Éxodo 14:13 - Qheshwa Biblia DC

¹³ Moisestaj paykunaman nerqa: Chaymantaqa ama mancharikuychejchu, sumajta sayaychej, rikunkichej Señor imatachus ruwanqa qankunata libranasuykichejpaj; imaraykuchus kunallanña egipciospa uyasninkuta rikushankichej, kaymanta qhepamanqa ni jayk'aj rikunkichejñachu.

DIOSPA QHELQACHISQAN DEUTEROCANONICAL

¹³ Moisestajrí israelitakunata nerqa: Ama manchariychejchu, pachanpi sayaychej, rikunkichejtaj Tata Dios qankunata kacharichisunaykichejpaj imatachus ruwananta. Kunallantawanña Egipto llajtayojkunaj uyankuta rikunkichej. Kaymanta qhepamanrí niña jayk'ajpis paykunata rikunkichejñachu.

DIOSPA QHELQACHISQ

¹³ Moisestajrí israelitakunata nerqa: Ama manchariychejchu, pachanpi sayaychej, rikunkichejtaj Tata Dios qankunata kacharichisunaykichejpaj imatachus ruwananta. Kunallantawanña Egipto llajtayojkunaj uyankuta rikunkichej. Kaymanta qhepamanrí niña jayk'ajpis paykunata rikunkichejñachu.

Éxodo 14:13 Referans Kwoze

2 Crónicas 20:17

Kay kutipeqa manamin qankunachu maqanakunkichej. Chaynejpi allinta sayakuychej, kakullaychej mana kuyukuspa, rikunkichejtaj imaynatachus Señor qankunata librasusqaykichejta. Jerusalempi, jinataj Judapi tiyakojkuna runas ama manchachikuychejchu, nitaj kharkaychejchu, q'ayapacha riychej paykunawan maqanakoj, Señorqa qankunawan kashan.

2 Crónicas 20:15

Jahazielqa nerqa: Allinta uyariychej Judapi, Jerusalempipis tiyakoj runas, qampis rey Josafat. Señor nisunkichej: Ama manchachikuychejchu, nitaj kharkaychejchu, chay ashkha soldadospa ñaupaqempeqa. Kay maqanakoyqa mana qankunajtachu, manachayqa Diospatamin.

Éxodo 14:30

Ajinata Señorqa israelitasta salvarqa chay p'unchaypi egipciospa makinmanta. Israelitasqa rikorqanku wañusqa egipciospa ayasninta mar qocha cantospi wijch'urayashajta.

2 Reyes 6:16

Eliseotaj nerqa ama mancharikuychu, imaraykuchus noqanchejwan aswan ashkha kanku, paykunamanta nisqaqa.

Isaías 35:4

Manchachikojkunaman niychej: Kallpachakuychej, amataj manchachikuychejchu; qhawariychej Diosniykichej jamushan salvasunaykichejpaj enemigosniykichejmantaj pagota qonampaj.

Lamentaciones 3:26

Señorpa salvacionninta ch'inmanta suyanaqa may sumajpuni.

Oseas 13:4

Señor nin: Noqa Señor Diosniyki kani Egiptopi kasqaykimantapacha: Ama pitapis Diosniykipaj jina rejsiychu manachayqa noqallata, noqallamin salvajniykeqa kani.

Habacuc 3:13

Qan llojsimunki aylluykita yanapaj, chantá qan kikiykej ajllasqayki reyta. Juchasapaj wasimpa techontataj qan phirerqanki, cimiento rumisnintataj chhankankama thuñiykorqanki.

Isaías 43:11

Noqa k'atalla Señorqa kani. Noqamanta wajqa mana pipis salvajqa kanchu.

Deuteronomio 20:3

Uyariychej israelitas; kunanqa enemigosniykichejwan maqanakamunkichej. Ama iskayrayankichejchu, ama manchachikunkichejchu, ama kharkatitinkichejchu, amataj mancharikunkichejchu; imaraykuchus Señor Diosniykichejqa qankunawan kashan. Pay qankunarayku enemigosniykichejwan maqanakonqa, atipanaykichejpajtaj yanapasonqachej.

Números 14:9

Chayrayku ama Señorpa contranta oqharikuychejchu, amataj manchachikuychejchu chay jallp'api kaj runasmanta. Paykunataqa t'antatapis mikhushasunman jina atipasun. Paykunamanta jark'akojqa mana pipis kanchu, noqanchejwanri Señor kashan. Chayrayku ama manchachikuychejchu.

Génesis 49:18

Señorníy, suyarqani qan salvanawaykita!

Jeremías 3:23

Cheqamanta mana imapaj allinchu karqa orqo puntasman wicharisqaykoqa, nitaj chay orqospi qhaparqachasqaykupis. Señor Diosnillaykupimin Israelqa salvacionta tarin.

Nehemías 9:9

Qan rikorqanki ñaupa tatasniyku Egiptopi ñak'arisqankuta, chay Puka mar qocha nisqapipis qan uyarerqanki waqaspa qhaparikamususqankuta.

Génesis 15:1

Chay qhepata Dios parlarqa Abramman mosqoypi jina, nispa: Ama manchachikuychu Abram, noqa qampa jark'ajniyki kani, qampa t'inkaykeqa may chhikapuni kanqa.

Salmos 3:8

Qanlla salvayta atinki, Señor. Bendiciy ari aylluykitaqa.

Isaías 26:3

Pichus qampi sonqo churajtaqa, sonqo tiyakuypi kachiy, imaraykuchus payqa qampipuni atienekun.

San Mateo 28:5

Angeltaj warmisman nerqa: Ama manchachikuychejchu. Noqa yachani Jesusta mask'ashasqaykichejta, pichus chakatasqa karqa, chayta.

Isaías 30:15

Israelpa Santo Señor Diosnenqa ajinata nin: Kutirimuwaspa, tukuy sonqo samarikuspataj qankunaqa salvo kankichej. Ajinata ni imamanta llakiyniyoj, tukuy sonqo atienekuspa kallpayoj kankichej. Qankunataj chaytaqa mana munarqankichejchu.

Habacuc 3:8

Phiñakunkichu, Señor, mayuspa contrampi? Mana qochaspa contrampipis phiñasqachu kashanki? Chayraykuchu caballosniykiman lloq'aykunki atipaj carrosniykimantaj montaykunki?

Oseas 13:9

Israel q'alata t'unasqayki manataj pipis jark'ayta atiwanqachu.

Génesis 46:3

Chaypi Dios payman nerqa: Noqa Dios kani, tataykej Diosnin. Ama Egiptoman riyta manchachikuychu; chaypi mirachisaj mirayniykita uj jatun nación kanampaj.

Éxodo 20:20

Moisestaj paykunaman nerqa: Ama manchachikuychejchu; Diosqa qankunata imaynachus kasqaykichejta yachaj jamun, qankuna payta manchachikunaykichejpajpuni, paypa ñaupaqempi ama juchallikunkichejchu.

1 Samuel 11:13

Saultaj nerqa: Kay p'unchaypeqa mana pipis wañonqachu, Señor Israel ayllunta salvasqanrayku.

1 Samuel 12:16

Ajinaqa ama kuyurikuychejchu chay kashasqaykichejmanta, rikunkichejtaj Señorpa jatuchaj t'ukuna imasta qankunaj ñaupaqeykichejpi ruwasqanta.

Génesis 26:24

Chay ch'isi Señorqa rikhurerqa, nerqataj: Noqa kani tatayki Abrahampa Diosnin. Ama manchachikuychu, noqa qanwan kashani. Kamachiy Abrahamrayku bendicisqayki, mirayniykitapis ashkhayachisaj.

Salmos 68:21

Cheqamanta Diosninchejqa enemigosninchejpa umanta p'akenqa, juchallikullankupuni chaykunaj umanta.

Salmos 78:53

Paykunata sumajta pusarqa mana manchachikunankupaj, enemigosninkutataj mar qocha p'ampaykorqa.

Salmos 91:8

Cheqamanta chaykunataqa qhawallanki. Rikunkichej sajra runas ruwasqankuman jina, payta jap'ejta.

Oseas 1:7

Judáj reinonmantarí khuyakusaj, noqa kikiy Señor Diosninku paykunata salvasaj. Pero salvasaj chayqa manamin maqankupichu, nitaj wach'inawanchu nitaj t'ojsinawanchu nillataj caballospi lloq'ajkunawanchu, nispa.