Ester (hebreo) 6:6 - Qheshwa Biblia DC

⁶ Amán yaykojtintaj reyqa payta tapurerqa: Imatataj ruwana kanman, pi runatachus reyqa pataman oqhariyta munashan chaypajri?, nispa. Amantaj sonqompi nerqa: Pipajtaj reyqa chay jinata ruwanmanri, noqamanta astawanri?, nispa.

DIOSPA QHELQACHISQAN DEUTEROCANONICAL

⁶ Amán yaykojtintaj, kuraj kamachejqa payta taporqa: Imatataj ruwana kanman, pi runatachus kuraj kamachejqa jatunchayta munashan, chaypajri? nispa. Amán sonqonpi nerqa: Pitataj kuraj kamachej jatunchayta munashanman noqamanta astawanri? nispa.

DIOSPA QHELQACHISQ

⁶ Amán yaykojtintaj, kuraj kamachejqa payta taporqa: Imatataj ruwana kanman, pi runatachus kuraj kamachejqa jatunchayta munashan, chaypajri? nispa. Amán sonqonpi nerqa: Pitataj kuraj kamachej jatunchayta munashanman noqamanta astawanri? nispa.

Ester (hebreo) 6:6 Referans Kwoze

Abdías 1:3

Chay wapuykachasqayki ch'aukiyasorqa kausanki chhanka k'ajlluspi tiyakunkitaj pata patasnimpi. Chayrayku creerqanki mana pipis urmachinasunta.

Proverbios 16:18

Runaykachaypa qhepantapacha urmayqa jamun. Jatunchakuypa qhepantaqa urmay jamun.

San Mateo 3:17

Chaymantataj, cielomanta Dios nimorqa: Kaymin ancha munasqa Chureyqa. Paywan kusisqa kani.

Jeremías 32:41

Noqa kusikusaj paykunata allinman churaspa, tukuy sonqowan, tukuy cheqan kayninwantaj paykunata kay jallp'api tiyachisaj.

Isaías 42:1

Qhawariy kamachiyta. Payta noqaqa sayachini, payqa noqaj ajllasqay. Paypi noqaqa kusikuni. Payman Espirituyta churani, tukuy nacionespaj cheqan kajta apamunampaj.

Proverbios 18:12

Runaykachaypa qhepantapacha mana allinman urmayqa jamun; llamp'u sonqoman tukuypa qhepantataj allin kayman chayana jamun.

Proverbios 1:32

Mana ima yachajman tukusqaykichej wañuchisonqachej. Wampu runaqa sajra ruwasqallankuwantaj chinkachisqas kanqanku.

Salmos 35:27

Kusikuchunku, kusiywantaj takichunku. Atipasqayta rikuyta munajkunaqa, Sapa kutitaj nichunku: Señorqa jatunchasqa kachun, kamachimpa allin kaynintataj munachun, nispa.

Ester (hebreo) 6:11

Amanqa reypa p'achanta orqhomuspa Mardoqueota p'achallicherqa, caballopi lloq'aykuchispataj llajta plazanta muyurichimorqa. Payqa Mardoqueoj ñaupaqenta qhaparispa rerqa. Ajinatapuni ruwakonqa pitachus reyqa pataman oqhariyta munanqa chay runawanqa!, nispa.

Ester (hebreo) 6:9

Chaypachaqa caballotawan ima, reypa mayqen kamachinchus aswan kuraj kaj kashan chayman jaywachunku. Chay runataj p'achallichichun, pitachus reyqa jatunchayta munan chay runaman, reypa caballonman lloq'aykuchispataj plazanta muyurichimuchun, ñaupaqentataj richun sinch'ita qhaparispa. Ajina ruwasqa kachun pitachus reyqa jatunchayta munan chay runawanqa.

Ester (hebreo) 6:7

Amantaj kuticherqa: Pi runatachus reyqa pataman oqhariyta munashan chaypajqa, reypa churakunan p'achata, reypa purinan caballotawan, reypa umampi kashan kay pillutawan ima apamuchunku.

Ester (hebreo) 5:11

Chaypitaj Amanqa parlarqa may qhapaj kasqanmanta, ashkha wawasniyoj kasqanmantawan, imawanchus reyqa payta jatunyachisqanmantawan. Imaynatachus payta sumajpaj qhawaspa, kamachejkunaj kurajkunasninmanta sayachisqanmanta, jinallataj reypa kamachisninmantapis aswan pataman churasqanmantapis.

Proverbios 30:13

Wakenqa yuyakunku may jina kasqankuta, wakintaqa pata patallamanta qhawanku.

Ester (hebreo) 6:5

Kamachisnintaj reymanqa nerqanku: Amanqa patiopi kashan. Reytaj, yaykumuchun, nerqa.

Ester (hebreo) 1:15

Chaypi reyqa paykunata tapukorqa, layman jina, imatachus reina Vastita ruwananta, kamachisqanta mana kasuta ruwaspa, kachasqasnin runasta mana kasumusqanmanta.

San Lucas 14:9

Chantá iskayniykichejta wajyajtaj nisunkichejman: Chay tiyanata payman qoy. Qantaj p'enqayta qhepanejman tiyaj riwaj.