Éxodo 14:29 - Qheshwa Biblia DC

²⁹ Israelitasri mar qochata pasarqanku ch'akipi, yakustaj pañankupitaj, lloq'enkupitaj perqaspis kanman jina sayaykorqanku.

DIOSPA QHELQACHISQAN DEUTEROCANONICAL

²⁹ Israelitakunarí mama qochata ch'aki jallp'api chimpasqanku, yakutaj pañankupi, lloq'enkupitaj perqa jina sayarqa.

DIOSPA QHELQACHISQ

²⁹ Israelitakunarí mama qochata ch'aki jallp'api chimpasqanku, yakutaj pañankupi, lloq'enkupitaj perqa jina sayarqa.

Éxodo 14:29 Referans Kwoze

Éxodo 14:22

Israelitastaj mar qochaj chaupinta yaykuspa ch'aki jallp'api pasarqanku, yakustaj qhepakorqa jatun perqa jina lloq'enkupi, pañankupitaj.

Isaías 51:13

Ruwasojniyki Señortaqa qonqapunkiñachu, janaj pachata qhatatajmanta, jallp'atapis sumajta sayachejmanta? Qanqa tukuy p'unchaynintin manchachikuspallapuni kanki, pichus llakichisuspa, phiñakuspataj chinkachisuyta munarqa chaymanta. Kunan maytaj chay jinata llakichisuspa purej runaj phiñakuyninri?

Isaías 51:10

Qanqa mar qochata ch'akicherqanki chay chhika ukhu yakuta, chaynintataj ñanta ruwarqanki, chayninta librasqa israelitas chimpanankupaj.

Isaías 43:2

Yaku mayusta chimpashajtiykeqa noqa qanwan kasaj. Mana yakoqa apasonqachu. Nina chaupita rishaspapis mana ruphachikunkichu. mana larwaynillampis q'aspasonqachu.

Josué 3:16

Pata mayumanta jamoj yakoqa kikimpi sayaykorqa qocha jina, Adán nisqa llajtapi, chayqa kashan jark'ana, Saretán llajtawan khuska. Ñaupajman p'itikoj yakutaj Wañusqa Qocha nisqaman uraykorqa tukukunankama. Ajinata yakoqa mayupi iskayman t'aqarpayakorqa. Israelitastaj chayninta chimparqanku Jericó llajta cheqaman.

1 Corintios 10:1

Hermanos, noqa munani qankuna yuyarikunaykichejta ñaupa tatasninchej phuyu urapi tukuy kasqankumanta, tukuytajmanta puka mar qochata pasasqankumanta.

Éxodo 15:8

May phiñakuywan phukuspa yakusta k'uchuncharparinki; yaku ukhoqa wayq'o jina purajman khallarparikun. Yanayarishaj mar qochaj sonqon tikayarparin.

Éxodo 15:19

Mar qochaman yaykorqanku faraompa carrosnin, caballospi rejkuna soldadosnin, Señortaj mar yakuwan ujllata p'ampaykuchin. Israelitasrí chakipi pasarqanku mar qochata, ch'aki jallp'atapis rishankuman jina.

Isaías 11:15

Señorqa puka mar qochata ch'akichenqa, manchay atiyninwan makinta oqharenqa Eufrates mayunejman, uj sinch'i wayrata wayrachimuspataj chay mayuta qanchis mayusman t'aqarparenqa, chay jinamanta ujut'asnillankuwanña chimpanankupaj.

2 Reyes 2:8

Chanta Eliasqa qhatakuna p'achanta jap'ispa mayt'uykorqa, chaywantaj yakuta wajtarqa, yakutaj iskayman t'aqakorqa puraj ladoman, chantá ch'akita paykunaqa pasarqanku.

Nehemías 9:11

Ñaupaqenkupi mar qochata iskayman rak'erqanki, mar qochaj chaupintataj ch'aki pampata jina chimparqanku,. Enemigonku qhatiykamojkunata ukhunkama p'ultiykurarqanki, ukhu qochaman rumita choqaykunchej ajinata.

Salmos 78:13

Mar qochata iskayman khallarqa, chaynintataj chimpaman chimpacherqa, uj perqata jina yakuta sayachispa.

Salmos 106:9

Chay puka mar qochata k'amerqa, ch'akicherqataj. Chay mar khallasqa qocha ukhuta ch'aki jallp'ata paykunata chimpacherqa.

Salmos 136:13

Puka mar qochata iskayman khallajman, khuyakuynin wiñaypaj kasqanrayku;