Éxodo 20:20 - Qheshwa Biblia DC

²⁰ Moisestaj paykunaman nerqa: Ama manchachikuychejchu; Diosqa qankunata imaynachus kasqaykichejta yachaj jamun, qankuna payta manchachikunaykichejpajpuni, paypa ñaupaqempi ama juchallikunkichejchu.

DIOSPA QHELQACHISQAN DEUTEROCANONICAL

²⁰ Moisestaj paykunata nerqa: Ama manchachikuychejchu. Diosqa sonqoykichej imaynachus kasqanta yachaj jamun, qankuna payta manchachikuspallapuni kanaykichejpaj, amataj juchallinaykichejpaj, nispa.

DIOSPA QHELQACHISQ

²⁰ Moisestaj paykunata nerqa: Ama manchachikuychejchu. Diosqa sonqoykichej imaynachus kasqanta yachaj jamun, qankuna payta manchachikuspallapuni kanaykichejpaj, amataj juchallinaykichejpaj, nispa.

Éxodo 20:20 Referans Kwoze

Deuteronomio 13:3

Chay imas junt'akunman chaypis amapuni chay sut'inchajta, chayri willajtapis uyarinkichejchu. Chaykunataqa Señor Diosniykichej kachamusunkichej yachanampaj cheqamantachus manachus Payta munakushankichej tukuy sonqoykichejwan, tukuy almaykichejwampis, chayta.

Proverbios 3:7

Ama may yachayniyoj kasqaykita yuyakuychu. Señorta manchachikuy, sajra kajmantataj t'aqakuy.

1 Samuel 12:20

Samueltaj kuticherqa: Ama manchachikuychejchu. Cheqamanta qankunaqa sajrata ruwarqankichej, kunantaj Señormantaqa amaña t'aqakuychejchu, manachayqa tukuy sonqowan Señorta yupaychaychej.

Isaías 8:13

Tukuy Atiyniyoj Señorllata Santopaj qhawaychej; payllata manchachikuychej, payllata kasuychej.

Proverbios 16:6

Juchataqa, munakuywan cheqa kaywantaj perdonana; Señorta manchachikuspataj runaqa juchamanta t'aqakun.

Job 28:28

Diosqa runaman nerqa: Señorpa kamachisqallanta ruwanki. Chaymin yachayqa. Sajramanta t'aqakunki. Chaymin sumaj yuyayniyoj kayqa.

Deuteronomio 8:2

Yuyarikuychej ima ñantachus Señor Diosniykichej pusamusorqachej ch'in pampanta chayta, tawa chunka watata chay purisqaykichejpi qankunata llakichispa, pruebaman churaspataj. Ajinamanta chay imanejta imatachus yuyasqaykichejta yachanampaj, kamachiykunasnintapis ruwankichej manachus chayta.

Génesis 22:1

Unayninmantaj Dios Abrahampa feninta yachayta munarqa. Sutinmanta wajyarqa Abraham, nispa. Paytaj kuticherqa, kaypi kashani, nispa.

Isaías 41:10

Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

Proverbios 1:7

Yachaypa qallarikuynenqa, Señorta manchachikuymin; wampu runasqa qhesachanku yachayta, yachachiytawan.

Nehemías 5:15

Noqamanta aswan ñaupaj kaj kamachejkunaqa tukuy aylluta llakicherqanku. Paykunaqa tawa chunka qolqesta sapa día pagachikoj kanku mikhunankupaj jinataj vinopajpis. Paykunata, ayllumanta kajkuna yanapajkunasninkuta munasqankuman jina llakiyta ruwaj kanku. Noqarí mana chayta ruwarqanichu Diosta manchachikusqayrayku.

Josué 24:14

Kunanqa Señorta manchachikuychejpuni, paypa nisqanta cheqamanta tukuy sonqo ruwaychej. Ñaupa tatasniykichej yupaycharqanku chay lantismanta t'aqakuychej, chaykunata paykunaqa yupaycharqanku Eufrates mayu cantopi, chanta Egiptopi ima. Qankunaqa Señortapuni yupaychaychej.

Deuteronomio 10:12

Kunanqa israelitas, imatataj mañakusunkichej Señor Diosniykichejri? Payqa munan Payta manchachikunaykichejta, Paypa ñannintataj purinaykichejta. Munallantaj payta yupaychanaykichejta tukuy sonqoykichejwan, tukuy almaykichejwan ima.

Deuteronomio 6:2

Ajinamanta Señor Diosniykichejta manchachikunkichej, junt'ankichejtaj tukuy kausayniykichejpi leyesninta, kamachiykunasninta ima, qankunaman yachachisqayta wawasniykichejwan, allchhisniykichejwan ima, unaytataj kausakunaykichejpaj.

Deuteronomio 4:10

Horeb orqopi Señor Diosniykichejpa ñaupaqempi kashajtiykichej, chaypacha Señor niwarqa: Israelitasta tantachipuway nisqasniyta uyarinankupaj, yachanankupajtaj imaynatachus noqamanta yuyarikunawankupaj sapa p'unchay tukuy kausayninkupi, jinallataj wawasninkumampis yachachinankupaj.

Génesis 22:12

Angeltaj nerqa: Ama makiykita oqhariychu, nitaj wawaykita imanaychu, yachaniña qan Diosniykita manchachikusqaykita. Manataj uj k'ata wawaykitapis mich'akunkichu qonawaykipaj.

Génesis 20:11

Chanta Abraham kuticherqa: Noqa yuyarqani qankuna Diosta mana manchachikusqaykichejta, jinamanta warmiyrayku wañuchinawaykichejta.

Éxodo 14:13

Moisestaj paykunaman nerqa: Chaymantaqa ama mancharikuychejchu, sumajta sayaychej, rikunkichej Señor imatachus ruwanqa qankunata libranasuykichejpaj; imaraykuchus kunallanña egipciospa uyasninkuta rikushankichej, kaymanta qhepamanqa ni jayk'aj rikunkichejñachu.

Deuteronomio 6:24

Chay qhepata Señorqa kamachiwarqanchej kamachiykunasninta allinta ruwaspa waqaychananchejta, payllaman k'umuykunanchejta, allin rinawanchejpaj, allinta kamachinawanchejpaj kunankama jina.

Isaías 41:13

Noqaqa paña makiykimanta jap'isoj Señor Diosniyki kani, niykitaj: Ama manchachikuychu, noqa yanapasqayki, nispa.

Deuteronomio 8:16

Chay jina ch'impi Maná nisqa t'antata mikhuchisorqachej, chaytaqa tatasniykichejpis mana rejserqankuchu. Ajinamanta qankunata llakichispa, yachanampaj imaynachus kasqaykichejta, qhepamanqa allin rinasuykichejpaj.