Éxodo 24:12 - Qheshwa Biblia DC

¹² Señortaj Moisesman nerqa: Jamuy, orqoman wicharimuy, maypichus noqa kashani chayman, chaypi suyaway, jaqaypi uj p'alta rumita qosqayki. Chay rumipi uj ley qelqasqa kanqa, kamachiykuna ima qankunaman yachachinaypaj.

DIOSPA QHELQACHISQAN DEUTEROCANONICAL

¹² Chaymanta Tata Dios Moisesta nerqa: Maypichus noqa kashani, kay orqoman wicharimuy, chantá chaypi suyaway. Noqataj p'alta rumipi kamachisqakuna qhelqasqayta israelitakuna yachanankupaj qosqayki, nispa.

DIOSPA QHELQACHISQ

¹² Chaymanta Tata Dios Moisesta nerqa: Maypichus noqa kashani, kay orqoman wicharimuy, chantá chaypi suyaway. Noqataj p'alta rumipi kamachisqakuna qhelqasqayta israelitakuna yachanankupaj qosqayki, nispa.

Éxodo 24:12 Referans Kwoze

Deuteronomio 5:22

Kay palabrastaqa Señorqa nerqa orqopi jatunmanta nina chaupimanta, laqha phuyu ukhumanta, tukuyninku orqo k'uchupi tantasqa kashajtinku. Chaymantaqa manaña imatapis nerqachu; chay palabrastataj uj palqayoj p'alta rumipi qelqarqa, chaytataj noqaman jaywawarqa.

Éxodo 31:18

Señorqa ajinata Sinaí orqopi Moiseswan parlayta tukuytawan, payman qorqa leyta palqayojta ruwasqa p'alta rumipi kikin Diospa dedonwan escribisqata.

Hebreos 9:4

Chaypitaj qorimanta incienso q'osñichina karqa. Diospa ruwasqan trato cajontaj nisqaj cajonintaj qoriwan tukuynejmanta forrasqa, ukhumpitaj uj juch'uy qori wich'i karqa Maná nisqa t'antayoj. Chaypi kallarqataj Aarompa taunan. Chaytaj t'ikarqa. Kallarqataj p'alta rumispi escribisqa ley ima.

2 Corintios 3:3

Arí, sut'i kashan qankuna Cristoj cartan kasqaykichej, jaywasqa qankunaman noqaykunejta; mana tintawanchu, astawanqa kausaj Diospa Espiritunwan, mana llusk'a rumi tablapichu, astawanqa aycha sonqos tablapi.

Jeremías 31:33

Jaqay p'unchaykunapi Israelwan tratoyta ruwasaj chayqa, kay jina kanqa: Leyniyta sonqosninkuman churasaj, chantá yuyayninkumampis qelqaykullasajtaj. Noqa Diosninku kasaj, paykunataj aylluy kanqanku. Noqa Señor chayta nini.

2 Corintios 3:7

Moisespa leynenqa wañuypaj karqa, llusk'a rumipi letraswan escribisqa, k'anchayniyojtaj karqa. Israelitaspis mana qhawariyta aterqankuchu Moisespa uyantaqa. Uyanqa anchatataj lliphipisharqa. Chaywampis, chay k'anchayqa chharpuyaporqa.

Deuteronomio 4:14

Noqamantaj niwarqa chay yachachiykunasta, kamachiykunastawan yachachinayta, qankunataj chayta kasuspa junt'anaykichejta, mayqen jallp'atachus jap'ikapunkichej chaypi.

Éxodo 24:18

Moisestaj chay phuyu ukhuman yaykuspa orqoman wicharerqa. Chaypitaj payqa kamorqa tawa chunka p'unchayta, tawa chunka tutatawan.

Éxodo 24:15

Chayta paykunaman willaytawan Moisesqa orqoman wicharerqa, phuyutaj chay ratopacha chay orqota pakaykorqa.

Éxodo 24:2

Moisés, qanlla noqaman qayllamuwanki; paykunaqa karunejllapi kanqanku, nitaj runaspis qankunawan jamonqankuchu.

San Mateo 5:19

Pillapis kay kamachiykunamanta aswan juch'uy kajllatapis p'akinman, kikillantataj wajkunamampis yachachinman chayqa, janaj pacha reinopeqa ancha juch'uypaj qhawasqa kanqa. Ajinallatataj pillapis chay kamachiykunata ruwanqa, wajkunamampis maychus kasqanta yachachenqa chayqa, chaymá sumaj jatumpaj qhawasqa kanqa janaj pacha Diospa reinompeqa.

Nehemías 9:13

Chaymantataj Sinaí orqoman uraykamorqanki, janaj pachamantataj paykunawan parlamorqanki. Cheqan kamachiykunastataj qorqanki, cheqan yachachiykunasta, leyesta, sumachaj kaj kamachiykunasta ima.

Esdras 7:10

Esdrastaj, sumajta unanchakorqa Señorpa kamachiyninta allintapuni yachaykuyta, chanta junt'aytataj. Chantapis israelitasman yachachiyta Señorpa kamachisqasninta yachachisqasnintawan.

Éxodo 34:1

Señorqa Moisesman nillarqataj: Uj p'alta rumita palqayojta ruwallaytaj ñaupajta jina; mayqenkunatachus choqaspa t'unaykorqanki chay kikinta, chayman kunampis ñaupajta escriberqani chay kikin palabrasta ch'eqospa escribinaypaj.

Deuteronomio 5:31

Qanrí kayllapi noqawan qhepakuy. Nisqaykitaj tukuy kamachiykunasniymanta, leyesmanta, imastachus nisqasniymantawan paykunaman yachachimunaykipaj. Paykunataj chayta ruwanankupaj ima jallp'atachus qosqaykichej chaypi.

1 Reyes 19:11

Señortaj nerqa: Llojsimuy jawaman, chay orqopitaj Señorpa ñaupaqempi sayakuy. Señortaj pasarqa, uj jatun wayrataj qaqasta urmachimuspa wayrarqa Señorpa ñaupaqempi, Señortaj mana chay wayrapichu kasharqa; chay wayraj qhepampitaj uj jallp'a ikhakuy karqa, Señortaj mana chay jallp'a ikhakuypichu kasharqa.

Éxodo 19:3

Chaymanta Moisesqa orqoman wicharerqa Dioswan parlamoj, imaraykuchus Señor wajyamorqa chay orqomantapacha, kayta nispa: Ajinata niy Jacobpa miraynin israelitasman:

Éxodo 32:1

Israelitastaj chaykama, Moisés Sinaí orqomanta mana usqhayta uraykamojtin, tantakuytawan Aaronman qayllaykuspa nerqanku: Kunanqa dioskunata ruwapuwayku ari ñaupaqeykuta rinankupaj. Imaraykuchus Egipto jallp'amanta orqhomuwarqayku chay Moisesqa imanakunchus mana rikhurimunchu.

Nehemías 9:14

Yachachillarqankitaj samakuna p'unchayniykita qampaj t'aqayta. Qollarqankitaj kamachiykunasta, leyesta, yachachiykunastawan kamachiyki Moisesnejta.

Salmos 19:12

Pitaj juchasninmanta reparakuyta atinmanri? Perdonaway, Señor, pakaypi kaj juchasniymanta.