Ester (hebreo) 4:3 - Qheshwa Biblia DC

³ Judiostaj tukuy llajtaspi reypa kamachisqanta yachaytawan maytapuni llakikorqanku. Chayrayku paykunaqa ayunarqanku, sonqo nanayta waqarqanku, qhashqa p'achasta churaykukorqanku, wakintaj ushpha pataspi puñorqanku.

DIOSPA QHELQACHISQAN DEUTEROCANONICAL

³ Judiokunataj tukuy llajtapi kuraj kamachejpa kamachisqanta yachaytawan, maytapuni phutikorqanku. Chayrayku paykunaqa llakiyninkuta rikuchispa, ayunarqanku. Sonqo nanayta waqaspa, qhashqa p'achata churaykukorqanku, wakintaj ushpha patapi puñorqanku.

DIOSPA QHELQACHISQ

³ Judiokunataj tukuy llajtapi kuraj kamachejpa kamachisqanta yachaytawan, maytapuni phutikorqanku. Chayrayku paykunaqa llakiyninkuta rikuchispa, ayunarqanku. Sonqo nanayta waqaspa, qhashqa p'achata churaykukorqanku, wakintaj ushpha patapi puñorqanku.

Ester (hebreo) 4:3 Referans Kwoze

Isaías 22:12

Chayrayku, Tukuy Atiyniyoj Señorqa wajyasorqachej, mayta llakikuspa waqanaykichejpaj, umaykichejtataj ruthunaykichejpaj, qhashqa p'achastataj churakunaykichejpaj.

Daniel (hebreo) 9:3

Señor Diosman k'umuykukorqani majakuspa, mañakuspa, ayunakuspa ima. Qhashqa p'achata churakuspataj ushphas patapi tiyaykukorqani.

Isaías 58:5

Noqaqa ajinatachu ayunota ruwanaykichejta munarqani, runa llakisqa kasqanta rikuchinan p'unchaypi? Qankunapajqa niytachu munan totora qhora jina k'umuykunata, chayri qhashqa p'achata churakuspa ushpha patapi puñunata? Chaytachu qankunaqa ayuno nispa sutichankichej, Señorpajtaj allin kananta yuyankichej?

Isaías 22:4

Chayrayku nerqani: Jatariychej noqamanta; jik'un jik'unta waqarikusaj. Ama sonqochawaytaqa yuyaychejchu, llajtay tukuchisqa kasqanmanta.

San Mateo 25:30

Chay qhella kamachitaqa, jawa laqhaman wijch'uychej; chaypitaj waqay, kiru k'arukuytaj kanqa.

San Mateo 22:13

Reytaj kamachisninman nerqa: Chakin makin watasqata jawa laqhaman wijch'uychej; chaypitaj waqay, kiru k'arukuytaj kanqa.

Ester (hebreo) 4:16

Qanqa mashkhachus Susa llajtapi judíos tarikunku chaykunata tantaykuy, noqaraykutaj ayunaychej kinsa diasta, tuta p'unchay ama mikhuychejchu, nitaj ujyaychejchu, noqapis kay kamachisniy sipaskunawan ayunallasqaykutaj; chaymantaraj reypaman yaykusaj, amapis leyman jinachu kachun. Wañunay kanqa chaypis wañusaj.

Ester (hebreo) 3:12

Chaymantaqa ñaupaj kaj killapi chunka kinsayoj p'unchaypi, reypa tukuy qelqerisninta tantacherqa. Paykunaqa Amán imatachus sapa uj kurajkunaman kamachisqanta qelqarqanku, reypa kamachisninman, sapa llajtapi kuraj kaj kamachejkunaman, sapa llajtaj qelqayninman jina, parlayninkupikamataj. Chayta qelqarqanku reypa sutimpi, reypa sortejanwantaj ñit'iykuspa.

Ester (hebreo) 1:1

Kaymin pasarqa Asuero rey kashajtin. Payqa pachaj iskay chunka qanchisniyoj suyusta kamacherqa. Chay llajtastaj karqanku Indiamanta Etiopiakama.

1 Samuel 11:4

Chay willaraj runasqa kachasqa chaypi Saulpa llajtan Gabaaman chayarqanku. Chay willajkunatataj nerqanku, tukuy llajta, tukuy runastaj may sinch'ita waqaj churakorqanku.

Ester (hebreo) 4:2

Jinata qhaparispa reypa palacion punkukama chayarqa; manataj aswan ukhukama yaykuta aterqachu, qhashqa llakiy p'achayoj kaspa mana yaykuna kasqanrayku.

Ester (hebreo) 4:4

Chaypacha reina Esterpa warmi kamachisninwan, chaypi qhawaj runawan jamuspa, imachus kasqanta Esterman willarqanku. Chaymanta reina Esterqa mayta llakikuspa, Mardoqueoman p'achasta apacherqa, chay qhashqa p'achanta orqhokunampaj, paytaj mana jap'ikuyta munarqachu.

Ester (hebreo) 9:31

Kamacherqanku chay Purim fiesta ruwakunanta chay nisqanku p'unchaykunapi, imaynatachus kamacherqanku Mardoqueowan, reina Esterwan paykunapaj, mirayninkupajwan. Ajinallataj nerqanku ayunasqasninkumanta, llakiywan qhaparikusqankumantawan yuyarikunankupaj.

Josué 7:6

Josuewan, israelitaspa kurajkunasninkuwantaj llakiywan p'achasninkuta llik'ikorqanku, umankumantaj ñut'u jallp'awan jich'akorqanku llakisqa kasqankuta rikuchinankupaj. Chaymantataj qonqoriykukorqanku Señorpa trato ruwasqan cajonnimpa ñaupaqenman, pampaman umankuta chayachinankukama, ch'isiyaykunankamataj.

Job 2:8

Chaypacha Jobqa ushpha chaupiman tiyakoj rerqa, uj k'analla p'akisqata jap'ispataj chaywan kitukorqa.

Ezequiel 27:30

Qannejta jatunmanta qhaparenqanku, jik'un jik'untataj waqanqanku. Umasninkuman ñut'u jallp'aswan qhallikonqanku, ushphaspitaj sunt'enqanku.

Jonás 3:6

Chay willaykunataj Nínivej reyninman chayarqa. Paytaj kamachinanmanta sayarispa, p'achasninta lluch'ukuspa, llakiy p'achasta churaykukuytawan ushpha patapi tiyamorqa.