Éxodo 20:17 - Qheshwa Biblia DC

¹⁷ Ama munapayankichu runa masiykej wasinta; ama munapayankichu runa masiykej warminta, ni qhari kamachinta, ni warmi kamachinta, ni wakanta, ni burronta, nitaj ni iman kajta.

DIOSPA QHELQACHISQAN DEUTEROCANONICAL

¹⁷ Ama runa masiykej wasinta, ni warminta, ni qhari kamachinta, ni warmi kamachinta munapayankichu, jinallataj ni wakanta, ni burronta, nitaj ni iman kajtapis munapayankichu, nispa.

DIOSPA QHELQACHISQ

¹⁷ Ama runa masiykej wasinta, ni warminta, ni qhari kamachinta, ni warmi kamachinta munapayankichu, jinallataj ni wakanta, ni burronta, nitaj ni iman kajtapis munapayankichu, nispa.

Éxodo 20:17 Referans Kwoze

Romanos 13:9

Leyqa jinata nin: Ama qhenchachakunkichu, ama wañuchinkichu, ama suwankichu, [ama qhasimanta tumpankichu,] ama wajpa imanta munapayankichu. Mayqen kamachillapis kay nisqapi junt'akun: Runa masiykita munakunki qan kikiykita jina.

San Lucas 12:15

Chantá nillarqataj: Qhawakuychej, tukuy imasta munapayaymanta. Runaj kausaynenqa mana qhapaj kayllapichu kashan.

Hebreos 13:5

Kausakuychej qolqeta ama munapayaspa. Kapususqaykichejllawan kusisqas kaychej; imaraykuchus pay nerqa: Mana wijch'urparisqaykichu nitaj saqerparisqaykichu.

Colosenses 3:5

Wañuchiychej ari qankunapi jallp'a patapi sajra imasta munasqaykichejta: Qhenchachakuyta, khuchiriota, aychaj munayninta ruwayta, sajra munapayayta, anchata qolqeta munapayayta ima. Chayqa lantita yupaychaywan ninakun.

Efesios 5:5

Kayta yachaychej: Qhenchachakojqa, ch'ichi imasta ruwajqa, lantita yupaychajman rijch'akoj mich'a kajpis, mana chayaqeta jap'enqankuchu Cristojtawan, Diospatawan reinonkupi.

Romanos 7:7

Chantá, ima nisuntajri? Leyqa juchachu? Chayqa mana juchachu. Noqaqa mana imaynamantapis juchata rejsiymanchu karqa mana ley kajtenqa; manallataj rejsiymanchu karqa imachus munapayay kasqantapis, manachus ley ninman karqa, ama munapayankichu, nispa chayqa.

Efesios 5:3

Ama kachunchu qhenchachakuy, tukuy ch'ichi kay, chayrí munapayay ima. Chaykunataqa ama parlarillaychejpischu, imaynatachus Diospa ajllasqasnimpaj allin kan, ajinata.

San Mateo 5:28

Noqatajrí niykichej: Pillapis uj warmita qhawan munapayaspa chayqa, ñapis paywan sonqompi qhenchachakunña.

Habacuc 2:9

Ay qanmantaqa, wasiykiman suwasqa poqoykunasllawan junt'acherqanki, ama ima llakiykunasman urmanaykipaj!

Miqueas 2:2

Jallp'asta munapayanku, jap'ikapunkutaj; wasista munapayanku, suwankutaj. Runastapis mayta ñak'arichinku, ayllusninkutapis chantá tukuy kapuyninkutapis.

Jeremías 5:8

Chay qachilo caballos jina sink'urispa rinku, runa masinkoj warmimpa qhepanta.

Job 31:9

Sichus uj warmiwan sonqoyta suwachikuni chayqa, chayri qayllaypi tiyakojpa warmintachus wateqakuni chayqa,

Hechos 20:33

Mana pejpa qolqenta, qorinta, nitaj p'achanta munapayarqanichu.

Hechos 5:4

Manaraj vendeshajtiyki jallp'aqa qampata karqa, vendejtiykipis manachu qampallatataj chay qolqe karqa? Imaraykutaj sonqoykipi yuyarqanki chay jinatapuni ruwanaykipaj? Mana runasmanchu llullakunki, astawanqa Diosman.

San Lucas 16:14

Kay tukuyta uyarisharqanku qolqe munapayaj fariseos, asipayarqankutaj.

San Mateo 20:15

Manachu qolqeywanqa, munasqayta ruwayta atiyman; chayrí, k'acha kajtiychu, sajra ñawiwan qhawawanki?

Ezequiel 33:31

Ajinata aylloyqa jamuspa ñaupaqeykipi tiyarikun yachasqankuman jina, aylluypis kanman jinataj parlasqasniykita uyarinankupaj. Manataj uyarisqankuta ruwankuchu. Simisnillankuwan misk'ita parlanku, sonqonkupitaj qolqej qhepanta purishanku.

Jeremías 22:17

Qanrí, mana kajmanta qolqeta jap'iyllata munanki, mana juchayojkunata wañuchinki, runasniykita ñak'arichinki, waqachinkitaj.

Isaías 57:17

Pay sajrata munapayasqanrayku noqaqa phiñakuni, chayrayku paykunata jasut'ini, uyayta pakakuni. Chayta ruwani pay mana kasuspa sajra sonqompa munasqanta ruwaspa purisqanrayku.

Isaías 33:15

Pichus cheqanta ruwaspa purin, cheqantataj parlan, qhasimanta qolqe jap'inata chejnikun, mana qolqewan lluk'iykuchikuspa rantichikunchu, runata wañuchimuna nejtinkupis ningrinta wisq'aykun, sajra imastapis rikushaspa mana rikojman tukun.

Eclesiastés 4:8

Uj sapan kaj runaqa mana yanapayniyoj, ni jayk'aj samarikunchu ima ruwaymantapis, qhapajyayninta qhawaspallapuni mana sayk'unchu, nitaj tapurikunchu: Pipajtaj kay jinata llank'ashaniri, almayta allin imasmanta ch'aukiyaspari?, nispallapis. Chaypis qhasi mana kajlla, qhasi mana kajpajtaj llank'arqa.

Proverbios 4:23

Tukuy ima waqaychasqa kajmanta astawan sonqoykita waqaychay; chaymantamin jamun kausayniykeqa.

Salmos 119:36

Sonqoyta aysaway kamachisqasniykita mask'anaypaj; ch'ichi qhapajyaykunata amaña munapayanaypaj.

Salmos 10:3

Sajra runaqa imaynatachus munasqanmanta alabakun. Munapayajqa maldicin, Señortaj qhesachan.

Job 31:1

Noqa churanoqarqani, ama doncella warmita qhawapayanayta.

Josué 7:21

Jericopi chay tukuy imas ukhupi, uj k'achitu babilonia mantata rikorqani, iskay pachaj qolqeta, khuskan kilo kuraj jina sayt'u p'alta qoritawan. Chaykunata anchata munasqayrayku pakaykorqani, apaspataj jaray uraman p'ampaykorqani, qolqetataj aswan uraman churaykuspa.

Génesis 3:6

Warmitaj sach'ata qhawarerqa mikhunapaj jina moq'eyta. Jinallataj chayta mikhuykuspa imatapis yachanapaj jina. Ujnin poqoyninta p'itispataj mikhuykorqa; qosanmampis jaywarqa, paypis mikhuykullarqataj.

Filipenses 3:19

Paykunaj tukukuynenqa wañuy, diosninkutaj wijsanku. P'enqaykunata ruwaspa kusikunku. Paykunaqa kay pachapi kajkunallata mask'ashanku.

Génesis 34:23

Tukuy kapuyninku, uywasninku ima noqanchejpata kanqa. Noqanchejqa ari, ninallanchej tiyan, chaymanta paykunaqa noqanchejwan tiyakonqanku.

Deuteronomio 5:21

Ama runa masiykej warminta munapayankichu. Nillataj munapayankichu wasinta, ni jallp'anta, ni qhari kamachinta, ni warmi kamachinta, ni wakasninta, ni burronta, nitaj imasninchus kajtapis.

Deuteronomio 7:25

Dioskunasninkuta ninapi q'olachinkichej. Ama munapayankichejchu, nitaj apakapunkichejchu chay qolqenkuta, qorinkutapis paykunapi kajta. Chaykunatachus ruwankichej chayqa, juchaman urmankichej. Chaytaj Señorpa ñaupaqempeqa manamin allinchu millay jucha kasqanrayku.

1 Samuel 12:3

Kunanqa kaypi qankunawan kashani: Sichus pejpa bueyesninta, chayri burrontapis jap'ikaporqani, chayri pitapis tumparqani, chayri llakicherqani, chayri piwampis lluk'iykuchikuspa t'inkata jap'erqani chayqa, kunampacha Señorpa ñaupaqempi juchachawachun, ajllasqan chay reypa ñaupaqempipis niwaychej, noqataj mashkhachus qonay kasqanta qopusqaykichej.

Proverbios 6:29

Ajina kanqa kausaqempa warminwan puñuykojpajqa, mana llusp'iyta atenqachu.