Éxodo 29:14 - Qheshwa Biblia DC

¹⁴ Aychantataj, qarantawan, wanusninta imaqa ruphachinki toldo jawapi, imaraykuchus chaykunaqa juchaj cuentanmanta jaywasqas.

DIOSPA QHELQACHISQAN DEUTEROCANONICAL

¹⁴ Torilloj aychanta, qaranta, wanuntawan imataj, jaramanta jawaman apaspa, chaypi ruphachinki. Chaymin kanqa juchata pampachanapaj q'olachispa jaywanaqa.

DIOSPA QHELQACHISQ

¹⁴ Torilloj aychanta, qaranta, wanuntawan imataj, jaramanta jawaman apaspa, chaypi ruphachinki. Chaymin kanqa juchata pampachanapaj q'olachispa jaywanaqa.

Éxodo 29:14 Referans Kwoze

Levítico 4:21

Chaymantataj chay torillota jaramanta jawaman orqhospa ruphachimonqa, imaynatachus chay ñaupaj kaj torillowan ruwarqa, ajinata. Chay torilloqa ruphachisqa kanan tiyan tukuy israelitaspa juchasninkoj cuentanmanta.

Esdras 8:35

Chay qhepata presochasqamanta kutirimojkuna tukuynin israelitaspa sutimpi qorqanku, chunka iskayniyoj waka uñasta, isq'on chunka sojtayoj carnerosta, qanchis chunka qanchisniyoj corderostawan Israelpa Diosnimpaj q'olachinankupaj. Chunka iskayniyoj chivosta juchaj cuentanmanta jaywarqanku. Tukuyninta q'olacherqanku Señorta jatumpaj qhawaspa.

2 Crónicas 29:24

Chaymantataj sacerdotesqa chay uywasta wañucherqanku, yawarninta jap'ispataj altar pataman ch'ajchumorqanku juchasmanta jaywanata jina, tukuy Israelpa juchasninmanta perdonta tarinapaj. Imaraykuchus rey kamachisqa tukuy Israel ayllurayku jaywanankuta chay q'olachinapaj kajta, chay jucharayku kajtapis.

Éxodo 30:10

Chay altarqa t'aqasqapuni kanan tiyan Señorpaj. Chay altarpi wajras patapi Aaronqa uj rikuchikuta jaywanqa uj kutillata sapa wata, juchas pampachasqa kanampaj. Chaytaqa uj kutillatapuni ruwanqa Aaronqa sapa watapi, uywaspa yawarninwan chay altar patapi juchas pampachasqa kanampaj. Chaytaj Señorpajqa may t'aqasqamin kanqa.

Números 7:16

Chanta uj chivotawan apamorqa juchaspa cuentanmanta uj rikuchikuta jina jaywanapaj.

Levítico 16:27

Chay torillowan, cabra chivowan juchaj cuentanmanta jaywasqa karqanku, yawarninkutaj Diospa tiyakunanman apasqa karqanku, chaykunaj qarasninta, aychanta, phusnusninta imaqa, jaramanta jawaman orqhospa ninawan ruphachimonqanku.

Levítico 16:11

Chaymantataj Aaronqa torillo ofrendta apachimonqa rikuchikuta Señorman jaywanampaj kikin juchasninmanta, paypa juchasninmanta perdonta tarinampaj, jinallataj familiampajpis.

Levítico 16:3

Aaronqa Dios maypichus kashan chayman yaykuchun uj torillo aysarisqa juchamanta uj rikuchikuta jaywanampaj. Apamullachuntaj uj carnerota ruphachisqa kanampaj.

Levítico 9:2

Aaronmantaj nerqa: Juchasrayku ñak'asqa kanampaj apamuy uj waka uñata, uj sumajnin kaj mana imanasqa corderotawan ruphachisqa kanampaj. Chaykunata Señorpa ñaupaqenman apay.

Levítico 8:17

Uywaj wakin puchoj aychasnintataj, qaranta, wanuntawan jaramanta jawaman orqhospa Moisesqa ninawan ruphaykucherqa, Señorqa payman kamachisqanman jina.

Levítico 5:8

Chaykunastaqa sacerdoteman apamonqa. Paytaj chay runaj juchampa cuentanmanta ujnin kajta ñaupajta jaywanqa kunkanta q'ewispa mana umanta khuchuspa.

Levítico 5:6

Chay juchampa cuentanmanta Señorman apamuchun china ovejata, chayri china cabrata. Sacerdoteqa chay rikuchikuta jaywanqa. Chaywantaj chay runaj juchasnin pampachasqa kanqa.

Levítico 4:32

Sichus mayqempis juchampa cuentanmanta apamunman uj ovejata chayqa, apamuchun sumajnin kaj china ovejata mana ima imanasqata.

Levítico 4:29

Chay cabraj umanman makinta churaytawantaj ñak'achun, may cheqapichus ruphachisqa kanampaj uywasta ñak'anku chaypi.

Levítico 4:25

Chaymantataj sacerdoteqa uj dedonwan chhapuspa juchaspa cuentanmanta ñak'asqa uywaj yawarninwan jawenqa chay ruphachina altarpa wajras jina kaj esquinasninta. Chay tukuynin puchoj yawarwantaj jich'anqa rikuchikuta ruphachina altarpa uranman.

Levítico 4:3

Sichus aceitewan jawisqa sacerdote juchallikun, runastawan juchallichin chayqa, pay Señorman apamuchun uj torillota sumajnin kajta mana iman imanasqata, chay juchampa cuentanmanta rikuchiku kanampaj.

Números 19:5

Sacerdote qhawashajtintaj chay wakaj imasninta ninapi ruphachenqa: aychanta, qaranta, yawarninta, phusnusninta ima.

Ezequiel 43:21

Chantá juchamanta wañuchisqa waka uñata oqharispa, kamachisqaman jina Diosa yupaychana wasimanta jawanejman orqhospa ninapi ruphachinki.

Malaquías 2:3

Noqa atiyniykichejta qhechusqaykichej. Noqaman jaywanapaj apamunkichej chay uywaspa wanunwan uyaykichejman qhallisqaykichej, chay wanuwan khuskataj picharparisqas kankichej