Éxodo 14:25 - Qheshwa Biblia DC

²⁵ Carrosninkoj ruedasnin urmararqa, umankupis muyusqa jina kajtin manaña ñaupajman riyta aterqankuchu. Chaymanta egipciosqa ninakorqanku: Ayqekunachej israelitaspa ñaupaqenmanta, Señor maqanakushan paykunapaj sayakuspa noqanchejpa contranchejta.

DIOSPA QHELQACHISQAN DEUTEROCANONICAL

²⁵ Chay jawa, Diosqa carretankoj tililinkanta sik'irpayarqa. Chayrayku Egiptomanta soldadokuna manaña ñawpajman riyta aterqankuchu. Jinapi paykuna ninakorqanku: Israelitakunamanta ayqekunachej, imajtinchus Tata Dios paykunaman sayakuspa, noqanchejwan maqanakushan, nispa.

DIOSPA QHELQACHISQ

²⁵ Chay jawa, Diosqa carretankoj tililinkanta sik'irpayarqa. Chayrayku Egiptomanta soldadokuna manaña ñawpajman riyta aterqankuchu. Jinapi paykuna ninakorqanku: Israelitakunamanta ayqekunachej, imajtinchus Tata Dios paykunaman sayakuspa, noqanchejwan maqanakushan, nispa.

Éxodo 14:25 Referans Kwoze

Éxodo 14:14

Qankunaqa ama chaymanta llakikuychejchu, Señorlla cuentaykichejmanta maqanakonqa.

Jeremías 51:21

Qanwan caballosta, jinataj caballospi rejkunastapis wañurachini. Qanwan, carretasta, chaypi rejkunatapis wañurachini.

Job 20:24

Fierro armasmanta ayqenqa, uj bronce flechawantaj jap'irpachenqanku.

Deuteronomio 3:22

Paykunamanta amapuni manchachikunkichejchu. Señor Diosniykichej qankunarayku maqanakonqa.

Amós 9:1

Señorta altar patapi rikorqani, niwarqataj: Wasi k'aspista wajtay, punkus thalakunankama, runaspa uman patapitaj urmaykuspa t'unakuchunku, puchojkunatataj espadawan t'ojsispa wañurachisaj; jinamanta mana pipis kanqachu pakakoj, nitaj ayqejpis, jinamanta llusp'inampaj.

Amós 5:19

Chay p'unchayqa kanqa, imaynachus uj runa leonmanta ayqekushaspa, jukumariwanñataj tinkuykun, chayri wasinman yaykun, perqamantaj arrimaykukojtin katariñataj khanirparinan, jina kanqa.

Salmos 76:6

Qan Señor, Jacobpa Diosnin, k'amejtiyki carretaspis, caballospis, kuyukuytapis mana atinkuchu.

Salmos 68:12

Soldadospa reyesninku ayqerqanku. Wasispi warmisqa partinakunku, enemigosninkumanta qhechusqankuta.

Salmos 46:9

Ch'ajwastaqa mundontimpi sayachin. Maqanakuna flechasta, lanzastapis p'akiran, carretastataj rupharachin.

Job 27:22

Chay runaj contranta mana khuyakuspa Diospa wayranqa, ayqeshajtimpis jap'illanqapuni.

Job 11:20

Sajra runasrí qhasillata yanapata mask'anqanku, mana tarenqankuchu maymanchus pakakunankutapis, paykunaj suyaynenqa kanqa wañuyllaña.

Amós 1:14

Chayrayku Rabá llajtaj perqasninman ninata jap'iykuchisaj. Chay ninataj q'olaykonqa palaciosninkuta, may maqanakuy ch'ajwa ukhupi, may qhaparikuy llakiy p'unchaypitaj ukhupi.

Jueces 4:15

Barac tinkuman yaykojtinkamataj, Señorqa musphacherqa Sisaraj carrosninta jinataj soldadosnintapis, Sisarapis carronmanta uraykuytawankama chakipi ayqerqa.

Éxodo 14:4

Noqataj faraompa sonqonta rumiyachisaj qankunata qhatirimunasuykichejpaj. Chaypitaj atiyniyta rikuchisaj paypa patampi, tukuy soldadosnimpa patampiwan. Ajinamanta egipciosqa yachanqanku noqa Señor kasqayta. Israelitastaj chayta uyarispa kikinta ruwarqanku.

Éxodo 14:18

Maypachachus atiyniyta rikuchisaj faraompi, carrosnimpi, caballospi rej soldadosnimpi, chaypacharaj egipciosqa yachanqanku noqa Señor kasqayta.

Deuteronomio 32:31

Jark'ajninku chhankaqa, mana jark'awajninchej chhanka jinachu. Chaytaqa enemigosninchej yachanku.

Nehemías 6:16

Enemigosniyku qayllasniykupi tukuy kaj nacionespis chayta yachaspa, mayta mancharikorqanku. Chay wapu wapu kajkunamanta k'umuykukorqanku, tukuy ruwasqaykupi Dios yanapawasqaykuta yachaspa.

Éxodo 15:3

Señorqa tukuy maqanakupi atipaj, sutintaj Señor.

Deuteronomio 1:30

Señor Diosniykichej ñaupaqeykichejta rispa maqanakonqa qankunaj cuentaykichejmanta, imaynatachus Egiptopi ruwasqanta rikorqankichej; ajinallataj ch'in pampaspipis. Señor Diosniykichejqa makisninwan jap'ispa pusaykachakusorqachej tukuy ñanta, kayman chayamunaykichejkama, uj runa imaynatachus wawanta pusaykachakun ajinata.

Josué 10:14

Ni ñaupajta, nitaj qhepatapis chay jina jatun p'unchayqa karqachu, mayk'ajchus Señorqa uj runaj parlasqanta uyarerqa chay p'unchay jinaqa. Imaraykuchus Señorqa chaypacha israelitasman kutikuspa maqanakorqa.

2 Crónicas 20:29

Tukuy nacionestaj Diosta mayta manchachikorqanku, yachaspa Señorqa maqanakusqanta Israelpa enemigosninwan.

Nehemías 4:14

Mancharikusqankuta reparaspa, sayarikuytawan nerqani chay allichaj runasninkuman, jintaj kamachejkunasninkuman, jinataj runasmampis: Ama enemigosniykichejmanta mancharikuychejchu, Señormanta yuyarikuychej may jatun kasqanta, manchachikunataj kasqanta. Maqanakuychej ari llajta masisniykichejrayku, qhari wawasniykichejrayku, warmi wawasniykichejrayku, warmisniykichejrayku, wasisniykichejraykupis, nispa.

Nehemías 9:11

Ñaupaqenkupi mar qochata iskayman rak'erqanki, mar qochaj chaupintataj ch'aki pampata jina chimparqanku,. Enemigonku qhatiykamojkunata ukhunkama p'ultiykurarqanki, ukhu qochaman rumita choqaykunchej ajinata.

Salmos 35:1

Señor, noqawan churanakojkunaj contranta sayariy; maqay noqata maqawajkunata.

Isaías 31:4

Señorqa noqaman kay jinata niwarqa: Uj leonqa ovejata wañuchispa aycha patapi uñanwan mayta phiñarikun; michejkuna mancharichinankupaj ch'ajwaspa tantakamunku chaypis, mana mancharinkuchu nitaj ayqechiyta atinkuchu. Ajinata Tukuy Atiyniyoj Señorqa Sión orqoman maqanakoj uraykamonqa.