Ester (hebreo) 3:15 - Qheshwa Biblia DC

¹⁵ Chantapis, chaskisqa reypa kamachisqanman jina tukuynin llajtasman usqhayta apararqanku. Chay kamachiy ruwasqataj reypa tiyanan Susa llajtapi sut'inchakorqa. Susa llajtapi runastaj maytapuni qhollpikusharqanku chay imasta yachaspa. Chaykamataj reywan Amanwanqa tiyaykurispa ujyarisharqanku.

DIOSPA QHELQACHISQAN DEUTEROCANONICAL

¹⁵ Chantapis chaskikunaqa kuraj kamachejpa kamachisqanman jina tukuy llajtakunaman usqhayta chay cartata apararqanku. Jinallataj kuraj kamachejpa tiyanan Susa llajtapi sut'inchakojtin, llajtayojkunaqa maytapuni qhollpikusharqanku chay imakunata yachaspa. Chaykamataj kuraj kamachejwan, Amanwanqa tiyaykurispa, vinowan ch'allarisharqanku.

DIOSPA QHELQACHISQ

¹⁵ Chantapis chaskikunaqa kuraj kamachejpa kamachisqanman jina tukuy llajtakunaman usqhayta chay cartata apararqanku. Jinallataj kuraj kamachejpa tiyanan Susa llajtapi sut'inchakojtin, llajtayojkunaqa maytapuni qhollpikusharqanku chay imakunata yachaspa. Chaykamataj kuraj kamachejwan, Amanwanqa tiyaykurispa, vinowan ch'allarisharqanku.

Ester (hebreo) 3:15 Referans Kwoze

Ester (hebreo) 8:15

Mardoqueoqa reypa ñaupaqenmanta reypa churakunan azulwan yurajwan color p'achasta churaykusqa, umampi jatun qori pillu churaykusqa, linomanta ruwasqa uj jatun puka mantawan qhataykusqataj. Chayta rikuspataj Susa llajtapi tukuy tiyakojkunaqa maytapuni kusikorqanku.

San Juan 16:20

Cheqamanta, cheqamanta niykichej: Waqankichej, llakikunkichejtaj; kay mundopi runastaj kusikonqanku. Chaywampis llakiyniykichejqa kusikuyman tukonqa.

Apocalipsis 11:10

Jallp'api tiyakojkunataj paykuna jawa qhochukonqanku, kusikonqankutaj paykunapura t'inkasta apachinakuspa. Chay iskay profetasqa jallp'api tiyakojkunata llakichej kanku.

Amós 6:6

Jatuchaj copaspi vinota ujyankichej, sumachaj q'apashaj jawinaswan jawikunkichej, manataj dakunkichejchu llajta chinkananmanta.

Oseas 7:5

Maypachachus reyninchej pilluchakushajtenqa chay kurajkuna onqoykucherqanku vinoj k'ajayninwan. Paytaj makinta jaywarqa asipayasharqanku chaykunaman!

Proverbios 29:2

Cheqan kajkuna tukuy imata paykunalla ruwajtinku, runasqa mayta kusikunku. Sajra runaslla imapipis ñaupajpi kajtinku, runasqa mayta llakikunku.

Proverbios 4:16

Paykunaqa ima sajratapis mana ruwaspaqa mana puñuykunkuchu, pitapis mana urmachispaqa puñuyninkuta chinkachinku.

Proverbios 1:16

Chay sajra imasmanqa chakisninku usqhayllata thaskirin, yawarta jich'anapajqa may k'uchis kanku.

Ester (hebreo) 4:16

Qanqa mashkhachus Susa llajtapi judíos tarikunku chaykunata tantaykuy, noqaraykutaj ayunaychej kinsa diasta, tuta p'unchay ama mikhuychejchu, nitaj ujyaychejchu, noqapis kay kamachisniy sipaskunawan ayunallasqaykutaj; chaymantaraj reypaman yaykusaj, amapis leyman jinachu kachun. Wañunay kanqa chaypis wañusaj.

1 Reyes 14:27

Rey Roboamtaj chay qorimanta karqanku chay escudospa cuentampi broncemanta ruwacherqa, palaciota qhawajkuna soldadosmantaj jaywarqa paykuna jallch'anankupaj.

Génesis 37:25

Chaymantataj mikhoj tiyaykorqanku. Mikhushaspataj ujllata qhawarispa rikorqanku ismaelitas sinrulla Galaadmanta jamushajta. Chay runasqa camellospi apasharqanku perfumeta, balsamota, mirrata ima Egiptoman.

Ester (hebreo) 1:10

Qanchis kaj p'unchaypi rey Asueroqa vinowan machasqallaraj kashaspa, qanchis kamachisninta wajyarqa: Mehumanta, Biztata, Harbonata, Bigtata, Abagtata, Zetarta, Carcastawan.

Salmos 37:7

Ch'in kakuy Señorpa ñaupaqempi. Suyakuy pacienciawan pay yanapanasunta. Ama phiñakuychu kausaypi allin risqanmanta, nitaj sajrata wakichikojkunamantapis.

Proverbios 31:4

Chayqa mana allinchu, Lemuelníy. Mana reyespa ujyananchu vinoqa, nitaj machachikoj ujyanaspis kamachejkunaj ujyananchu.