Ester (hebreo) 5:11 - Qheshwa Biblia DC

¹¹ Chaypitaj Amanqa parlarqa may qhapaj kasqanmanta, ashkha wawasniyoj kasqanmantawan, imawanchus reyqa payta jatunyachisqanmantawan. Imaynatachus payta sumajpaj qhawaspa, kamachejkunaj kurajkunasninmanta sayachisqanmanta, jinallataj reypa kamachisninmantapis aswan pataman churasqanmantapis.

DIOSPA QHELQACHISQAN DEUTEROCANONICAL

¹¹ Tantakamojtinkutaj, Amanqa may qhapaj kasqanmanta, chantá ashkha wawayoj kasqanmanta ima mayta parlarqa. Jinallataj imaynatachus kuraj kamachejqa payta jatunchasqanmanta, kurajkunamanta jinallataj kuraj kamachej kamachinkunamantapis aswan pataman churasqanmantawan parlallarqataj.

DIOSPA QHELQACHISQ

¹¹ Tantakamojtinkutaj, Amanqa may qhapaj kasqanmanta, chantá ashkha wawayoj kasqanmanta ima mayta parlarqa. Jinallataj imaynatachus kuraj kamachejqa payta jatunchasqanmanta, kurajkunamanta jinallataj kuraj kamachej kamachinkunamantapis aswan pataman churasqanmantawan parlallarqataj.

Ester (hebreo) 5:11 Referans Kwoze

Ester (hebreo) 3:1

Chaymanta qhepata rey Asueroqa Agagpa mirayninmanta Hamedataj wawan Amanta churarqa jatun Kamachej kanampaj, chay palaciopi tukuy kamachejkunatapis pay kamachinampaj.

1 Timoteo 6:17

Kay pachapi qhapajkunata kamachiy ama alabakunankuta, amataj kapuyninkupi suyanankuta. Chaykunaqa mana kajlla. Kausashaj Diosqa tukuy imata qowanchej ashkhata chaywan kausananchejpaj.

Génesis 31:1

Jacob uyarerqa Labampa wawasnin nisqankuta: Jacobqa tatanchejpa tukuy kapuyninta jap'ikapun, chaywan qhapajyaykun, nispa.

Marcos 10:24

Yachachisqasnintaj t'ukorqanku chay nisqanmanta; Jesustaj watejmanta paykunaman nillarqataj: Wawasníy, [qhapaj kayninkupi sonqonkuta churajkunapaj,] ñak'aylla Diospa reinonman yaykoyqa.

Isaías 10:8

Payqa ajinata nin: Manachu tukuynin runasneyqa reyes kanku?

Salmos 49:6

Paykuna qhapaj kayninkupi atienekunku, ashkha kapuyninkumantataj alabakunku.

Ester (hebreo) 1:4

Paykunataqa tantacherqa kamachiynimpa qhapaj kayninta, may jatun kayninta, atiynimpa lliphipiynintawan rikuchinampaj. Chay fiestaqa pachaj pusaj chunkayoj p'unchaykunata karqa.

Ester (hebreo) 8:15

Mardoqueoqa reypa ñaupaqenmanta reypa churakunan azulwan yurajwan color p'achasta churaykusqa, umampi jatun qori pillu churaykusqa, linomanta ruwasqa uj jatun puka mantawan qhataykusqataj. Chayta rikuspataj Susa llajtapi tukuy tiyakojkunaqa maytapuni kusikorqanku.

Salmos 49:7

Chaywampis, mana pipis payllamanta wauqenta salvayta atinmanchu, nitaj Diosman pagayta atinmanchu, kausayninta salvanampajqa.

Salmos 52:9

Ruwasqasniykimanta, Diosníy, agradecekusqaykipuni. Noqaqa munakusojkunaj chaupimpi qampi suyakusqayki, k'acha kasqaykirayku.