Éxodo 22:10 - Qheshwa Biblia DC

^10-11 Sichus mayqen runa masinman mink'akun, burronta, chayri wakanta, ovejanta, chayri waj uywasnintapis; jinapi kashaspataj wañun, chayri tulluyaykuspa wañun, chayri suwanku mana pejpa yachasqan chayqa; chay mink'asqa runa juramentota ruwanqa Señorpa sutimpi, mana pay chay uywasta imanasqanta. Uywayojtaj chayta creenan tiyan, ajinamanta chay ujnenqa mana paganqachu.

DIOSPA QHELQACHISQAN DEUTEROCANONICAL

¹⁰ 10 (9) Sichus pipis runa masinman qhawapunanpaj jap'ichikunman burronta, wakanta, ovejanta, chayrí waj uywantapis, chay uywataj qhawajpa makinpi wañunman, chayrí imanasqapis rikhurinman, chayrí mana pipis rikushajtin suwankuman chayqa,

DIOSPA QHELQACHISQ

¹⁰ 10 (9) Sichus pipis runa masinman qhawapunanpaj jap'ichikunman burronta, wakanta, ovejanta, chayrí waj uywantapis, chay uywataj qhawajpa makinpi wañunman, chayrí imanasqapis rikhurinman, chayrí mana pipis rikushajtin suwankuman chayqa,

Éxodo 22:10 Referans Kwoze

2 Timoteo 1:12

Chayrayku ñak'arishani kay tukuy imaspi. Chaymantaqa mana p'enqakunichu, imaraykuchus allinta yachani pipichus creesqayta, atiyniyojtaj kasqanta waqaychanampaj chay imatachus qowasqanta jamoj p'unchaykama.

San Lucas 16:11

Sichus kay juchallikoj mundoj kapuyninwan mana allintachu ruwankichej chayqa, pitaj cheqa kajta qosunkichejman?

San Lucas 12:48

Pichus mana yachaspalla juchachakunman chayqa, pisi jasut'isqa kanqa. Chantá ashkhata jap'ikojmantapis, ashkhallatataj mañasqa kanqa; pimanchus ashkha qosqa karqa, chaymantapis ashkhallatataj mañasqa kanqa.

Génesis 39:8

Josetaj mana munasqachu, nerqataj: Patronneyqa niwan noqa tukuy imasninmanta cuentayoj kanayta, noqa kaypi kashajteyqa mana imamantapis llakikunanchu tiyan.

Éxodo 22:9

Chinkasqamanta jap'ikapojkunamantaqa kay jina kanqa: Sichus pipis wakanta chinachikun, chayri burronta, chayri ovejanta, p'achanta; dueñontaj rikhurimuspa ninman kayqa noqajta, ujpis nillanmantaj, mana kayqa noqajtapuni, noqajtapuni kakushan nispa ninakojtinkoqa, iskayninku Diospa wasinman richunku, chaypitaj mayqenchus juchayoj kasqanman jina, juchachasqa kaspa chay suwa kajqa uj jinatawan dueñonman qoponqa.