Éxodo 12:31 - Qheshwa Biblia DC

³¹ Chay tutapacha faraonqa Moisesta Aarontawan wajyachimuspa nerqa: Llojsiychej kaymanta, t'aqakuychej runasniymanta qankuna, israelita masisniykichejwan khuska. Rispa Señorta yupaychamuychej, qankuna nisqaykichejman jina.

DIOSPA QHELQACHISQAN DEUTEROCANONICAL

³¹ Chayrayku chay tutapacha faraonqa Moisesta, Aarontawan ima wajyachispa, nerqa: Llajtaymanta qankuna, israelitakuna ima ripuychej, nisqaykichejman jina Tata Diosta yupaychamunaykichejpaj.

DIOSPA QHELQACHISQ

³¹ Chayrayku chay tutapacha faraonqa Moisesta, Aarontawan ima wajyachispa, nerqa: Llajtaymanta qankuna, israelitakuna ima ripuychej, nisqaykichejman jina Tata Diosta yupaychamunaykichejpaj.

Éxodo 12:31 Referans Kwoze

Éxodo 6:1

Diostaj Moisesman nerqa: Kunanraj rikunki imatachus faraonman ruwasaj chayta. Imaraykuchus paymantaqa sinch'i kallpawampuni kacharichisqaykichej chaymanta ripunaykichejpaj, jinallataj paypis may phiñasqa kacharisonqachej.

Salmos 105:38

Egipciosqa kusikorqanku israelitas ripusqankuta rikuspa, imaraykuchus mancharisqas karqanku.

Éxodo 10:9

Moisestaj kuticherqa: Noqaykoqa llojsipunayku tiyan tukuy wawasniykuwan, machu runasniykuwan, qhari wawasniykuwan, warmi wawasniykuwan, ovejasniykuwan, wakasniykuwan ima; imaraykuchus noqaykupajqa may jatun p'unchay, chaypi ruwanayku tiyan uj fiestata Señorniykuman.

Éxodo 8:8

Jina kajtintaj faraonqa Moisesta Aarontawan wajyachispa nerqa: Señormanta mañaychej ari, k'aylankulasta chinkachinampaj, noqamanta, runasniymantawan karunchachispa, noqataj saqesaj israelitas llojsinankuta Señorman rikuchikusta jaywamunankupaj.

Éxodo 11:8

Chaymantaqa tukuy kamachisniyki jamuwanqanku, ñaupaqeyman qonqoriykukuspataj niwanqanku: Ripuychej, qan, chantá pichunachá qanman sayasqa kashanku chaykunawan. Chay qhepantataj noqaqa ripusaj. Jinata niytawantaj Moisesqa may phiñasqa llojsiporqa faraompa ñaupaqenmanta.

Éxodo 10:29

Moisestaj kuticherqa: Allinta chaytaqa ninki, manaña ujtawan uyaykita rikusqaykichu kayman kutimuspa.

Éxodo 8:25

Chaymanta faraonqa Moisesta Aarontawan wajyachispa, nerqa: Rispa Diosniykichejman rikuchikusta jaywamuychej mana kay jallp'amanta ripuspalla.

Éxodo 11:1

Señorqa ujtawan Moisesman nillarqataj: Uj jasut'iytawan faraonman, Egipto runasmanwan apamusaj. Chaymantaraj qankunata kaymanta rejta saqesonqachej. Cheqamanta tukuyniykichejta kaymanta qharqosonqachej, pay kikin usqhay usqhayta wijch'usonqachej.

Éxodo 12:39

Chaypitaj ruwakorqanku Egiptomanta mana levadurayoj masasta orqhosqankumanta tortillasta. Ajinata Egiptomanta apurasqata llojsishajtinku egipciospata mana tiemponku karqachu israelitaspaj qoqawitapis wakichipunankupaj.

1 Samuel 6:6

Imaraykutaj qankunaqa sonqoykichejta rumiyachinkichejri egipcios jina, faraón jinatajri? Paykunaqa Israelpa Diosnin jasut'ejtinraj israelitasta ripojta saqerqanku.