Éxodo 20:4 - Qheshwa Biblia DC

⁴ Ama ni ima lantita ruwakunkichu, ni patapi cielopi kajman rijch'akojta, ni urapi jallp'api kajman rijch'akojta, nitaj yakuspi kajman rijch'akojtapis.

DIOSPA QHELQACHISQAN DEUTEROCANONICAL

⁴ Ama ni imaman rijch'akoj lantita ruwakunkichu, ni janajpi kajman, ni kay pachapi kajman, nitaj yakupi kajkunaman rijch'akojta.

DIOSPA QHELQACHISQ

⁴ Ama ni imaman rijch'akoj lantita ruwakunkichu, ni janajpi kajman, ni kay pachapi kajman, nitaj yakupi kajkunaman rijch'akojta.

Éxodo 20:4 Referans Kwoze

Levítico 26:1

Ama ruwakunkichejchu ima lantitapis, nitaj imaman rijch'akojtapis. Llajtaykichejpeqa yupaychana rumitapis ama sayachinkichejchu, nitaj rumispipis warawasta ruwankichejchu. Chantaqa ama chaykunaman qonqorikunkichejchu, imaraykuchus noqamin kani qankunaj Señor Diosniykichej.

Deuteronomio 5:8

Ama ni ima lantita ruwakunkichu, ni patapi cielopi kajman rijch'akojta, ni urapi jallp'api kajman rijch'akojta, nitaj yakuspi kajman rijch'akojtapis.

Salmos 97:7

K'umuykachachunku dios nispa rumisllata yupaychajkunaqa. Chay ruwasqankumanta wapu wapu sayaykojkuna; tukuy dioskunataj ñaupaqenman qonqorikuchunku.

Levítico 19:4

Ama lantismanqa kutiriychejchu. Amataj dioskunata metal unuyasqamanta ruwakuychejchu. Noqamin Señor Diosniykichejqa kani.

Hechos 17:29

Diospa mirayninmanta kanchej chayqa, mana yuyananchejchu tiyan Diosqa rijch'akusqanta qori, qolqe, rumi lantiman ima. Chaykunaqa, runaj yuyayninman jinalla ruwasqas kanku.

Deuteronomio 27:15

Maldicisqa kachun imallamantapis lantita ruwajqa, pakayllamanta yupaychanampaj. Chay runaj makinwan ruwasqanqa Señorpa ñaupaqempi millay, nispa. Chayta uyarispa israelitas nenqanku: Ajina kachun, nispa.

Apocalipsis 16:2

Ñaupaj kaj angeltaj rispa copasmanta jallp'aman jich'aykorqa. Uj asnaj, nanachej ch'upu onqoytaj runasman jamorqa, pikunachus phiña animalpa marcanwan karqanku, lantintapis yupaycharqanku chaykunaman.

Romanos 1:23

Diospa mana tukukoj jatun kayninta tukucherqanku ismoj runaj lantinman, p'isqosman, tawa chakiyoj uywasman, katarisman ima.

Isaías 45:16

Tukuyninku paykunaqa k'umuykachachisqas, p'enqachisqastaj kanqanku; jinallataj imaymana lantista ruwajkunapis may p'enqaypi rikhurenqanku.

Isaías 42:8

Noqaj suteyqa Señor. Wajkunamanqa mana atiyniyta qosajchu; nitaj yupaychasqa kayniytapis lantismanqa qosajchu.

Ezequiel 8:10

Noqataj yaykuspa qhawarerqani perqaj tukuy muyuyninta. Chaypi rikorqani katarisman rijch'akoj pintasqasta, waj ch'ichi animalesman rijch'akojkunatawan. Jinallataj Israel aylloj tukuy laya lantisninkuta rikorqani.

Apocalipsis 9:20

Chay waj runas mana wañorqankuchu chay jasut'iykunawan; nitaj chaywampis makisninkoj ruwasqasninmanta Diosman kutirikorqankuchu, supaykunata yupaycharqanku, lantistawan, qorimanta ruwasqasta, qolqemanta, broncemanta, rumimanta, k'aspismanta ima. Chaykunaqa mana qhawayta atinkuchu, nitaj uyariyta, nitaj puriytapis.

Isaías 42:17

Pikunachus lantispi atienekojkunaqa p'enqaypi rikhurenqanku. Chay jich'asqa lantista, diosniyku kankichej nejkunaqa.

2 Crónicas 33:7

Astawampis uj lantita ruwaspa churallarqataj Diospa wasinman, chay wasinmanta parlaspa Dios nerqa Davidman, jinataj wawan Salomonmampis: Kay wasipi, Jerusalempitaj, mayqempichus noqa ajllasqa karqani Israel ayllu ukhumanta wiñaypaj chaypi sutiy kanampaj.

1 Reyes 12:28

Chaymanta yuyaychakuytawantaj, iskay waka uñasta qorimanta ruwarqa, chanta israelitasman nerqa: Anchataña Jerusalenman rinkichej: Israelitas kayqa ari dioskunaykichejqa, Egipto jallp'amanta orqhomusorqachej chaykuna.

Éxodo 34:17

Amapuni qankunaqa ima lantitapis ruwakunkichejchu ima metalmantapis unuyachispa.

Éxodo 32:1

Israelitastaj chaykama, Moisés Sinaí orqomanta mana usqhayta uraykamojtin, tantakuytawan Aaronman qayllaykuspa nerqanku: Kunanqa dioskunata ruwapuwayku ari ñaupaqeykuta rinankupaj. Imaraykuchus Egipto jallp'amanta orqhomuwarqayku chay Moisesqa imanakunchus mana rikhurimunchu.

Éxodo 32:23

Paykuna niwarqanku: Dioskunata ruwapuwayku ñaupaqeykuta rispa pusanawaykupaj; pi qharichus Egiptomanta orqhomuwarqayku, chay Moisesqa imanakunchus kampis mana yachakunchu, nispa.

Éxodo 32:8

Paykunaqa usqhayllata t'aqarpayakunku ima ñantachus noqa nerqani rinankuta chaymanta. Qorimanta unuyachispa ruwakunku uj waka uñata. Chayta paykunaqa yupaychashanku rikuchikusta jaywaspa, nispataj: “Israelitas, kayqa diosniykichej, pichus Egipto jallp'amanta orqhomusorqachej, chay”, nispa.

Números 12:8

Paywanqa uyapura parlani, sumaj sut'itataj. Sichus paywan uyapura parlayku chayqa, imaraykutaj paypa contranta rimankichejri?, nispa.

Jueces 17:3

Micaiataj chay waranqa pachajniyoj qolqeta mamanman kuticherqa. Mamantaj nerqa: Cheqamanta chay qolqetaqa Señorpaj t'aqarqani, chanta ruwachipunaypaj uj lantita sumajta qolqewan lluch'isqata. Qanqa qhepakuyta atinki chay qolqewan.

2 Reyes 17:12

Lantista yupaycharqanku, mayqenkunamantachus Señorqa ñaupajtaña kamacherqa, ama ajinataqa ruwankichejchu, nispa.

Salmos 78:58

Manakaj altaresninkuwan phiñacherqanku, mana kaj dioskunata yupaychaspa tumpachikorqanku.

Ezequiel 8:3

Chay runaman rijch'akojtaj makinta aysarimuspa chujchaymanta aysariwarqa. Chanta Diospa atiynin jallp'amanta pataman oqhariwarqa. Diosqa mosqoypi jina Jerusalenman pusawarqa, llajtaman yaykuna ukhu punkunejman churawarqa wichaynejman. Chaypi tarikun Señorta phiñachej lanteqa.

Ezequiel 20:7

Tukuy paykunata kamacherqani millay dioskunasninkuta saqenankuta, Egiptopi kaj lantiswan ama ch'ichichakunankuta, imaraykuchus noqa Señorman Diosninkoqa kani, nispa.

Éxodo 20:23

Noqaj ñaupaqeypi ama lantista ruwankichejchu qolqemanta, nitaj qorimantapis, chaykunatapis yupaychanaykichejpaj.

Éxodo 32:4

Paytaj chaykunata jap'iytawan, tukuyninta ujllaman unuyarpachiytawan cincelwan uj waka uñata ruwarqs. Chaymantataj nerqanku: “Israelitas, kayqa Diosniykichej, pichus Egiptomanta orqhomusorqachej chay”, nispa.

Deuteronomio 16:22

Yupaychana rumistaqa ama oqharinkichejchu, chaykunata Señor Diosniykichejqa chejnimpuni.