Éxodo 29:13 - Qheshwa Biblia DC

¹³ Chaymantaqa ch'unchulasninta, kukupisninta, lurunisninta ima orqhoy; jinaspataj kukupisninmanta wirachay, lurunisninmantawan; chay wirasnintataj altar patapi ruphachiy.

DIOSPA QHELQACHISQAN DEUTEROCANONICAL

¹³ Chantá ch'unchulamanta, k'iwichamanta, lurunkunamantawan ima wiranta orqhospa, altarpi q'olachinki.

DIOSPA QHELQACHISQ

¹³ Chantá ch'unchulamanta, k'iwichamanta, lurunkunamantawan ima wiranta orqhospa, altarpi q'olachinki.

Éxodo 29:13 Referans Kwoze

1 Samuel 2:16

Sichus chay ruphachej runa kutichej kay jinata: Mana, wirasnintaraj ruphachisaj, chantaqa munasqaykita apallanki, nispa chayqa, chay kamacheqa kutichej: Mana, kunampachapuni qonawayki tiyan! Mana qowanki chayqa, kallpaywan qhechusqayki, nispa.

Isaías 43:24

Mana noqapajqa q'apaj jawinasta ranterqankichu, nitaj uywa wañuchisqa wiraswampis sajsachiwarqankichu, mana chayqa jucha q'episniykita wijch'uykuwanki; chay jina millay juchata ruwasqasniykiwantaj sayk'uchiwarqanki.

Isaías 34:6

Señorpa espadanqa sumaj yawarchasqa, wiranchasqataj kashan, imaynatachus ovejasta, cabrastapis rikuchikuspaj wañuchinku ajinata. Señorqa uywa wañuchisqa jaywakuta Bosra llajtapi ruwanqa, jinamanta ruwanqa uj jatun ñak'arakuta Edom llajtapi.

Isaías 1:11

Señorqa nin: Imapaj apamuwankichej chay chhika rikuchikusta? Millachikuniña chay rikuchiku carnerosta, waka uñaspa wirasninta, millayta q'apaykuwan torospa yawarnin, jinataj ovejaspata, chivospata ima.

Salmos 22:14

Jich'akoj yaku jina kani. Tukuy tullusniy kutasqas kanku. Sonqoytaj mach'a jina kashan, ukhuypi unuyashan.

Números 18:17

Kay kinsa laya uywaspa ñaupaj kaj uñasnintari ama imawampis trocachinkichu: Wakaspata, ovejaspata, cabraspata ima, chaykunaqa t'aqasqasña. Ñak'aspataj yawarninkuwan altar patata ch'ajchunki; wirasnintataj sumaj q'apashajta noqa Señorpaj ruphachinki.

Levítico 17:6

Sacerdoteqa chay uywaspa yawarninwan altar patata ch'ajchumonqa, mayqenchus kashan Dioswan tinkukuna toldo punku yaykuypi. Wirasnintataj Señorpaj ruphachenqa, chay ruphachispa jaywasqampa q'apaynintaj Señorpaj allin kanqa.

Levítico 16:25

Juchaspa cuentanmanta ofrendaj wirasnintataj altar patapi ruphachenqa.

Levítico 9:19

Chanta jaywallarqankutaj toroj wirasninta, corderoj wirasninta, chupanta, ch'unchulaj wirasninta, lurunisninta, kukupi wiranta ima.

Levítico 9:10

Chaymantataj altar patapi ruphacherqa juchasrayku apamusqa uywaj wirasninta, lurunisninta, kukupi wirasnintawan, imaynatachus Señorqa Moisesman kamachisqanman jina.

Levítico 8:25

Chaymanta Moisesqa orqhorqa uywaj wirasninta, chupanta, ch'unchulasninta, tukuy wirasnintinta, wirasninta, iskaynin lurunisninta wirasnintinta, paña piernantawan.

Levítico 8:16

Chay qhepatataj Moisesqa wiracharqa chay uywaj tukuy ch'unchula wirasninta, kukupi patasnimpi kaj wirasninta, chantaqa iskaynin lurun wirasninta ima khuchukarqanku. Tukuynintataj altar patapi ruphaykucherqa.

Levítico 7:31

Chay wirastataj sacerdoteqa altar patapi ruphachenqa. Chay uywaj pechontaj sacerdote Aarompaj, miraynimpajwan kanqa.

Levítico 6:12

Chay altar patapi k'ajaj ninaqa manapuni wañonqachu. Chayman sacerdoteqa sapa paqarin llant'ata yapanan tiyan. Chay patamantaj ima uywatachus ruphachinanta ruphanampaj churanqa. Jinallataj chay pataman churanqa allinyakuy rikuchikusmanta orqhosqa wirasta.

Levítico 4:35

Chaymantataj ovejaj tukuy wirasninta wirachanqa, imaynatachus ruwanku allinyakuy rikuchiku wiraswan ajinata. Sacerdoteqa chay wirasta altar patapi ruphachenqa, Señorman rikuchikus qosqa karqa chaykunatawan khuska. Ajinamanta chay sacerdoteqa chay rikuchikuta jaywanqa chay runaj juchasninmanta. Juchasnintaj pampachasqa kanqa.

Levítico 4:31

Chaymantaqa cabraj tukuy wirasninta wirachanqa, imaynatachus ruwanku allinyakuy rikuchiku wirawan ajinata. Sacerdoteqa ajinamanta chay rikuchikuta jaywanqa, chay runaj juchasninmanta. Juchasnintaj pampachasqa kanqa. Chay ruphachispa jaywasqampa q'apaynenqa Señorpaj allin kanqa.

Levítico 4:26

Chivoj tukuynin wirasnintataj altar patapi ruphachenqa, imaynatachus allinyakuy rikuchiku wirawan ruwanku ajinata. Sacerdoteqa ajinamanta chay rikuchikuta jaywanqa, kuraj kajpa juchasninmanta, juchasnintaj pampachasqa kanampaj.

Levítico 1:15

Chaykunatataj sacerdoteqa altar patapi Señorman jaywanqa. Chaymantataj k'ichirpayaytawan umanta, altar patapi ruphachenqa, yawarnintataj altarpa uj lado uyanman sut'uchenqa.

Levítico 1:9

Chanta chay runaqa uywaj ch'unchulasninta, chakisnintawan mayllanqa. Chaymantataj sacerdoteqa tukuy chaykunata altar patapi ruphachenqa. Chay ruphachispa jaywasqampa q'apaynenqa Señorpaj allin kanqa.

Éxodo 29:25

Makinmanta mañaytawantaj altarpi ruphachiy, rikuchikustawan khuska, Señorpa ñaupaqempi sumajta q'aparishajta. Chay ofrendaqa Señorpaj may sumajpuni kanqa.

Éxodo 29:22

Chaymantataj corderoj chupanmanta wirachay, jinallataj ch'unchulasninmanta, kukupisninmanta, iskaynin lurunisninmanta, wakin wirasnintawan, chantaqa paña piernasninmantawan; imaraykuchus chay corderoqa sacerdotespaj Diospaj t'aqasqas kashajtinku chaypachapaj.

Éxodo 29:18

Jinaytawantaj tukuynin aychasninta altar patapi ruphachinki uj rikuchikuta jina sumaj q'apashajta Señorpa munasqanman jina, uj ofrendata Señorman jaywaspa.

Éxodo 12:9

Amataj chaykunamanta imasnintapis chawata mikhunkichejchu, nitaj yakupi chayasqatapis, manachayqa ninapi kankasqallatapuni, umanta, ch'unchulisnintapis.