Éxodo 15:13 - Qheshwa Biblia DC

¹³ Khuyakuspa, munakuyniykiwan kay salvasqayki israelitasta pusashanki. Atiyniykiwan pusashanki llimphu k'achitu wasiykiman.

DIOSPA QHELQACHISQAN DEUTEROCANONICAL

¹³ Mana jayk'aj tukukoj khuyakuyniykiwan kacharichisqayki israelitakunata pusashanki. Atiyniykiwantaj tiyakunayki cheqaman pusashanki.

DIOSPA QHELQACHISQ

¹³ Mana jayk'aj tukukoj khuyakuyniykiwan kacharichisqayki israelitakunata pusashanki. Atiyniykiwantaj tiyakunayki cheqaman pusashanki.

Éxodo 15:13 Referans Kwoze

Salmos 77:20

Ovejasta jina llajtaykita pusarqanki, Moisesnejta, Aaronnejtataj.

1 Pedro 1:5

Creesqaykichejraykutaj Diospa atiynimpi waqaychasqas kankichej, chay wakichisqa salvacionta tarinaykichejpaj. Chaytaj, qhepa p'unchaykunapi rikuchisqa kanqa.

Jeremías 2:6

Manaña noqamanta tapukuwankuchu: Maypitaj kashan, Egipto jallp'amanta orqhomuwarqanchej ch'inkunasnejta, may wayq'orara ch'in jallp'asnejta, mana yakuyoj jallp'asnejta, mana pejpa purisqan, nitaj tiyakusqan, may manchachikuna jallp'asnejta pusamuwarqanchej chay Diosri?, nispa.

Salmos 106:9

Chay puka mar qochata k'amerqa, ch'akicherqataj. Chay mar khallasqa qocha ukhuta ch'aki jallp'ata paykunata chimpacherqa.

Efesios 2:4

Diosqa khuyakuypi qhapaj kaspa munakuwarqanchej chay jatun munakuyninwan.

Salmos 80:1

Israelta michej, uyariy, José aylluta tropaykita jina pusanki, querubinespa patampi tiyakoj k'anchaykamuy.

Génesis 19:16

Lottaj mana usqhayta puririyta aterqachu, chayrayku angelesqa Lotta, warminta, iskaynin ususisninkutawan makisninkumanta llajtamanta jawaman aysarqanku, Señor paykunata khuyakusqanrayku.

Nehemías 9:12

Chaymantataj pusarqanki p'unchaynimpeqa uj phuyu llanthuwan, tutantaj nina k'anchaywan rinanku karqa chay ñanta k'anchaykuspa.

Éxodo 6:6

Chayrayku nimuy israelitasman: Noqa Señormin, orqhosqaykichej chay jina ñak'arispa egipciospaj llank'anaykichejmanta, chay jina sinch'i kamachi ruway mana atinamanta. Noqa atiyniyta rikuchisaj. Ashkha muchuy mana atinasta rikuchispa kacharichisqaykichej sumaj cheqanta ruwaspa.

Éxodo 15:16

Paykunaman urmachun kharkatitiy, sustullikuytaj. Makiykej atiyninwan qhasayaspa chujruyachunku rumi jina; Oh Señor, Israel aylluyki pasanankama; kay rantikapusqayki aylluyki pasanankama.

Éxodo 15:17

Oh Señor, qan pusawayku ari tiyakunaykupaj sumaj llimphu orqoykiman, chayaqeyki orqopi tiyakunaykupaj, maypichus qan tiyakunki chaypi, maynejtachus qan Señor ajllakorqanki chaypi; chay llimphu cheqata makisniyki sayacherqa.

Éxodo 20:2

Noqa Señor Diosniyki kani, Egiptomanta orqhomorqayki, kamachillapuni kanaykimanta.

2 Samuel 15:25

Reytaj Sadocman nerqa: Watejmanta llajtaman kutichipullaytaj kay Doispa cajonnintaqa. Sichus Señor khuyawanqa chayqa, Pay munanqa kutimunayta rikunaypaj trato cajonninta maypichus kashan chaytawampis.

Salmos 74:2

Yuyarikuy aylluykimanta, mayqentachus ñaupajmantapacha rantikorqanki, mayqentachus qan orqhorqanki chayaqeyki aylluykiman tukuchinaykipaj. Yuyarikuy Sión orqomanta maypichus tiyakorqanki chaymanta.

Salmos 78:35

Chaypachataj patapi kaj Diosmanta yuyarikorqanku, Pay pakakunanku, salvajninkutaj kasqanta.

Isaías 51:10

Qanqa mar qochata ch'akicherqanki chay chhika ukhu yakuta, chaynintataj ñanta ruwarqanki, chayninta librasqa israelitas chimpanankupaj.

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

Isaías 63:9

Israelitas llakisqa kashajtinku, paypis llakisqallataj karqa, angelnintaj paykunataqa orqhomorqa. Munakuyninwan khuyakuyninwantaj paykunataqa librarqa, unaymantapacha sapa p'unchay waqaychaspa pusamorqataj.