Éxodo 14:24 - Qheshwa Biblia DC

²⁴ Señortaj q'ayantin sut'iyarpamuyta egipciospa campamentonta, phuyu ukhumanta, nina k'anchay ukhumantawan qhawarimuspa, egipciostaqa q'alata pejturparerqa.

DIOSPA QHELQACHISQAN DEUTEROCANONICAL

²⁴ Tata Diostajrí, sut'iyamuy qayllata, phuyu ukhumanta, nina k'anchay ukhumantawan Egiptomanta soldadokunata qhawamorqa. Chantá paykunata pawicherqa.

DIOSPA QHELQACHISQ

²⁴ Tata Diostajrí, sut'iyamuy qayllata, phuyu ukhumanta, nina k'anchay ukhumantawan Egiptomanta soldadokunata qhawamorqa. Chantá paykunata pawicherqa.

Éxodo 14:24 Referans Kwoze

Éxodo 13:21

Señorqa paykunaj ñaupaqenta rerqa p'unchaypi jatun chhoqo phuyu ukhupi paykunata pusaspa, tutantaj nina k'anchay ukhupi ama ñanta pantanankupaj; chantapis tuta p'unchay rinankupaj.

Éxodo 14:25

Carrosninkoj ruedasnin urmararqa, umankupis muyusqa jina kajtin manaña ñaupajman riyta aterqankuchu. Chaymanta egipciosqa ninakorqanku: Ayqekunachej israelitaspa ñaupaqenmanta, Señor maqanakushan paykunapaj sayakuspa noqanchejpa contranchejta.

Salmos 48:5

Llajtata rikuspataj t'ukorqanku, manchachikuspataj ayqerqanku.

Job 40:12

Jatunchakojkunata qhawaspa k'umuykuchiy, sajra runasta mayllapipis saruy.

Job 34:29

Sichus Dios samarikun chayqa, pitaj Payta juchachanqari? Sichus uyanta pakaykun chayqa, pitaj Payta qhawarenqari? Payqa tukuy nacionesta qhawamushan, jinallataj sapa uj runaj ruwasqasnintapis.

Job 34:20

Runasqa uj ñawi ch'ipejpi wañunku, khuskan tutata; runasqa mayta ch'ajwanku, chinkapunkutaj; atiyniyoj kajqa uj ratollapi chinkachisqa karqa.

Salmos 104:32

Señor qhawarejtin jallp'aqa kharkatin, llankharejtintaj orqosqa q'osñirinku.

Job 22:13

Qanqa ninkichari: Imatataj Dios yachasqa? Imaynatataj laqhanejta qhawanqari?

1 Samuel 11:11

Chay q'ayantintaj Saulta soldadosninta kinsa jatuchaj t'aqasman t'aqarqa, manaraj sut'iyamushajtintaj yaykuykorqanku enemigosninkoj jarankuman. Chaypachataj amonitasmanta kaj runasta ashkhata wañuracherqanku chaupi p'unchaynejkama. Ayqekuspa llusp'erqanku chaykunaqa ch'eqerarqanku tukuynejman, mana iskayllapis khuskaqa qhepakorqankuchu.

Salmos 78:14

P'unchaypeqa phuyuwan pusarqa, tutantaj nina k'anchaywan.

Salmos 90:4

Cheqamanta waranqa watas qampajqa, qayna jinalla, uj día jinalla, qayna p'unchaypis kanman jinalla, ch'isi horas jinalla.

Amós 9:4

Waj llajtasmanchus enemigosninkunejta apachisqas kanqanku chayqa, chayman espadayta kachasaj wañurachimunampaj. Ñawisniywantaj paykunata qhawasaj mana chinkachispa sajrapaj, manataj allin rinampajchu.