Éxodo 25:22 - Qheshwa Biblia DC

²² Chaypi qanwan tinkukusaj. Cajón patapi kashanku chay iskay querubines chaupinkumanta, noqa qanman willamusqayki israelitaspis imastachus ruwanankuta.

DIOSPA QHELQACHISQAN DEUTEROCANONICAL

²² Chaypi qanman rikhurisqayki, chantá Khuyakuyta Tarina nisqamanta, arca patapi kashanku, chay querubinkunaj chawpinmanta qanwan parlasaj. Willasqaykitaj israelitakunaman imatachus kamachisqayta.

DIOSPA QHELQACHISQ

²² Chaypi qanman rikhurisqayki, chantá Khuyakuyta Tarina nisqamanta, arca patapi kashanku, chay querubinkunaj chawpinmanta qanwan parlasaj. Willasqaykitaj israelitakunaman imatachus kamachisqayta.

Éxodo 25:22 Referans Kwoze

Números 7:89

Dioswan tinkukuna toldopi Dioswan parlanampaj yaykuytawan Moisesqa, Señorpa parlamusqanta uyarerqa, Diospa leyninwan kasharqa chay cajompa kirpanan patapi, querubinespa chaupinmanta. Ajinata Señorqa chaypi paywan parlarqa.

Salmos 80:1

Israelta michej, uyariy, José aylluta tropaykita jina pusanki, querubinespa patampi tiyakoj k'anchaykamuy.

2 Reyes 19:15

Señorpa ñaupaqempitaj Ezequiasqa mañakorqa: Israelpa Señor Diosnin janaj pachakunapi angelkunaj chaupimpi tiyakoj, qanllamin tukuynin jallp'a patapi reinospa Diosnenqa kanki. Qanlla janaj pachata kay pachatawan ruwarqanki.

1 Samuel 4:4

Israelitas kacharqanku uj t'aqa soldadosta Silomanta apamunankupaj Tukuy Atiyniyoj Señorpa trato cajonninta, Payqa tiyakun querubines nisqa angelespa patampi. Eléj wawasnin Ofni, chanta Fineespis apaysimorqanku Diospa trato cajonninta.

Números 17:4

Chaykunata churanki Dioswan tinkukuna toldopi Diospa leyninwan cajón kashan chay chimpaman. Chaypi qankunawan tinkusunchej.

Levítico 16:2

Chaypi Señorqa Moisesman nerqa: Wauqeyki Aaronman niy, ama sapa kuti Diospa tiyakunanman yaykunankuta, mayqenchus veloj wasampi kashan chayman, nillataj Diospa leyninwan kashan chay cajompa kirpanan qayllamampis, ama payñataj wañunampaj. Imaraykuchus noqaqa rikuchikuni uj phuyupi chay kirpana patapi.

Salmos 99:1

Señorqa kamachishan; tukuy runas kharkatenqanku, paypa tiyananqa querubinespa patampi kashan, jallp'apis kharkatenqa.

2 Samuel 6:2

Judapi chay Baala llajtamanta purirerqanku Davidwan tukuy runasninwan ima, chaymanta Dioswan trato ruwasqa cajonta apamunankupaj. Chay cajón patapi Señorwan parlaj kanku, querubines patapi tiyakoj Señorwan.

Éxodo 30:36

Wakinninta sumaj ñut'ituta kutanki, chaymantataj churanki Dioswan tinkukuna toldopi, Diospa leyninwan kaj cajompa ñaupaqenman, maypichus noqa qanwan tinkusaj chayman. Chay inciensoqa qankunapaj sumaj respetana kanqa.

Éxodo 30:6

Chaytaqa veloj ñaupaqenman churanki, maypichus Diospa leyninta waqaychana cajón churasqa kashan chay qayllaman; mayqenchus cobremanta ruwasqa kirpanawan kirpasqa kashan chayman, maynejpitajchus noqa qanwan tinkusaj chayman.

Jueces 20:27

Jaqay tiempospeqa Diospa Trato Cajonnenqa Betelpi kasharqa, sacerdotenkutaj Finees karqa, payqa Eleazarpa wawan karqa Aarompa allchhintaj. Israelitastaj Señorta tapurerqanku: Watejmanta maqanakoj atiykumanchu riyta Benjamín ayllumanta masisniykuwan, chayri atipasqas jinachu qhepakusqayku, nispa. Señortaj paykunaman nerqa: Maqanakoj rillaychej, q'aya noqa atipachisqaykichej.

Salmos 90:1

Señor, qanmin pakakunayku kanki tukuy mitakunapi.

Levítico 1:1

Señorqa Moisesta wajyarqa Dioswan tinkukuna toldomanta, ajinata nispa: Israelitasman niy: Uywasmanta jaywanawankupaj ofrendasta apamuwanqanku chayqa, apamuwachunku wakasmanta, chayrí ovejasmanta.

Éxodo 31:18

Señorqa ajinata Sinaí orqopi Moiseswan parlayta tukuytawan, payman qorqa leyta palqayojta ruwasqa p'alta rumipi kikin Diospa dedonwan escribisqata.

Éxodo 31:6

Payta yanapanampaj ajllani Dan ayllumanta Ahisamacpa wawan Aholiabta. Tukuy yachayniyojkunamantaj aswan yachakuyta qorqani tukuyninku qanman kamachisqasuyta ruwanankupaj: Dioswan tinkukuna toldota, Diospa leyninwan kaj cajonta, kirpantapis, Dioswan tinkukuna toldopi kashan chaykunatapis mesata, imasninchus chay patapi kashan chaykunatapis qori purumanta k'anchachinata tukuy imasnintinta, incienso altarta, ruphachina rikuchiku altarta, imaschus chay altarpi kashan chaykunatawan; mayllakuna ch'illamita, maypichus sayasqa kashan chaytawan;

Éxodo 20:24

T'urumanta altarta ruwapuwankichej, chay patapi ruphachina rikuchikusta jaywawankichej, allinyanakuy ofrendata, wakasta, ovejasta ima apamuwasqaykichejta. Maypichari kay jinasta ruwaspa sutiymanta yuyarikunkichej chayqa, chayman jamuspa bendicisqaykichej.

Génesis 18:33

Señorqa ajinata Abrahamwan parlaytawan riporqa chaymanta. Abrahamtaj jaranman kutimporqa.

Éxodo 27:21

Chaymanta cuentayojqa kachunku Aaronwan wawasninwan, chay k'anchachinas tukuy tuta k'anchanankupaj, paykuna ima kajtapis ruwachunku, jinamanta Señorpa ñaupaqempi k'anchanampaj; velomanta jawapi, maypichus Señorpa leynimpa cajonniy kashan chaypi. Kayta israelitasqa sapa kuti ruwanqanku, jinallataj mirayninkupis uj kamachiy wiñaypaj churasqata jina.

1 Crónicas 13:6

Chaymantaqa tukuy israelitaswan khuska Baala nisqa Queriat-jearim llajtaman wicharerqa, chayqa kashan Judá jallp'api. Chaymanta Diospa trato ruwasqa cajonninta apamunankupaj, chaypeqa Señor querubines nisqa patapi tiyakun, chay cajón patapitaj Señormanta mañakuna kaj.

Salmos 80:2

Rijch'ariy Efraimpa, Benjamimpa, Manasespa ñaupaqempi ima; jamuspataj atiyniykiwan salvawayku.

Ezequiel 43:6

Runa, noqa qayllapi sayashajtin, Diosta yupaychana wasimantapacha parlamojta uyarerqani, niwarqataj: Runa, kaymin tiyakunayqa, chakisniypa sarunampis. Kaypitaj Israelpa wawasninwan khuska wiñaypaj tiyakusaj. Israel aylloqa, manataj ujtawan jayk'ajpis santo sutiytaqa ch'ichichanqachu, nillataj reyesninkupis. Imaynatachus reyesninku wañojtinku, paykunaj lantinta ruwaj kanku chay jinataqa manaña ruwanqankuchu.