Éxodo 1:11 - Qheshwa Biblia DC

¹¹ Chaymanta Egiptomanta kajkunaqa capatazkunata churarqanku, israelitasta jasut'ispalla mayta llank'achinankupaj. Paykunata iskay llajtasta ruwacherqanku Pitonta, Ramasestawan. Chay llajtasqa karqa rey faraón mikhukunasta waqaychachinampaj.

DIOSPA QHELQACHISQAN DEUTEROCANONICAL

¹¹ Chayrayku Egipto llajtayojkunaqa israelitakunata sinch'i ruwanaman churanankupaj jilaqatakunata churarqanku. Jilaqatakunataj israelitakunawan iskay llajtakunata sayaricherqanku: Pitonta, Ramesestawan ima. Chay llajtakuna karqa faraón chajraj poqosqanta pirwachinanpaj.

DIOSPA QHELQACHISQ

¹¹ Chayrayku Egipto llajtayojkunaqa israelitakunata sinch'i ruwanaman churanankupaj jilaqatakunata churarqanku. Jilaqatakunataj israelitakunawan iskay llajtakunata sayaricherqanku: Pitonta, Ramesestawan ima. Chay llajtakuna karqa faraón chajraj poqosqanta pirwachinanpaj.

Éxodo 1:11 Referans Kwoze

Génesis 15:13

Señortaj payman nerqa: Yachay kayta, mirayniykeqa tiyakonqa runaj llajtampi, chaypitaj runaj kamachisnin, may k'irinchasqastaj kanqanku tawa pachaj watasta.

Éxodo 3:7

Señortaj nillarqapuni: Cheqamanta noqa rikuni imaynatachus aylluy Egiptopi ñak'arisqanta. Uyarini mayta qhaparikusqankuta capatazkuna jasut'isqankurayku; allinta yachani ñak'arisqankuta.

Éxodo 2:11

Moisesqa ñapis jatunña kaspa ayllusninmanta kajkunata watukoj uj kuti llojserqa, chaypi rikorqa may llakisqas sinch'itataj llank'asqankuta. Chayllapitaj rikorqa uj egipcio runa uj yawar masin hebreota maqashajta.

Génesis 47:11

Josetaj chaymanta rak'irarqa wauqesninman Egiptopi sumajnin kaj jallp'asta chaypi tiyakunankupaj faraompa nisqanman jina. Ajinamanta tatan Jacob wauqesnin ima jallp'asniyoj karqanku Ramsés jallp'asnejpi.

Salmos 81:6

Wasaykimanta q'epita qhechorqayki, sinch'i llank'aymanta orqhorqayki.

Deuteronomio 26:6

Chaypitaj Egipciosqa mayta ñak'arichiwarqanchej, llakichiwarqanchej, sinch'itataj llakichiwarqanchej.

Números 20:15

Noqaykoj ñaupa tatasniyku Egiptoman riporqanku, chaypitaj unayta tiyakorqanku. Egipciostaj chaypi mayta ñak'arichiwarqayku ñaupa tatasniykuta jina.

Proverbios 27:4

K'ajaj phiñakoyqa ñak'arichin, phiñakuytaj imatapis thuñin. Chaywampis, pitaj munapayayta atipanqari?

Salmos 105:13

Paykunaqa nacionmanta nación purej kanku, llajtamanta llajtataj.

Salmos 68:13

Qankunarí, pakasqa qhepakorqankichej, qolqewan lluch'asqa palomaj lijrasnin jina, qoriwan mayllasqa phurusnin jinataj.

2 Crónicas 8:4

Jinallatataj ch'in pampapi Tadmor llajtata watejmanta jatarichillarqataj, maypichus Hamatpi mikhuykunata waqaychanapaj karqa chay tukuy llajtastawan.

1 Reyes 9:19

ajinallatataj maypichá Salomón mikhuykunasta waqaychaj chay llajtasta jallch'acherqa; chantá carretaspaj, caballospi purejkuna soldadospaj llajtastawan. Imastachá Salomón ruwayta munarqa chay tukuyninta ruwacherqa Jerusalempi, Libanopipis, maykunastachá kamacherqa chay tukuynimpipuni.

Éxodo 5:15

Chaymantataj israelitasmanta capatazkuna, faraonman quejakoj rerqanku, nispa: Imaraykutaj chay jinata ruwanki kay kamachisniykitari?

Éxodo 1:14

Ajinata maytapuni llakichispa israelitasta llank'acherqanku, t'uruta sarucherqanku, ladrillosta ruwacherqanku, wakintaqa campospi llank'acherqanku, wakintataj mayta jasut'ispa waj llank'aykunaman churarqanku.

Éxodo 5:10

Chaymanta sapa t'aqata kamachejkuna, capatazkuna ima, llojsiytawan runasman nerqanku: Faraonqa kamachiwayku amaña ichhuta qonasuykuta.

2 Crónicas 16:4

Ben-adadqa rey Asaj nisqanta uyarerqa, chaymantataj soldadosnimpa kurajkunasninta Israel llajtasman kacharqa maqanakunankupaj. Jinamanta jap'ikaporqanku Ijonta, Danta, Abelmaimta, Neftalipi mikhuy jallch'ana tukuy llajtasnintawan.

Salmos 129:1

Wayna kasqaymantapacha ashkhata llakichiwanku, Kunan chayta Israelqa nichun.

Éxodo 5:8

Qankunataj ninaykichej tiyan, imaynatachus kunankama ruwarqanku ajinallatapuni adobesta ruwanankuta ni uj pisita; imaraykuchus paykunaqa qhellashanku, chayrayku nishanku: Diosniykuman rikuchikuta jaywamusqayku, nispa.

Salmos 129:2

Wayna kasqaymantapacha ashkhata llakichiwanku, manataj atipayta atiwankuchu.