Éxodo 24:13 - Qheshwa Biblia DC

¹³ Moisesqa sayariytawan Josué yanapajninwan khuska wicharerqa Diospa orqonman.

DIOSPA QHELQACHISQAN DEUTEROCANONICAL

¹³ Chantá Moisesqa yanapajnin Josuewan khuska Diospa orqonman wicharerqa.

DIOSPA QHELQACHISQ

¹³ Chantá Moisesqa yanapajnin Josuewan khuska Diospa orqonman wicharerqa.

Éxodo 24:13 Referans Kwoze

Éxodo 33:11

Chaypi Señorqa uyapura Moiseswan parlaj, imaynatachus pipis kausaqenwan parlarikun ajina. Parlaytawantaj Moisesqa jaraman kutimoj. Numpa wawan Josuetaj yanapajnin wayna nipuni jayk'ajpis Dioswan tinkukuna toldomanta t'aqakojchu, chay ukhullapipuni kaj.

Números 11:28

Chaymantataj Numpa wawan Josué, Moisesta waynamantapacha yanapajnin payman nerqa: Wiraqochi Moisés, qan niy ari, ama jinata ruwanankuta!, nispa.

Éxodo 3:1

Moisesqa Jetro suegrompa ovejasninta michimoj. Jetroqa Madiampi sacerdote karqa. Uj p'unchayqa ovejasta qhatisqa ch'in pampasnejta Diospa jatun orqon Horeb nisqaman chayanankama.

Éxodo 32:17

Josuetaj, israelitaspa maytapuni ch'ajwaspa qhaparisqankuta uyarispa, Moisesman nerqa: Jarapeqa maqanakuspapis ch'ajwashankuman jina uyarikun, nispa.

Éxodo 4:27

Chaymantataj Señorqa Aaronman parlarqa: Riy ch'in pampaman Moisesta taripaj, nispa. Paytaj kachaykukuspa Moisesta taripamorqa Diospa orqon nisqa chaypi, napaykuspataj wauqenta much'aykorqa.

Éxodo 18:5

Moisesqa jarakorqa ch'in pampapi, Diospa orqon nisqa karqa chay k'uchupi. Chaypi kashajtin suegron Jetroqa Moisespa warminta, iskaynin wawasnintawan pusariykukuspa Moisesta watukoj rerqa.

1 Crónicas 7:27

Elisamaj wawantaj Nun, paypatataj Josué.

Éxodo 19:3

Chaymanta Moisesqa orqoman wicharerqa Dioswan parlamoj, imaraykuchus Señor wajyamorqa chay orqomantapacha, kayta nispa: Ajinata niy Jacobpa miraynin israelitasman:

Josué 1:1

Señorpa kamachin Moisés wañupusqanmantaña, Señorqa Numpa wawan Moisespa yanapajnin Josueman parlarqa, kay jinata: Moisés kamacheyqa wañupunña. Kunanqa qanñataj sayariy. Jordán mayuta chimpay tukuynin israelitasta pusariykukuspa, maypichus noqa qankunaman jallp'ata qosqaykichej chayman rinaykichejpaj.