Éxodo 25:30 - Qheshwa Biblia DC

³⁰ Ñaupaqeypi chay mesaman churankipuni, Diospa ñaupaqempi kaj, nisqa t'antata.

DIOSPA QHELQACHISQAN DEUTEROCANONICAL

³⁰ Chantá chay mesaman churanki noqaman qonawaykichej t'antata, chaytaj ñawpaqeypi kanallanpuni tiyan.

DIOSPA QHELQACHISQ

³⁰ Chantá chay mesaman churanki noqaman qonawaykichej t'antata, chaytaj ñawpaqeypi kanallanpuni tiyan.

Éxodo 25:30 Referans Kwoze

San Mateo 12:4

Diospa wasinman yaykuspa, Diosman jaywasqa t'antasta mikhorqa. Payqa mana mikhunanchu karqa, nitaj paywan kajkunapis; sacerdoteslla chaytaqa mikhunanku karqa.

Malaquías 1:12

Qankunataj sonqoyta nanachiwankichej, imaraykuchus ninkichej Señorpa mesan millay kasqanta, nillankichejtaj mikhuna kajtaqa qhesachana kasqanta.

Malaquías 1:7

Qankunaqa altarniyman ch'ichichasqa t'antata apamunkichej, chanta tapunkichejraj: Imapi qanta phiñachiyku?, nispa. Qankuna sonqoyta nanachiwankichej, altarniyta p'enqachiyta munaspa.

2 Crónicas 13:11

Paykunaqa uywasta ñak'aspa Señorpaj q'olachipunku paqarimpi, tardempipis, inciensostapis q'olachipullankutaj, llimphuchasqa mesaman churallankutaj Diospaj t'antata, sapa tardetaj jap'ichinku k'anchanasta, qorimanta ruwasqa k'anchanapi k'anchanampaj. Imaraykuchus noqaykoqa Señor Diosniykoj nisqasninta junt'ayku. Qankunataj paytaqa saqerparinkichej.

1 Crónicas 23:29

Diospaj t'aqasqa t'antasta sinrullata churanamantapis mink'asqas karqanku, ch'aki mikhuykunamanta jaywana jak'umantapis, mana levadurayoj sillp'a t'antasmantapis, paylapi chayachisqa kaj jaywanasmantapis, wajpi chayachisqasmantapis, tukuy pesasmanta medidasmantawan.

1 Crónicas 9:32

Coatitasmanta wakin ayllusninkutaj churasqas karqanku, t'aqasqa kaj t'antasta, sinrullata churanankupaj sapa samakuna p'unchaypi.

1 Samuel 21:6

Chaypacha sacerdoteqa chay llimphuchasqa t'antata jaywarqa, Señorpaj llimphuchasqa t'antaslla chaypi kasqanrayku. Chay diallaraj chayman orqhomusqanku waj q'oñi t'antasta churanankupaj.

Hebreos 9:2

Tabernáculo waseqa, kay jinamanta ruwasqa karqa: ñaupaj kajpi k'anchachi karqa, mesa, rikuchiku t'antaspiwan. Chay cheqatataj, lugar santo nispa suticharqanku.

Éxodo 40:4

Mesata apaykunki, k'anchachinatawan. Chay pataman sumajta maychus kananman churaykunki.

Éxodo 40:23

Chay mesa patamantaj t'antasta churaykorqa sumaj k'achanchasqasta Señorpa ñaupaqenman, imaynatachus Señor payman kamachisqanman jina.

1 Samuel 21:4

Sacerdotetaj Davidman nerqa; Tiyapuwan chay t'antaqa mana mikhunapaj nisqa t'antachu, manachayqa Diospaj t'aqasqa t'antalla. Jinatapis qosqayki sichus runasniyki warmiswan mana karqankuchu chayqa.

1 Reyes 7:48

Chanta Salomonqa tukuy imasta ruwachillarqataj Señorpa wasimpaj qorimanta uj altarta, qorimanta uj mesatawan chayman churanankupaj Señorpaj t'aqasqa t'antasta.

2 Crónicas 2:4

Noqataj Señor Diosniypaj uj yupaychana wasita ruwapusaj, chayta Señorpaj t'aqapunaypaj, chaypitaj paypa ñaupaqempi, k'acha q'apashaj inciensota q'osñichinaypaj, chaypi paypaj t'aqasqa t'antasta sinrullata jaywanaypajpuni, sapa día uywasta ñak'aspa q'olachipunaypaj tutamanta, jinataj tardempipis, jinallataj samakuna p'unchaykunapi, killa rikhuriy p'unchaykunapi, jinataj Señor Diosniykoj fiestasnimpipis, imaynatachus Israelpi ruwakumpuni jinata.

Ezequiel 41:22

Maderamanta ruwasqa altartaj sapa ladoman iskay metrosniyoj karqa. Uramanta patamantaj uj metro khuskanniyoj karqa. Esquinasniyoj pampaman karqa, jinataj ladosnimpis maderamanta karqa. Runataj niwarqa: Kay mesamin Señorpa ñaupaqempi kashan, nispa.

1 Samuel 21:5

Davidtaj sacerdoteman kuticherqa: Cheqamanta sapa maqanakuman llojsispaqa warmismanta karunchakunkupuni. Kay jamusqaykoqa mana maqanakupaj nisqapischu karqa, chaywampis runasneyqa llimphuchakorqankuña llojsimunaykupajqa, jinamanta kunanqa aswan llimphuchasqas kashayku.

2 Crónicas 2:3

Chaymantataj Salomonqa Tiroj reynin Hiramman willacherqa: Imaynatachus tatay Davidta yanaparqanki, ajinata noqatapis yanapariway. Paymanqa cedro k'aspista apachimorqanki, palacionta ruwachikuspa chaypi tiyakunampaj.