Éxodo 13:3 - Qheshwa Biblia DC

³ Moisestaj runasman nerqa: Kay diamanta yuyarikuychej, mayk'ajchus Egiptomanta Señor orqhomusorqachej jatun atiyninwan kamachillapuni kanaykichejmanta. Chayrayku ama mikhuychejchu levadurayoj t'antataqa.

DIOSPA QHELQACHISQAN DEUTEROCANONICAL

³ Moisestaj israelitakunata nerqa: Kay p'unchaymanta yuyarikunkichej, imajtinchus kay p'unchayta Tata Diosqa Egiptopi wata runa kanamanta may jina atiyninwan orqhomusorqachej. Chayrayku kay p'unchaypi levadurawan ruwasqa t'antata ama mikhunkichejchu.

DIOSPA QHELQACHISQ

³ Moisestaj israelitakunata nerqa: Kay p'unchaymanta yuyarikunkichej, imajtinchus kay p'unchayta Tata Diosqa Egiptopi wata runa kanamanta may jina atiyninwan orqhomusorqachej. Chayrayku kay p'unchaypi levadurawan ruwasqa t'antata ama mikhunkichejchu.

Éxodo 13:3 Referans Kwoze

Deuteronomio 24:18

Qankunaqa ama qonqaychejchu Egiptopi kamachis kasqaykichejta, Señor Diosniykichej chaymanta orqhomususqaykichejta. Chayrayku noqaqa kamachiykichej kay tukuy imasta junt'anaykichejta.

Deuteronomio 5:15

Qanqa yuyarikuy imaynatachus qampis Egiptopi kamachi kasqaykita. Señor Diosniyki chaymantaqa orqhomusorqa jatun atiyninwan. Chayrayku Señor Diosniykeqa kamachisunki, samakuna p'unchayta waqaychanaykita.

Éxodo 20:2

Noqa Señor Diosniyki kani, Egiptomanta orqhomorqayki, kamachillapuni kanaykimanta.

Deuteronomio 16:12

Yuyarikuychej qankunapis Egiptopi kamachis kasqaykichejta; chayrayku kay kamachiykunataqa junt'aychejpuni.

Deuteronomio 5:6

Noqa Señor Diosniyki kani, Egiptomanta orqhomorqayki, kamachillapuni kanaykimanta.

Deuteronomio 15:15

Ama qonqankichejchu qankunapis Egiptopi kamachis kasqaykichejmanta, maynejmantachus Señor Diosniykichej kacharichimusunkichej. Chayrayku kunanqa noqa kay kamachiyta qoykichej.

Deuteronomio 6:12

Chaypacha amapuni Señorta qonqapunkichejchu. Paymin Egiptomantaqa orqhomusorqachej kamachis kashajtiykichej.

Deuteronomio 16:3

Chay rikuchiku kankasqa uywataqa mana levadurayoj t'antatawan mikhunkichej. Chay t'antataqa qanchis p'unchay junt'ata mikhunkichej, imaraykuchus chayqa llakiy t'anta. Qankunaqa ajinata may apurasqata Egiptomanta llojsimorqankichej. Chayrayku qankunaqa kausanaykichejkama yuyarikunkichejpuni ima p'unchaypichus Egiptomanta llojsimusqaykichejta.

Éxodo 13:14

Mayk'ajpis wawasniykichej tapusonqachej: Imatataj kay niyta munanri?, nispa chayqa, ninkichej: Kayqa niyta munan, ñaupa tatasninchej israelitasta Señor orqhomusqanta jatun atiyninwan Egiptomanta, maypichus kamachi mana ruway atinamanta.

Josué 24:17

Imaraykuchus Señor Diosninchejqa Egiptomanta orqhomuwarqanchej, jinallataj ñaupa tatasninchejtapis, maypichus karqa kamachi mana ruway atina chaymanta. Pay ruwarqa jatuchaj t'ukuna imasta, pay waqaychawarqanchej tukuy ñankunapi maykunatachus purisqanchejpi. Jinallataj tukuy llajtaspipis maynintachus purerqanchej chaykunapi.

Deuteronomio 13:10

Payta rumiwan ch'anqanki wañunankama Señor Diosniykimanta t'aqasuyta munasqanrayku. Chay Señor Diosniykeqa Egiptomanta orqhomusorqa kamachillapuni kashajtiyki.

Deuteronomio 24:22

Qankunaqa ama qonqaychejchu Egipto jallp'api kamachis kasqaykichejta. Chayrayku kay tukuy imasta kamachiykichej junt'anaykichejta.

Éxodo 12:42

Chay ch'isi Señorqa qhawarqa israelitasta Egiptomanta orqhonampaj. Chay ch'isita israelitaspis Señorpaj waqaychanku jinallataj wawasninku, mirayninkupis wiñaypaj.

Deuteronomio 13:5

Chay sut'inchajqa, chayri mosqoykunamanta willajqa wañuchisqa kanqa, Señor Diosniykichejpa contranta ruwanaykichejta munasqanrayku. Chay Señor Diosniykichejqa Egiptomanta orqhomusorqachej wata runas kashajtiykichej. Chantapis chay runaqa munashan t'aqakunaykichejta, mayqen ñantachus Señor Diosniykichej kamachisorqachej purinaykichejta chaymanta. Chay runata wañuchispaqa qankuna ukhumanta sajrata chinkachinkichej.

Deuteronomio 4:34

Karqachu ima diosllapis uj nacionta tukuy nacionespa chaupinmanta ajllakojqa, imaynatachus qankunawan ruwarqa Señor Diosniykichej Egiptopi ajinata qankunaj ñaupaqeykichejpi, milagroswan, guerraswan ima, jatun atiyninta pruebaswan, señaleswan rikuchispa, manchachispataj?

Éxodo 23:15

Mana levadurayoj t'anta fiestata waqaychanki; qanchis día junt'atataj mana levadurayoj t'antata mikhunki, imaynatachus nisusqanman jina. Chaytaqa mikhunki Abib killapi, imaraykuchus chay killapi Egiptomanta llojsimorqanki. Ni pipis noqaman jamuwanqachu makisnin ch'usajlla.

Éxodo 20:8

Ama qonqankichu samarikuna diamanta, chay diapi Diosmanta yuyarikunaykipaj.

Éxodo 12:19

Chay qanchis diapi levaduraqa mana wasiykichejpi kanqachu. Sichus mayqen levadurayojta mikhonqa chayqa, israelita ukhumanta wijch'usqa kanqa, kikin llajtayoj kajpis, chayri karu llajtayoj kajpis.

Éxodo 12:8

Chay ch'isipi mikhunkichej chay aychasta ninapi kankaspa, mana levadurayoj t'antatawan, chantapis jaya qhorastawan.

Éxodo 6:1

Diostaj Moisesman nerqa: Kunanraj rikunki imatachus faraonman ruwasaj chayta. Imaraykuchus paymantaqa sinch'i kallpawampuni kacharichisqaykichej chaymanta ripunaykichejpaj, jinallataj paypis may phiñasqa kacharisonqachej.

Éxodo 3:20

Chayrayku noqaqa atiyniyta rikuchisaj, tukuy egipciosta nanachisaj, ashkha jasut'iykunata señalesta ima rikuchisaj, chaymantaraj saqesonqachaj llojsinaykichejta.

Éxodo 12:15

Qanchis diata mikhunkichej mana levadurayoj t'antata. Ajinaqa qallariy diamantapacha amapuni wasiykichejpi levadura kachunchu. Pillapis chay qanchis diata levadurayoj t'antata mikhojqa, israelita runas ukhumanta orqhospa wañuchisqa kanqa.

Salmos 105:5

Tukuy ruwasqasninmanta yuyarikuychej, tukuy kamachisqasninta rimarisqanmantapis.

Efesios 1:19

Mayqentajchus noqanchej creejkunapaj karqa chay atiynimpa jatun kaynin. Chay atiytaqa Dios rikucherqa runasman jina manchay atiywan, kallpawantaj, Cristota wañusqasmanta kausarichimuspa, janaj pachapi pañanman tiyaykucherqa.

1 Corintios 11:24

Graciasta qospataj chay t'antata parterqa, nispa: Kayta mikhuychej; kaymin cuerpoyqa, qankunarayku qosqa kanqa, kaytataj ruwaychej noqamanta yuyarikuspa.

1 Corintios 5:8

Chayrayku, kunanqa ruwaychej Pascuataqa sumaj sonqowan, cheqa kajwan. Chaykunamá mana levadurayoj t'anta jina kanku; astawanqa ruwana tukuy sonqowan, cheqan yuyaywantaj.

San Lucas 22:19

Chaymantaqa, t'antata oqharispañataj graciasta qorqa, partispataj paykunaman jaywarqa, nispa: Kayqa cuerpoymin, qankunarayku qosqa. Kayta ruwaychej noqamanta yuyarikuspa.

Nehemías 9:10

Faraompa contrampi, jinataj kamachisnimpajpis, chay jallp'api tukuy runaspa ñaupaqempipis jatuchaj t'ukuna imasta qan rikucherqanki. Qan rikorqanki imaynatachus israelitasta wapu wapulla may llakiyta ruwasqankuta. Jinamantataj may jatun uyarisqa sutiyoj karqanki kunankama.

1 Crónicas 16:12

Jatuchaj ruwasqasninmanta yuyarikuychej, chay t'ukuna ruwasqasninmantapis. Chay kamachiykunasta qosqasninmantapis yuyarikuychej.

San Mateo 10:12

Wasiman yaykuspataj napaykuychej.

Éxodo 6:6

Chayrayku nimuy israelitasman: Noqa Señormin, orqhosqaykichej chay jina ñak'arispa egipciospaj llank'anaykichejmanta, chay jina sinch'i kamachi ruway mana atinamanta. Noqa atiyniyta rikuchisaj. Ashkha muchuy mana atinasta rikuchispa kacharichisqaykichej sumaj cheqanta ruwaspa.

Éxodo 7:4

Faraonqa mana uyarisonqachejchu, noqataj atiyniyta rikuchisaj Egiptopi, soldadosniyta orqhokapusaj, aylluyta, Egipto jallp'amanta ashkha jasut'iykunata rikuchispa.

Éxodo 12:17

Mana levadurayoj t'anta mikhuna p'unchayta waqaychankichej, imarayuchus chay p'unchaypi ñaupa tatasniykichejta Egipto jallp'amanta orqhomorqani. Chayrayku kay p'unchaytaqa sumajta yuyarikuspa waqaychankichej uj leypis churasqa kanman jina sapa kuti kayta ruwanapaj; ajinata wiñaypaj mirayniykichejmanta miraynintinkama.

Éxodo 13:9

Kayqa kanqa makiykichejpi uj señal jina, mayk'ajpis ñawiykichej patapi k'asqasqa kajtin yuyarikunaykichejpaj, Señorpa leynin simiykichejpi kanampaj, Señor may jatun atiyninwan Egiptomanta orqhomusqasuykichejta.

Deuteronomio 7:8

Señorqa ajllasunkichej munakususqaykichejrayku. Chayrayku payqa Egiptopi ñak'arishajtiykichej, faraompa kamachimpi kashajtiykichej jatun atiyninwan orqhomusorqachej, ñaupa tatasniykichejman imatachus ruwapusqaykichej nisqanta junt'ananrayku.

Salmos 114:1

Jayk'ajchus Israel, Jacobpa miraynin, chay karu llajta Egiptomanta llojserqa chaypacha;

Salmos 136:11

Egiptomanta israelitasta orqhojman, khuyakuynin wiñaypaj kasqanrayku;

Génesis 15:16

Tawa mita qhepata mirayniykeqa kay jallp'aman kutimullanqataj; imaraykuchus amorreospa sajra ruwaynenqa manaraj kaykamaqa chhikapunichu.

Éxodo 6:7

Noqa orqhokapusqaykichej: Qankunaqa aylluy kankichej; noqataj Diosniykichej kasaj. Chaypi qankunaqa yachankichej noqamin Señorqa, qankunaj Diosniykichej kasqayta, egipcios mayta ñak'arichispa llank'achisusqaykichejmanta, noqa qankunata orqhosqayta.

Éxodo 12:2

Qankunapajqa kay killa kanqa killaspa qallarikuynin; qankunapajqa chay kanqa wataspa qallarikuynin killa.

Éxodo 12:41

Mayk'ajchus tawa pachaj kinsa chunkayoj watas junt'akorqa, chay kikin p'unchayllataj Señorpa soldadosnin Egiptomanta llojsiporqanku.

Éxodo 34:18

Mana levadurayoj t'anta fiestata ruwankichej imaynatachus kamachisqayman jina. Qankunaqa qanchis diata mikhunkichej mana levadurayoj t'antata, chayqa sapa wata Abib killapipuni kanqa. Imaraykuchus chay killapi Egiptomanta llojsimorqankichej.

Deuteronomio 9:12

Niwarqataj Señorqa: Kunanqa usqhayta rispa kaymanta uraykuy, imaraykuchus Egiptomanta orqhomusqayki runasqa, noqaj kamachisqasniyta mana kasukuspa mana allinta ruwashanku. Noqaj kamachisqasniyta mana junt'aspa saqerparinku, uj lantitataj ruwakunku.

Deuteronomio 13:6

Ichapis kikin wauqeyki, chayri qhari wawayki, chayri warmi wawayki, chayri munasqa warmiyki, chayri aswan sumaj kausaqeyki pakayllamanta nisunkiman: Jaku waj dioskunata yupaychamuna, nispa. Chay dioskunataqa nitaj qankuna, nitaj tatasniykichejpis rejserqankichejchu.

Deuteronomio 13:11

Chayta uyarispa tukuy israelitas manchachikuywan manaña ujtawan jina sajra kajta ruwanqankuchu.

Deuteronomio 16:1

Abib killata sumajta waqaychankichej, Señor Diosniykichejman Pascuata ruwaspa, imaraykuchus chay killapi Señor Diosniykichej Egiptomanta ch'isita orqhomusorqachej.

Deuteronomio 26:8

Jinata Señorqa Egiptomasta orqhomuwarqanchej jatun atiyninta rikuchispa, sinch'i manchachiywan, señaleswn, milagroswan ima.

Jueces 2:12

Saqerparerqankutaj ñaupa tatasninkoj Señor Diosninkuta, pichus Egiptomanta paykunata orqhomojta, chay qayllapi tiyakojkunajpa dioskunasninkuta yupaychaymantaj qokaporqanku, Señorta sinch'ita phiñachispa.

Nehemías 1:10

Noqayku qampa kamachisniyki ayllusniykitaj kayku, qan kacharichikuwarqayku jatun atiyniykiwan, kallpaykiwantaj.

Salmos 89:14

Tiyanaykeqa justiciawan cheqan kajpi sayachisqa; munakuywan cheqa kaywantaj ñaupaqeykitapuni rinku.

Salmos 136:12

atiyniyoj makinta aysarerqa, khuyakuynin wiñaypaj kasqanrayku;

Daniel (hebreo) 9:15

Señor Diosniyku, qan rikucherqanki jatun atiyniykita, aylluykita Egiptomanta orqhomuspa. Ajina ruwasqaykiwanqa, sutiyki jatumpaj qhawasqa kashan chay p'unchaykunamantapacha kunankama. Noqaykutaj juchalliyku, sajra kajtataj ruwayku.