuchikuta jinataj, Diospajtaj allin qhawasqata.

Efesios 5:2

Munakuypitaj puriychej, imaynatachus Cristopis munakuwarqanchej ajinata. Pay kikin entregakorqa noqanchejrayku Diosman ofrenda jina, ruphachisqa cordero jinataj k'acha q'apayniyoj.

Marcos 12:33

Diosta tukuy sonqo munakoyqa, tukuy yachaywan, tukuy almawan, tukuy kallpawan ima, runa masinchejtataj noqanchejta jina munakoyqa; aswan allin ruphachina rikuchikusmanta, uywa wañuchisqasta Diosman jaywanamanta ima nisqaqa.

Jeremías 6:20

Imapajtaj qankuna Sabá inciensota apamuwankichejri? Jinallataj chay karu llajtasmanta q'apaj qhorastapisri? Noqapaj manapuni allinchu rijch'awan chay ruphachina, nitaj chay waj rikuchikusninkupis.

Isaías 1:11

Señorqa nin: Imapaj apamuwankichej chay chhika rikuchikusta? Millachikuniña chay rikuchiku carnerosta, waka uñaspa wirasninta, millayta q'apaykuwan torospa yawarnin, jinataj ovejaspata, chivospata ima.

Salmos 50:8

Mana uywa wañuchisqata jaywawasqaykimantachu k'amiyki. Uywastaqa jaywashallawankipuni, altar patapi q'olachispa.

1 Reyes 18:38

Chantaqa Señormanta nina uraykamuspa q'olaykorqa chay ñak'asqa torota, llant'ata rumista, jallp'ata, lark'api yakutapis ch'akirpayacherqa.

1 Reyes 3:4

Salomontaj Gabaón lomaman rerqa, imaraykuchus chaypi jatun kaj altar kasharqa, chaypitaj uywasta ñak'aspa jaywaj. Salomonqa waranqa uywasta ñak'aspa chay altar patapi q'olachej.

1 Samuel 7:9

Samueltaj uj juch'uy ñuñushaj corderota jap'ispa tukuyninta Señorpaj ruphacherqa, chaymantataj Señormanta yanapata mañaporqa, Señortaj uyarerqa.

Levítico 9:24

Señorpa ñaupaqenmantataj nina lauray llojserqa, chaytaj rupharqa altar patapi kasharqa chay jaywasqa uywasta, wirastawan. Chayta rikuspataj tukuynin israelitas kusiywan qhaparerqanku, k'umuykorqankutaj pampaman umasninkuta chayachinankukama.

Levítico 1:17

Chay lijrayojtaqa khuskanninmanta p'akenqa mana iskayman t'aqaspa. Sacerdotetaj chay p'isqotaqa altarpi llant'a patapi ruphachenqa. Chay ruphachispa jaywasqampa q'apaynenqa Señorpaj allin kanqa.

Éxodo 29:25

Makinmanta mañaytawantaj altarpi ruphachiy, rikuchikustawan khuska, Señorpa ñaupaqempi sumajta q'aparishajta. Chay ofrendaqa Señorpaj may sumajpuni kanqa.

Génesis 22:13

Jinamanta Abrahamqa qhawarerqa, rikorqataj uj carnero wajrasninmanta sach'as ukhupi jarap'asqata. Rispataj carnerosta aysarimuytawan altar patapi wañuchispa wawampa cuentanmanta Señorpaj q'olacherqa.

Génesis 22:7

Rishaspataj Isaacqa nerqa tatan Abrahamman: Tatáy, paytaj nerqa: Imata ninki wawáy?, nispa. Isaactaj nerqa: Llant'awan ninawan tiyapuwanchej, maytaj chantá ovejarí Señorpaj q'olachinapajri?, nispa.

Génesis 22:2

Diosqa nerqa: K'ata churiyki munasqayki Isaacta pusarikuspa riy Moríah jallp'aman. Chayman chayaspataj payta q'olachipuwanki ima orqomanchus noqa riy nisqayki chaypi.

Éxodo 29:17

Jinaspataj chhikan chhikanta aychasninta khuchuranki, panzasnintataj mayllaranki. Chhuchutisnintataj, umantawan khuska aychasnin pataman churanki.

Levítico 1:9

Chanta chay runaqa uywaj ch'unchulasninta, chakisnintawan mayllanqa. Chaymantataj sacerdoteqa tukuy chaykunata altar patapi ruphachenqa. Chay ruphachispa jaywasqampa q'apaynenqa Señorpaj allin kanqa.

Levítico 4:31

Chaymantaqa cabraj tukuy wirasninta wirachanqa, imaynatachus ruwanku allinyakuy rikuchiku wirawan ajinata. Sacerdoteqa ajinamanta chay rikuchikuta jaywanqa, chay runaj juchasninmanta. Juchasnintaj pampachasqa kanqa. Chay ruphachispa jaywasqampa q'apaynenqa Señorpaj allin kanqa.

Levítico 8:21

Chaymantataj ñak'asqa corderoj ch'unchulasninta, piernasnintawan, tukuyninta altar patapi ruphacherqa. Chay ruphachispa jaywasqampa q'apaynenqa Señorpaj sumaj karqa, Señorqa Moisesman kamachisqanman jina.

Génesis 8:20

Noetaj uj altarta Señorpaj ruwarqa, chaypitaj Diospaj uj rikuchikuta ruphacherqa, mikhuna uywasta, phawajkunata ima sapa ujmanta ujtakama ajllaspa.