Éxodo 25:29 - Qheshwa Biblia DC

²⁹ Chaymantaqa ruwallankitaj qorillamantapuni kucharasninta, chuwasninta, jarrasninta, vasosninta, k'aspisninta ima, chayman misk'i ofrendasta jap'inapaj.

DIOSPA QHELQACHISQAN DEUTEROCANONICAL

²⁹ Jinallataj mesaman churanapaj ruwanki, wisllakunata, chuwakunata, yurukunata, vino ofrendata jap'inapaj copakunatapis, chay tukuyninta sumaj qorimanta ruwanki.

DIOSPA QHELQACHISQ

²⁹ Jinallataj mesaman churanapaj ruwanki, wisllakunata, chuwakunata, yurukunata, vino ofrendata jap'inapaj copakunatapis, chay tukuyninta sumaj qorimanta ruwanki.

Éxodo 25:29 Referans Kwoze

Éxodo 37:16

Imaschus mesapi kananku karqa, chaykunatapis qori purumanta ruwarqa: chuwasta, cucharasta, jarrasninta, copastawan, ima ch'irwasqastachu ofrendasta apamoj kanku chaykunata jap'inapaj.

Apocalipsis 3:20

Qhaway, punkupi kashani, wajyashanitaj. Sichus uj runa wajyasqayta uyarin, punkutataj kicharimun chayqa, noqaqa paypaman yaykusaj. Paywantaj mikhusaj, paytaj noqawan mikhonqa.

TAKIYKUNA 5:1

Noqa huertayman yaykuniña, hermanitáy, noviáy. Noqaqa mirraytawan, sumajta q'apashaj jawinasniytawan jap'ikapuniña. Panalniypa, misk'intapis mikhuniña. Vinoytawan, lecheytawampis ujyaniña. Munasqa kausaqesníy, mikhurikuychej, ujyarikuychej sajsanaykichejkama.

2 Crónicas 4:22

Pabilo orqhonaspis, jatuchaj vasospis, jatun cucharaspis, incienso q'osñichinaspis, ch'uwa qorillamantataj karqanku. Chanta qorillamantataj karqanku yupaychana wasiman yaykuna ukhu punkusnin, Diospa tiyakunanman yaykuna punkuspis, jinataj kikin yupaychana wasiman yaykuna punkuspis.

1 Reyes 7:50

Ajinallatataj ruwacherqa yurusta pabilo k'utunasta, tazasta, juch'uy cucharasta, incienso q'osñichinastawan, chay tukuynin qori puromanta ruwasqas karqanku. Diospa tiyakunan punkuspa jap'ichinasnimpis qorillamantataj karqa, jinallataj temploj punkusnimpa jap'ichinasnimpis.

Números 7:19

Natanaelpis Naasón kikillantataj ofrendasninta qorqa. Pay qorqa uj qolqe chuwata, pesarqataj pachaj kinsa chunkayoj gramos; uj qolqe yuruta, chaytaj pesarqa qanchis chunka gramos, imaynachus Dioswan tinkukuna toldopaj karqa chayman jina, iskaynin junt'as karqanku sumaj kaj ñut'u jak'umanta ñat'usqa ofrendayoj.

Números 7:13

Paypa ofrendanqa karqa uj qolqe ch'illami, pesarqataj waranqa tawa pachaj kinsa chunkayoj gramos. Chantaqa uj qolqe yurutawan apamorqa, chaytaj pesarqa qanchis pachaj qanchis chunkayoj gramos, imaynachus Dioswan tinkukuna toldopi peso churasqa karqa chayman jina. Iskaynimpitaj junt'as karqa sumajnin kaj ñut'u jak'uwan aceitewan ñat'usqa ch'aki mikhuymanta ofrenda kanampaj.

Éxodo 25:28

Chay k'aspisqa kanqa acacia maderamanta, jinaspataj qoriwan chay k'aspista jawerqonki, chaymanta oqharispa mesata apaykachanapaj.

Números 7:84

Ajinata altar tukukojtin, Israel ayllusmanta kurajkunaqa chunka iskayniyoj qolqe ch'illamista t'aqaporqanku, chunka iskayniyoj qolqe yurusta, chunka iskayniyoj qori cucharastawan.