Ester (hebreo) 6:12 - Qheshwa Biblia DC

¹² Ajinata muyurimuytawan Mardoqueoqa palacio punkuman kutiporqa. Amantaj usqhay usqhayta wasinman kachaykukorqa may llakisqa, uyanta pakaykukuspa.

DIOSPA QHELQACHISQAN DEUTEROCANONICAL

¹² Ajinata muyurimuytawan, Mardoqueoqa kamachina wasi punkuman kutiporqa. Amantajrí usqhay usqhayllata wasinman kachaykukorqa may llakisqa, p'enqakuymanta uyanta suk'umpaykukuspa.

DIOSPA QHELQACHISQ

¹² Ajinata muyurimuytawan, Mardoqueoqa kamachina wasi punkuman kutiporqa. Amantajrí usqhay usqhayllata wasinman kachaykukorqa may llakisqa, p'enqakuymanta uyanta suk'umpaykukuspa.

Ester (hebreo) 6:12 Referans Kwoze

2 Samuel 15:30

Davidqa Olivos orqo wichayta q'ara chakilla, waqaspa, uman qhatasqataj wicharerqa. Tukuy paywan kajkunapis uman qhatasqas waqaspallataj wicharerqanku.

Job 20:5

Sajra runaspa kusikuynenqa pisi tiempollapaj, juchasapaj kusikuynenqa uj ratolla.

1 Reyes 21:4

Acabtaj wasinman llakisqa phiñasqataj jamporqa, Jezreelmanta Nabot chay jinata payman nisqanmanta: Tatasniypa qowasqan huertaytaqa mana qanman qoykimanchu nispa. Puñunanman siriykukuspataj uyanta perqa ladoman churaspa, mana mikhorqachu.

Job 9:24

Kay mundotaqa juchasapaspa makinman jaywan, juezkunaj ñawisninkutataj tapaykun. Sichus mana Dioschu ruwan chayqa, pitaj chantari, maypitaj kashanri?

Ester (hebreo) 7:8

Chanta reyqa huertamanta kutimorqa, maynejpichus mikhorqanku chayman. Amantaj maypichus Ester kasharqa chay camanman wijch'uykukusqa ama wañuchinanta mañakuspa. Reytaj chayta rikuspa nerqa: Kikin wasiypichu reinata alqochayta munanki? Chayta rey nejtinkamataj reypa runasnin Amampa uyanta qhataykorqanku. Chaypi kashaj reypa ujnin kaj kamachin Harbonataj reyman nerqa: Amampa wasimpi runa sipina ruwasqa kashan iskay chunka iskayniyoj metros jina patanejman. Chayta ruwacherqa kikin Amán, qanmanta allinta parlaj Mardoqueota chaypi sipichinampaj. Reytaj chayta uyarispa nerqa: Chayman Amanta warkhumuychej, nispa.

Ester (hebreo) 2:19

Chaypacha ujtawan chay sipaskuna tantasqas kashajtinku, Mardoqueoqa reypa palacion punkupi tiyasharqa.

2 Crónicas 26:20

Kuraj kaj sacerdote Azarías, sacerdoteswan imaqa, payta qhawarispa rikorqanku onqoyniyoj kashasqanta, chay ratopacha chay ukhumanta qharqomorqanku. Rey kikimpunipis ushqhayta llojsimuyta munarqa jinata Señor jasut'isqanrayku.

1 Reyes 20:43

Israelmanta reytaj Samariapi wasinman may llakisqa phiñasqataj riporqa.

2 Samuel 17:23

Ahitofeltaj chay yuyasqanman jina mana junt'akusqanta rikuspataj, burronta sinchaykuspa wasinman riporqa, maypichus tiyakoj chay llajtaman. Wasimpi ayllusninwan imachus ruwanasninta junt'aytawankama rispa sipikamorqa. P'ampamorqankutaj tatampa p'ampakunan covachaman.

1 Samuel 3:15

Chaymantataj Samuelqa puñukaporqa sut'iyanankama; chaymantataj Señorpa yupaychana wasimpa punkusninta kicharerqa. Samuelqa manchachikorqa Eliman willayta chay mosqoypi jina tukuy rikusqanta.

Ester (hebreo) 6:11

Amanqa reypa p'achanta orqhomuspa Mardoqueota p'achallicherqa, caballopi lloq'aykuchispataj llajta plazanta muyurichimorqa. Payqa Mardoqueoj ñaupaqenta qhaparispa rerqa. Ajinatapuni ruwakonqa pitachus reyqa pataman oqhariyta munanqa chay runawanqa!, nispa.

1 Reyes 21:6

Acabtaj kuticherqa: Jezreelmanta Nabotwan parlarqani, nerqanitaj huertanta qopunawanta qolqepipis, chayri munajtenqa wajnejpi uj sumaj huertata qonayta; payta kutichiwarqa: Mana atiymanchu huertayta qopusuytaqa, nispa.