Ester (hebreo) 8:3 - Qheshwa Biblia DC

³ Chaymantataj Esterqa ujtawan reyman parlarqa, mayta waqaspa chakisninman wijch'uykukuspa mañakorqa, Amampa sajra ruwasqasninta judiospa contrampi chayta chinkachinanta.

DIOSPA QHELQACHISQAN DEUTEROCANONICAL

³ Chantá Esterqa mayta waqaspa, ujtawan kuraj kamachejwan parlamorqa. Chakinman wijch'uykukuspa, mañakorqa, Amán agagueo judiokunata sajrata ruwananpaj, chay kamachisqanta chinkachinanta.

DIOSPA QHELQACHISQ

³ Chantá Esterqa mayta waqaspa, ujtawan kuraj kamachejwan parlamorqa. Chakinman wijch'uykukuspa, mañakorqa, Amán agagueo judiokunata sajrata ruwananpaj, chay kamachisqanta chinkachinanta.

Ester (hebreo) 8:3 Referans Kwoze

Hebreos 5:7

Cristo aychallapiraj kashaspa mañakoj wañuymanta salvayta atejmanta, manchay qhapariywan, waqaywantaj; manchachikuywan qhaparisqanraykutaj uyarichikorqa.

Oseas 12:4

Angelwan maqanakorqa atipaykorqataj; waqarqa, mañakorqataj payta khuyakunanta. Dios tinkorqa paywan Betelpi, chayllapitaj paywan parlarqa.

Isaías 38:2

Ezequiastaj perqaman uyanta kutirichiytawan, Señormanta ajinata mañakorqa: Señor, yuyarikuway noqamanta ari. Noqaqa qampa ñaupaqeykipi purerqani tukuy cheqa kajta ruwaspa tukuy sonqowan, munayniykiman jina. Chanta Ezequiasqa sonqo nanayta waqarqa.

Ester (hebreo) 7:4

Noqawan llajta masisniywanqa vendesqas kayku wañurachinawaykupaj, mana ujniyojta chinkachinawaykupajtaj. Sichus warmi kamachispaj, qhari kamachispaj ima vendesqas kaykuman karqa chayqa, ch'inlla kakuyman karqa. Sichus ajinata wañurachiwasqayku chayqa reyníy, qampajqa manapuni allinchu kanqa.

2 Reyes 4:27

Warmitaj maypichus Diospa runan kasharqa chayman chayaytawan, paypa chakisninmanta jap'iykukorqa. Giezitaj kacharichiyta munaspa chimparqa. Diospa runantaj nerqa: Saqellay imaraykuchus paypa alman ancha phutiypi tarikun, Señortaj manaraj sut'inchawanchu, imamantachus llakisqa kasqanta.

1 Samuel 25:24

Chaymantaqa Davidpa chakisninman wijch'uykukuspa nerqa: Juchaqa noqaman urmamuchun wiraqochíy! Chaywampis mañarikuyki parlarejta saqenawaykita nisqasniytataj uyarinawaykita.

Ester (hebreo) 3:1

Chaymanta qhepata rey Asueroqa Agagpa mirayninmanta Hamedataj wawan Amanta churarqa jatun Kamachej kanampaj, chay palaciopi tukuy kamachejkunatapis pay kamachinampaj.

Ester (hebreo) 8:2

Chanta reyqa Amanmanta qhechukapusqan sortejanta Mardoqueomanñataj qoporqa. Estertaj Mardoqueota mayordomomanta churarqa, Amampata karqa chay tukuy kapuyninmanta qhawanampaj.

Ester (hebreo) 8:4

Chaymanta reyqa qorimanta ruwasqa tojnunta Esterman aysarerqa. Estertaj jatariytawan sayarerqa reypa ñaupaqempi.