Éxodo 12:15 - Qheshwa Biblia DC

¹⁵ Qanchis diata mikhunkichej mana levadurayoj t'antata. Ajinaqa qallariy diamantapacha amapuni wasiykichejpi levadura kachunchu. Pillapis chay qanchis diata levadurayoj t'antata mikhojqa, israelita runas ukhumanta orqhospa wañuchisqa kanqa.

DIOSPA QHELQACHISQAN DEUTEROCANONICAL

¹⁵ Qanchis p'unchayta mana levadurayoj t'antata mikhunkichej. Ajinaqa, raymi qallariymantapacha wasiykichejpi manapuni levadura kananchu tiyan. Pillapis chay qanchis p'unchaypi levadurayoj t'antata mikhojqa israelitakuna ukhumanta wijch'usqa kanqa.

DIOSPA QHELQACHISQ

¹⁵ Qanchis p'unchayta mana levadurayoj t'antata mikhunkichej. Ajinaqa, raymi qallariymantapacha wasiykichejpi manapuni levadura kananchu tiyan. Pillapis chay qanchis p'unchaypi levadurayoj t'antata mikhojqa israelitakuna ukhumanta wijch'usqa kanqa.

Éxodo 12:15 Referans Kwoze

Deuteronomio 16:3

Chay rikuchiku kankasqa uywataqa mana levadurayoj t'antatawan mikhunkichej. Chay t'antataqa qanchis p'unchay junt'ata mikhunkichej, imaraykuchus chayqa llakiy t'anta. Qankunaqa ajinata may apurasqata Egiptomanta llojsimorqankichej. Chayrayku qankunaqa kausanaykichejkama yuyarikunkichejpuni ima p'unchaypichus Egiptomanta llojsimusqaykichejta.

Génesis 17:14

Pichus qankuna ukhupi mana jina señalasqa kajri, mana qankuna ukhupi kanqañachu, tratoyta mana kasusqanrayku.

Números 9:13

Chanta pichus, llimphu kashaspa, nitaj puriypipis kashaspa Pascuata mana ruwankuchu chayqa, ayllusnimpa chaupinmanta chinkachisqa kachun. Chay kikin diapi Señorpaj rikuchikuta mana jaywasqanrayku, chay runaqa juchachasqa kanqa.

Éxodo 34:18

Mana levadurayoj t'anta fiestata ruwankichej imaynatachus kamachisqayman jina. Qankunaqa qanchis diata mikhunkichej mana levadurayoj t'antata, chayqa sapa wata Abib killapipuni kanqa. Imaraykuchus chay killapi Egiptomanta llojsimorqankichej.

Éxodo 23:15

Mana levadurayoj t'anta fiestata waqaychanki; qanchis día junt'atataj mana levadurayoj t'antata mikhunki, imaynatachus nisusqanman jina. Chaytaqa mikhunki Abib killapi, imaraykuchus chay killapi Egiptomanta llojsimorqanki. Ni pipis noqaman jamuwanqachu makisnin ch'usajlla.

Deuteronomio 16:8

Sojta p'unchayta mikhunkichej chay mana levadurayoj t'antata, qanchis kaj p'unchaypitaj jatun tantakuyta ruwankichej Señor Diosniykichejta jatunchanaykichejpaj; chay p'unchaypitaj amapuni ima ruwanallatapis ruwankichejchu.

Números 28:17

Q'ayantintaj chunka phishqayoj p'unchaypi fiesta kanqa. Qanchis p'unchayta mana levadurayoj t'antasta mikhunkichej.

Éxodo 34:25

Rikuchikumanta yawartaqa levadurayoj t'antatawan khuska ama jaywankichejchu, nitaj pascua fiestamanta kajta imatapis q'ayantimpaj qhepachinkichu.

Éxodo 12:8

Chay ch'isipi mikhunkichej chay aychasta ninapi kankaspa, mana levadurayoj t'antatawan, chantapis jaya qhorastawan.

Gálatas 5:12

Walej kanman, pikunachus circuncisionwan pantachisunkichej, chaykuna ujkama khuchukunanku.

Hechos 12:3

Chay ruwasqan, judiospaj sumaj kasqanta rikuspa, Pedrotañataj jap'icherqa wisq'achinampaj. Chaypachataj karqa mana levadurayoj t'anta mikhuna p'unchaykuna.

San Lucas 12:1

Runas tantakamorqanku waranqa waranqasmanta. Anchata k'iskikamuspataj sarunakusharqanku; ñaupajtataj yachachisqasninman nerqa: Qhawakuychej fariseospa levaduranmanta. Chayqa puraj uya kayninku.

San Mateo 16:12

Chaymantaña yuyayninkuman churakorqanku, Jesusqa mana t'anta levaduramantachu parlasqanta; manachayqa, fariseospa yachachiyninmanta, saduceospamantawan, allinta qhawakunankuta.

Malaquías 2:12

Señor chinkachichun llajtanchejmanta chay jinata ruwajkunataqa, pillapis kachun, Tukuy Atiyniyoj Señorman ofrendata apamojpis kachun!

Deuteronomio 16:5

Ama may llajtallapipis, Señor Diosniykichej qosorqachej chaykunapi Pascua rikuchikuta jaywankichejchu.

Levítico 17:14

Imaraykuchus tukuy ima kausajpataqa kausaynin yawarpi kashan. Chayrayku israelistasman nini, ni ima kausajpata yawarninta mikhunkichejchu. Imaraykuchus tukuy ima kausajpata yawarpi kausaynin kashan. Chayrayku yawarta mikhojqa ayllun ukhumanta chinkachisqa kanqa.

Levítico 17:10

Noqaqa pichus yawarta mikhojpa contrampi kasaj. Ni pi israelitas, nitaj karu llajtayojkuna qankunawan tiyakojkunapis yawarta mikhuyta atinkuchu ni imaynamanta. Chay mikhoj runaqa, ayllun ukhumanta chinkachisqa kanqa.

Éxodo 31:14

Samarikuna p'unchayta waqaychaychej, imaraykuchus qankunapajqa respetana p'unchayqa. Pichus chay p'unchayta mana waqaychajqa, wañuchisqa kanqa. Chantapis, pichus chay p'unchaypi llank'ajqa ayllun Israel ukhumanta chinkachisqa kanqa.

San Lucas 2:43

Pascua pasayta kutipushajtinkutaj, wawa Jesusqa Jerusalempi qhepakusqa, tatasnimpa mana yachasqallan.

Éxodo 30:33

Pillapis kay aceiteman rijch'akojta ruwajqa, chayri kay aceitewan pitapis jawejqa, israelita ayllun ukhumanta chinkachisqa kanqa.

2 Crónicas 30:21

Ajinata qanchis p'unchaykunasta Jerusalempi kasharqanku, israelitas sinch'i kusiywan ruwarqanku mana levadurayoj t'anta jatun fiestata. Sacerdoteswan levitaswantaj sapa p'unchay Señorta yupaychasharqanku, sinch'ita sonaj tocanaswan takispa.

Esdras 6:22

Qanchis p'unchay junt'aqa mana levadurayoj t'anta nisqa fiestata may kusiywan ruwarqanku, imaraykuchus Señor paykunata kusicherqa, Persiapi kaj reypa sonqonta paykunaman kutirichimuspa, yanapananampajtaj Diospa templonta ruwaypi. Chay Diosqa, Israelpa Diosnin.

Éxodo 13:3

Moisestaj runasman nerqa: Kay diamanta yuyarikuychej, mayk'ajchus Egiptomanta Señor orqhomusorqachej jatun atiyninwan kamachillapuni kanaykichejmanta. Chayrayku ama mikhuychejchu levadurayoj t'antataqa.

Éxodo 30:38

Sichus mayqempis kay jina aceiteta q'apaychakunampaj ruwanqa chayqa, israelita ayllun ukhumanta, chinkachisqa kanqa.