Ester (hebreo) 9:3 - Qheshwa Biblia DC

³ Suyuspi kamachejkuna, sapa llajtapi kamachejkuna, waj ruwajkuna, yanapajkunapis Mardoqueota manchachikuspa judiosta yanaparqanku.

DIOSPA QHELQACHISQAN DEUTEROCANONICAL

³ Chantá jilaqatakuna, sapa llajtapi kamachejkuna, waj kamachejkuna, yanapajkunapis Mardoqueota manchachikuspa, judiokunata yanaparqanku.

DIOSPA QHELQACHISQ

³ Chantá jilaqatakuna, sapa llajtapi kamachejkuna, waj kamachejkuna, yanapajkunapis Mardoqueota manchachikuspa, judiokunata yanaparqanku.

Ester (hebreo) 9:3 Referans Kwoze

Esdras 8:36

Chaymanta reypa kamachisqanta qorqanku palaciopi kamachejkunaman. Chanta Eufrates mayumanta inti yaykuy ladopi kaj provinciapi kamachejkunaman. Paykuna llajtata yanaparqanku, jinallataj Diosta yupaychana wasipipis.

Daniel (hebreo) 3:2

Chanta kamacherqa wajyachinankuta kamachejkunata tukuyninkuta, soldadospa kurajninkuta, provinciaspi kamachejkunata, sumaj yuyayta qojkunata, ramasqa qolqeta jap'ejkunata, juezkunata, aswan kurajkunata, provinciasmanta autoridadesta ima, lantita ruwacherqa chayta sayarichejta qhawanankupaj.

Ester (hebreo) 8:9

Chaypacha reypa tukuy qelqerisnenqa wajyachisqas karqanku, Sivas nisqa kinsa kaj killapi, iskay chunka kinsayoj p'unchaynimpi. Chay qelqerisqa imatachus Mardoqueoj nisqasninta qelqarqanku: Judiosman, suyuspi kamachejkunaman, sapa llajtaspi kamachejkunaman, waj kurajkunamanwan. Chaypacha iskay chunka qanchisniyoj suyusman, Indiamanta Etiopiakama. Chantapis chay qelqasqa apachisqa karqa sapa llajtasman imaynatachus qelqayta yachasqankuman jina, parlayninkuman jinataj. Chanta judiosmampis parlayninkuman jina, qelqayninkuman jinataj.

Ester (hebreo) 8:5

Nerqataj: Sichus, reyníy, kay imas qanman allin rijch'asunki, kay nisusqaytaj cheqan, khuyakuyniykitataj tarini, munakuyniykitaj noqapaj tiyan chayqa, uj kamachiyta qelqasqata apachiy ari, Amán, judiospa contranta kamachiykunasta kamachisqasninta amaña ruwanankupaj. Chay kamachisqasqa churasqa kashan kamachishanki chay tukuynin llajtaspi judiosta wañuchinankupaj.

Ester (hebreo) 3:12

Chaymantaqa ñaupaj kaj killapi chunka kinsayoj p'unchaypi, reypa tukuy qelqerisninta tantacherqa. Paykunaqa Amán imatachus sapa uj kurajkunaman kamachisqanta qelqarqanku, reypa kamachisninman, sapa llajtapi kuraj kaj kamachejkunaman, sapa llajtaj qelqayninman jina, parlayninkupikamataj. Chayta qelqarqanku reypa sutimpi, reypa sortejanwantaj ñit'iykuspa.

Esdras 2:2

Paykunata pusarejkuna kaykuna karqanku: Zorobabel, Jesúa, Nehemías, Reelaías, Mardoqueo, Bilsán, Mispar, Bigvai, Rehum, Baana ima. Israel ayllumanta qharisqa kay jina yupasqas karqanku:

Ester (hebreo) 8:17

Tukuy suyuspi tukuy llajtaspi ima, maykunamanchus chay kamachiy chayarqa chaykunapi, judiosqa jatun kusiywan, sumaj mikhunasta wayk'urikuspa kusikorqanku chay diaspi. Waj runaspis chayta rikuytawanqa judiosman tukorqanku, imaraykuchus judiosta manchachikorqanku.