Éxodo 20:5 - Qheshwa Biblia DC

⁵ Ama qonqorikunkichu chaykunaman, ama yupaychankichu; imaraykuchus noqamin Señor Diosniykeqa kani, sinch'i, Dios celoso, noqata chejniwajkunaj juchasninkuta jasut'ej, tatasninkoj juchasninkuta wawasninkupi jasut'ini, chantá allchhisninkupi, nieto allchhisninkupi ima.

DIOSPA QHELQACHISQAN DEUTEROCANONICAL

⁵ Amallataj chaykunaman qonqorikunkichu, nillataj yupaychankichu, imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima.

DIOSPA QHELQACHISQ

⁵ Amallataj chaykunaman qonqorikunkichu, nillataj yupaychankichu, imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima.

Éxodo 20:5 Referans Kwoze

Números 14:18

Imamantapis mana usqhayta phiñakusqaykita, munakuyniykeqa may jatun kasqanta, ima sajra juchamantapis perdonasqaykita, jinallataj qampa contraykipi oqharikojtapis. Nillarqankitaj juchayojtapis mana jasut'isqaykita, manachayqa tatasninkoj juchasninta jasut'isqaykita, wawasninkuta allchhisninkuta, allchhisninkoj wawasninkuta, allchhisninkoj allchhisninta ima.

Deuteronomio 5:9

Ama chaykunaman qonqorikunkichu, ama yupaychankichu; imaraykuchus noqamin Señor Diosniykeqa kani, sinch'i, Dios celoso, noqata chejniwajkunaj juchasninkuta jasut'ej, tatasninkoj juchasninkuta wawasninkupi jasut'ini, chanta allchhisninkupi, nieto allchhisninkupi ima.

Deuteronomio 4:24

Señorniykichejqa ujllapi q'olarparej nina jinamin, payllata munakunaykichejta munan.

Éxodo 34:14

Amapuni ni mayqen diosninkuman k'umuykuspa yupaychankichu, imaraykuchus Señorpa sutenqa may manchachikunamin, Diosqa may celoso.

Josué 24:19

Josuetaj paykunaman nerqa: Qankunaqa manapuni Señortaqa kasuyta atiwajchejchu, imaraykuchus payqa llimphu Diosmin, manataj ima sajratapis ruwajta saqellanchu. Payqa mana saqellasonqachejchu paypa contrampi kajta, nitaj juchasniykichejtapis.

Salmos 109:14

Tatampa sajra ruwasqanmanta Señorqa yuyarichumpuni, mamampa juchantapis Señorqa amapuni pampachachunchu.

Josué 23:7

Ajinamanta chaupiykichejpi waj runas tiyashankuraj chaykunawan amapuni chajrukunaykichejpaj, dioskunasninkuta ama yupaychanaykichejpaj, ama kasunaykichejpaj, ni chaykunamanta parlarillankichejpischu, nitaj qonqorikunkichejchu, nitaj chaykunaj sutimpi jurankichejchu.

Deuteronomio 6:15

Señor Diosniykichejqa qankunawan kashan. Pay manapuni munanchu waj dioskunata munakunaykichejta. Payqa atin sinch'ita phiñakuyta, jinamanta chinkachisunkichejman.

Nahúm 1:2

Señorqa, celosakuyta vengakuytataj yachaj Diosmin; Payman sayaykojkunamanta vengakunmin, enemigosnimpajpis phiñakullantaj.

Jeremías 32:18

Qanmin khuyakuyniykita rikuchinki waranqa waranqa miraykunaman, jinapis runasta jasut'inki tatasninkoj juchasninkurayku. Oh jatun Dios, atiyniyojtaj, sutiykeqa Tukuy Atiyniyoj Señormin.

Números 14:33

Chaykamataj wawasniykichejqa tawa chunka watasta michejkunamanta kay ch'in pampaspi puriykachanqanku. Ajinamanta paykuna ñak'arenqanku qankuna juchachakusqaykichejrayku, tukuyniykichej kay ch'in pampapi tukukunaykichejkama.

Salmos 79:8

Ama noqaykutaqa pagachiwaykuchu, ñaupa tatasniykoj sajra ruwasqasninkumantaqa; khuyakuyniyki usqhayllata noqaykupaj jamuchun, imaraykuchus ancha llakisqas kashayku.

Éxodo 23:24

Ama chay runas jina imatachus ruwayta yachasqankutapis ruwankichu, ama dioskunasninkuman qonqorikunkichu yupaychanaykipaj, manachayqa tukuyninta chinkachinki mana ujniyojta, jinamanta chay lantisninkuta chay yupaychana rumisninkutapis t'unaranki.

Santiago 4:4

Uyariychej, qhenchachakoj runas, manachu yachankichej kay mundowan kausajqa Diospa contran kasqanta? Pillapis kay mundoj kausaqen kayta munan chayqa, Diospa enemigon.

Romanos 8:7

Chayrayku aychaj sajra yuyaynenqa Diospa contrampi; imaraykuchus Diospa leyninwan mana kamachichikunchu, nitaj kasuyta atinchu.

Romanos 1:30

Kankutaj thutojkuna, tumpajkuna, Diosta chejnejkuna, qhasimanta k'amejkuna, jatunchakojkuna, sajra kajkunata rikhurichejkuna, tatasninkuta mana kasukojkuna, mana yuyayniyojkuna, parlasqankuta mana junt'ajkuna, mana munakuyniyojkuna, mana allinyakuyta munajkuna, mana khuyakuyniyojkunataj.

Jeremías 2:9

Chayrayku noqa Señor kayta nini: Qankunaj contraykichejpi juchachayta qallarisaj, jinallataj allchhisniykichejpa contranta ima.

Isaías 44:19

Chay runasqa manapuni reparakunkuchu, mana paykuna kikinkumanta unanchakunkuchu, nitaj ninkuchu: Kay llant'amanta wakintaqa ninaman enqhaykuni, chay nina k'ajajpitaj t'antata chayachini, chayllapitaj aychatapis kankani mikhunaypaj. Chay puchojmantaqa uj millachikunata ruwani. Uj k'ulloj ñaupaqempitaj qonqorikuni, nispa.

Isaías 44:15

Chaywan runaqa ninata enqhakun, chaywan q'oñikun; chaywan hornopipis t'antata chayachikun. Chay k'aspillamantataj uj diostapis ruwaspa yupaychakun. Chay sach'asllamantataj uj lantita ruwaspa tukuy sonqo chayman qonqorikun.

Salmos 81:15

Señorta chejnikojkunaqa ñaupaqenman mancharisqas urmankuman. Juchachasqa kasqankutaj mana tukukuyniyoj kanman.

Job 5:4

Wawasnintaqa ama pipis khuyachunchu, juezkuna qhasi mana kajmanta juchachachunku, nitaj pipis kachunchu paykunamanta jark'akojqa.

2 Reyes 23:26

Chay tukuywampis, Señorpa phiñakuynenqa manapuni thasnukorqachu, chay jinatapuni Judáj contrampi phiñakusqanmanta, Manasés chay tukuy ima ruwasqasninwan payta phiñachisqanmanta.

2 Reyes 17:35

Paykunawan Señorqa uj tratota ruwarqa, kamacherqataj: Ama waj dioskunata yupaychankichejchu, nitaj jatunchankichejchu, nitaj uywa ñak'asqasta jaywaspa sirvinkichejchu.

2 Samuel 21:6

Chay runaj ayllunmanta munayku qanchis qharista qonawaykuta, noqaykutaj chaykunata Señorpa ñaupaqempi warkhusqayku, Señorpa ajllasqan rey Saulpa Gabaa llajtampi. Reytaj nerqa: Qosqaykichej, nispa.

2 Samuel 21:1

Davidpa tiemposnimpi kinsa wata junt'ata uj yarqhay karqa. Chaypacha Davidqa Señorta tapurerqa, Señortaj kuticherqa: Chay yarqhayqa jamun Saúl jinataj ayllumpis yawarta jich'asqankurayku, paykunaqa gabaonitasta wañuracherqanku.

Deuteronomio 32:21

Mana dios kajta yupaychaspaqa, sonqoyta nanachiwanku. Lantista ruwakuspa phiñachiwanku. Noqapis paykunaj sonqonkuta nanachisaj, uj manakaj aylluta munakuspa, uj manakaj runaswan paykunata phiñachisaj.

Deuteronomio 7:10

Chanta payta chejnikojkunata, phirita ruwaspa chinchachin, juchasninkuman jina jasut'ispa. Payta chejnikojkunataqa usqhayllata jasut'in.

Levítico 26:29

Jinamanta qankunaqa mikhunkichej qhari wawasniykichejta, warmi wawasniykichejtapis.

Levítico 26:1

Ama ruwakunkichejchu ima lantitapis, nitaj imaman rijch'akojtapis. Llajtaykichejpeqa yupaychana rumitapis ama sayachinkichejchu, nitaj rumispipis warawasta ruwankichejchu. Chantaqa ama chaykunaman qonqorikunkichejchu, imaraykuchus noqamin kani qankunaj Señor Diosniykichej.

1 Corintios 10:22

Chayri munanchejchu Señorta phiñachiyta? Chayrí astawan atiyniyojchu kanchej paymanta?

San Juan 15:18

Mundo chejnisunkichej chayqa, yachaychej, noqataraj qankunamanta ñaupajta chejniwasqanta.

San Juan 7:7

Kay mundopi kajkunaqa, qankunata mana chejnisunkichejmanchu. Noqatarí chejniwanku, sajra ruwasqasninkuta paykunaman rikuchisqayrayku.

San Mateo 4:9

Nerqataj Jesusman: Noqa kay tukuy imata qosqayki, qonqorikuspachus k'umuykukuwanki chayqa.

Daniel (hebreo) 1:2

Señor saqerqa Nabucodonosor rey Joacimta jap'iykunanta, Diospa templompi kaj imasta kuraj parteta apakapunantataj. Nabucodonosorqa presosta Babiloniaman aparqa, Diospa templonmanta orqhorqa chay imastarí, dioskunasnimpa waqaychasninmantaj churarqa.

Ezequiel 8:3

Chay runaman rijch'akojtaj makinta aysarimuspa chujchaymanta aysariwarqa. Chanta Diospa atiynin jallp'amanta pataman oqhariwarqa. Diosqa mosqoypi jina Jerusalenman pusawarqa, llajtaman yaykuna ukhu punkunejman churawarqa wichaynejman. Chaypi tarikun Señorta phiñachej lanteqa.

Proverbios 8:36

Pichus contraypi juchallikojrí, kausaynillantataj ch'aukiyakun. Pichus noqata chejniwajqa, wañuyta munakun.

Salmos 78:58

Manakaj altaresninkuwan phiñacherqanku, mana kaj dioskunata yupaychaspa tumpachikorqanku.

Job 21:19

Paykunaj sajra ruwasqankumanta, Diosqa wawasninkupajchu jasut'iyta jallch'anqa?; mana paykunallatataj jasut'enqa yachanankupaj?

2 Crónicas 25:14

Amasiastaj, Edonmanta kajkunata atipasqanmanta kutimpushaspa Seirpa dioskunasninta apakamorqa; paypa dioskunasnimpaj jinataj jap'erqa, yupaycharqataj, inciensotapis q'osñicherqa.

2 Reyes 17:41

Chay runasqa Señorta manchachikoj kanku, chanta lantisninkutapis yupaychallajtaj kanku. Wawasninku, allchhisninkupis, imaynatachus tatasninku ruwaj kanku, ajinallatapuni kunankamapis ruwakushanku.

Jueces 2:19

Kuraj runanku wañupojtintaj, watejmanta paykunaqa juchaman urmallajtaj kanku, ñaupa tatasninkumanta astawanraj, sirvispa yupaychaspataj waj dioskunata. Manataj t'aqakorqankuchu millay ruwaykunasninkumanta nitaj wampu jina kausayninkumantapis.

Deuteronomio 32:41

Sumaj lliphipishaj espadayta filoyachejtiytaj, cheqanchaytataj qallarejtiy, chaypacha enemigosniyman aynita kutichipusaj. Chejniwajkunaman ruwasqankuman jina qopusaj.

San Juan 9:2

Yachachisqasnintaj payta taporqanku: Maestro, imajtintaj kay runaqa ciego nacikorqa? Tatasninchu juchallerqanku, chayrí paychu?

Deuteronomio 5:10

Khuyakuyniytaqa waranqa waranqasman rikuchini, pikunachus munakuwanku, kamachisqasniytataj kasuwanku chaykunaman.

1 Reyes 19:10

Paytaj kuticherqa: Tukuy Atiyniyoj Señor Diosníy, noqaqa anchatapuni qanmanta sienteni, imaraykuchus israelitasqa tratota ruwasqaykita saqerparinku, altaresniykita urmachinku, profetasniykitapis espadawan wañurachinku; noqa sapallayña qhepakuni, chaywampis wañuchinawankupaj mask'ashawankuraj.

Ezequiel 18:19

Qankuna tapurikunkichejchá: Imaraykutaj wawaqa tatampa juchasninmanta mana paganmanchuri? Imaraykuchus wawaqa maychus kajta, cheqanta ruwarqa. Tukuy leyesniyta waqaycharqa, junt'arqataj. Chayrayku payqa kausanqa.

Ezequiel 20:7

Tukuy paykunata kamacherqani millay dioskunasninkuta saqenankuta, Egiptopi kaj lantiswan ama ch'ichichakunankuta, imaraykuchus noqa Señorman Diosninkoqa kani, nispa.

Ezequiel 39:25

Chayrayku Señorqa kay jinata nin: Kunanqa Jacobpa mirayninta kutirichimpusaj, Israel ayllumantaqa tukuyninkumanta khuyakusaj, santo sutiyta ama ch'ichichanankuta mana saqesajchu.

2 Reyes 5:18

Maypachachus wiraqochi reyníy, Rimompa yupaychana wasinman yupaychaj yaykojtin, paytaj makiypi taunakojtin, chanta paywan khuska qonqorikojtiytaj, Señorqa perdonawachun ari.

2 Reyes 5:27

Chayraykutaj kunanqa Naamampa lepra onqoynin qanman chimpaykusonqa, mirayniykimampis wiñaypaj. Chantataj Eliseoj ñaupaqenmanta llojserqa lepra onqoyniyoj, rit'i jina yurajlla.

2 Crónicas 7:19

Qankunataj noqamanta t'aqakuwankichej chayqa mana junt'aspa leykunasniyta, kamachiykunasniyta qankunaman qorqaykichej chaykunata, manachayqa waj dioskunata kasuwajchej, yupaychawajchejtaj, chaypacha qankunataqa qorqaykichej chay jallp'amanta orqhosqaykichej, wijch'usajtaj ñaupaqeymanta yupaychana wasiyta llimphucharqani chayta, ruwasajtaj tukuy tiempo tukuy naciones ukhupi asipayasqapuni kananta.

Daniel (hebreo) 3:18

Mana salvawaykuman chaypis, yachay allinta reyniyku, manapuni dioskunasniykitaqa yupaychaykumanchu, nitaj qonqorikusqaykuchu, qorimanta ruwasqa chay lantiykimampis.