Éxodo 20:12 - Qheshwa Biblia DC

¹² Tataykita mamaykitawan kasuy, unayta kay jallp'a patapi kausakunaykipaj, mayqen jallp'atachus Señor Diosniyki qosunki chaypi.

DIOSPA QHELQACHISQAN DEUTEROCANONICAL

¹² Tataykitawan, mamaykitawan ima sumaj respetowan qhawakuy. Ajinata ruwanki chayqa, Tata Diosniyki jallp'ata qosonqa, chaypi unayta kawsakunki.

DIOSPA QHELQACHISQ

¹² Tataykitawan, mamaykitawan ima sumaj respetowan qhawakuy. Ajinata ruwanki chayqa, Tata Diosniyki jallp'ata qosonqa, chaypi unayta kawsakunki.

Éxodo 20:12 Referans Kwoze

Colosenses 3:20

Tata mamasniykichejta kasuychej tukuy imapi, imaraykuchus kayta Señorqa munan.

Deuteronomio 5:16

Tataykita mamaykitawan allinwan qhaway, imaynatachus Señor Diosniyki kamachisusqanman jina, ajinamanta unayta kausakunaykipaj, ima jallp'atachus Señor Diosniyki qosunki chaypi allin risunampaj.

Marcos 7:10

Moisesqa kay jinata nerqa: Tataykita, mamaykitapis respetanki; pichus tatampaj sajrata rimanman chayqa, wañuchun.

Proverbios 30:17

Tatanta qhesachajqa: Jinallataj paya mamanmanta asirikojqa, qharqañaswan ñawisninta orqhochikuchun, ankaj uñasninkuwantaj mikhuchikuchun.

Levítico 19:3

Sapa ujniykichej respetachun tatanta, mamantawan. Jinallataj waqaychachun samarina p'unchaykunasniyta. Noqamin Señor Diosniykichejqa kani.

San Lucas 18:20

Yachanki Diospa kamachisqasninta: Ama qhenchachakunkichu, ama wañuchinkichu, ama suwankichu, ama qhasimanta tumpankichu; tataykita, mamaykitapis kasunki.

San Mateo 19:19

Tataykita, mamaykitapis respetay, runa masiykitapis munakunki qan kikiykita jina.

Proverbios 20:20

Pichus tatanta mamantapis maldicejqa, manchay musphay laqhapi wañonqa.

Éxodo 21:17

Kikillantataj pichus tatanta, chayri mamanta maldicin chayqa, wañonqa.

Marcos 10:19

Diospa kamachisqanta yachanki: Ama qhenchachakuychu, ama runata wañuchiychu, ama suwaychu, ama llullakuspa tumpaychu, amam pitapis ch'aukiyaychu, respetaytaj tataykita, mamaykita ima.

Éxodo 21:15

Pichus tatanta, chayri mamanta maqajqa wañuchun,

Deuteronomio 32:47

Chay nisqayqa mana yanqha mana kajchu, kay leyqa qankunapaj, qankunaj kausayniykichej. Chaynejqa qankunaqa unayta kausankichej Jordán mayu chimpa jallp'api, chayaqeykichejpaj jap'ikunkichej chaypi.

Proverbios 3:16

Paña makimpeqa unay watasta kausana kashan, lloq'e makimpitaj qhapajyaywan, allimpaj qhawasqa kaywan kashan.

2 Reyes 2:12

Eliseotaj ripojta rikuspa qhaparerqa: Tatáy, tatáy, qanqa Israelpaj karqanki uj carreta caballos niyoj jina, nispa. Eliseotaj manaña jayk'ajpis ujtawan rikorqachu. Chantataj p'achasninta iskayman llik'ikorqa.

Deuteronomio 4:40

Junt'aychej Diospa ley churasqasninta, kamachisqasnintawan, kunan p'unchay qoykichej chayta. Ajinamanta allin risonqachej, qankunaman, jinallataj mirayniykichejmampis. Unaytataj kausankichej chay jallp'api Señor Diosniykichej wiñaypaj qosonqachej chaypi.

Deuteronomio 25:15

Manachayqa uj rejlla kanan tiyan imatapis cabalta pesanaykichejpaj, jinallataj tupunaykichejpajpis. Jinamanta unayta kausakunkichej, Señor Diosniykichej jallp'asta qosonqachej chaypi.

Malaquías 1:6

Tukuy Atiyniyoj Señorqa sacerdotesta nin: Wawasqa tatasninkuta honranku, uywasqaspis patronesninkuta honrallankutaj. Sichus noqa Tataykichej kani chayqa, sacerdotes, qankunaqa imaraykutaj mana honrawankichejchu? Sitajchus qankunajta Señorniykichej kani chayqa, imaraykutaj mana respetakuwankichejchu? Astawampis qankuna noqata qhesachaspa ninkichejraj: Imapi qanta qhesachasuyku?, nispa.

Proverbios 30:11

Wakenqa tatankuta maldicinku, mamankutapis mana bendicinkuchu.

Proverbios 28:24

Pichus tatanmanta chayri mamanmantapis suwaspa, ninman mana juchayojchu kasqanta, runa wañuchi runaj kausaqenman tukun.

Proverbios 15:5

Wampu runaqa tatampa reparachisqanta mana jap'ikunchu; pichus kay imasta jap'ejrí, yachayniyoj kasqanta rikuchin.

1 Reyes 2:19

Betsabetaj jamorqa rey Salomompaman Adoniaspaj parlapayapoj. Reyqa jatarikorqa mamanta taripaj, chimpaspataj payman k'umuykorqa. Chantaqa watejmanta tronoman tiyaykukorqa, mamampajtaj uj jatun tiyanata churachiporqa, mamantaj paña ladompi tiyaykukorqa.

Levítico 19:32

Kuraj runastaqa sayarikuspa napaykuy, jinallataj Diosniykitapis jatunchay. Noqamin Señorqa kani.

Efesios 5:21

Cristota manchachikuspa purajmanta kasunakuychej.

Deuteronomio 4:26

Chayta ruwawajchej chayqa, noqa janaj pachaj, kay pachaj ñaupaqempi niykichej ujllapi chinkachisqas kanaykichejta, chay Jordán chimpapi tiyakunaykichej chay jallp'amanta. Jinamanta chay jallp'api mana unaytachu tiyakunkichej, manachayqa tukuyniykichej chinkachisqas kankichej.

Deuteronomio 5:33

Qankunaqa rillaychejpuni ima ñantachus Señor Diosniykichej rikuchisunkichej chayta, allin rinasuykichejpaj, unay watastataj kausakunaykichejpaj ima jallp'atachus jap'ikunkichej chaypi.

Deuteronomio 6:2

Ajinamanta Señor Diosniykichejta manchachikunkichej, junt'ankichejtaj tukuy kausayniykichejpi leyesninta, kamachiykunasninta ima, qankunaman yachachisqayta wawasniykichejwan, allchhisniykichejwan ima, unaytataj kausakunaykichejpaj.

Deuteronomio 11:8

Junt'aychej tukuy kamachiykunata, kunan qoykichej chaykunata, kallpachasqas kanaykichejpaj, maymanchus yaykunkichej chay jallp'atataj jap'ikapunaykichejpaj.

Deuteronomio 11:9

Ashkha watasta tiyakunaykichejpajtaj Señor Diosniykichej ñaupa tatasniykichejman, mirayniykichejmamnpis qosqaykichej nerqa chay jallp'api, maypichus lechewan, misk'iwan yaku jina corrishan chaypi.

Deuteronomio 21:18

Sichus mayqempata wawan mana uyarikunmanchu, nitaj kasukunmanchu tatan maman jasut'ejtinkupis chayqa, tatasnin payta pusachunku llajtapi kaj kurajkunajpaman.

Deuteronomio 27:16

Tatanta, mamanta qhesachajqa maldicisqa kachun. Tukuy israelitastaj nenqanku: Ajina kachun, nispa.

Proverbios 17:6

Machu runaspa pillunkoqa allchhisninku; wawaspa kusikuyninkutaj, tatasnin.

Jeremías 35:7

Ajinallatataj kamachiwarqayku wasistapis ama ruwanaykuta, nitaj chajrata tarpunaykuta, nitaj plantanaykutapis, chayri uvas huertasniyoj kanaykutapis. Kamachiwarqaykutaj toldosllapi tiyakunaykuta, kay jallp'api unayta tiyakunaykuta, maypichus mana llajtasniyoj jina purishayku chaypi.

Jeremías 35:18

Chaypacha Jeremiasqa Recabitasman nillarqataj: Israelpa Tukuy Atiyniyoj Señor Diosnintaj nin: Qankunaqa kasuwankichejña, ñaupa tataykichej Jonadabpa kamachisqanta, jinataj qhawarqankichej, yachachisqasniyta junt'arqankichej, tukuy paypa kamachisusqaykichejta ima.

Ezequiel 22:7

Kay llajtapeqa, tatasninkuta, mamasninkutapis mana kasuta ruwankuchu. Waj llajtamanta jamoj runasta ñak'arichinku. Wajcha wawasmanta, viuda warmismantataj lluch'unku.

Génesis 48:12

Joseqa tatampa arphisninmanta wawasninta suchurichispa qonqoriykukorqa ñaupaqempi pampaman umanta chayachinankama.

Génesis 50:12

Jacobpa wawasnenqa ruwarqanku imatachá tatanku kamacherqa paykunaman chayta.

Rut 3:6

Rutqa riporqa chajraman, Noeméj tukuy nisqantataj ruwarqa.

1 Samuel 22:3

Chaynejmantapacha Davidqa Moab jallp'api Mizpa llajtaman rerqa. Moabpa reyninmantaj nerqa: Mañarikuyki tataywan mamaywanqa qankunawan qheparikunankuta, imatachus Señor noqawan ruwanqa chayta yachanaykama.