Ester (hebreo) 2:21 - Qheshwa Biblia DC

²¹ Chaypacha reypa palacion punkupi Mardoqueo tiyashajtin, mayta phiñakorqanku reypa iskay kamachisnin Bigtanwan, Tereswan. Wakichikushasqankutaj rey Asuerota wañuchinankupaj. Paykunaqa palacio punkuta qhawajkuna karqanku.

DIOSPA QHELQACHISQAN DEUTEROCANONICAL

²¹ Chaypacha kuraj kamachejpa kamachinan wasej punkunpi Mardoqueo tiyashajtin, punkuta qhawaj soldadokunata kamachejkuna Bigtanwan, Tereswan ima manchay phiñasqa kuraj kamachej Asuerota wañuchinankupaj wakichikushasqanku.

DIOSPA QHELQACHISQ

²¹ Chaypacha kuraj kamachejpa kamachinan wasej punkunpi Mardoqueo tiyashajtin, punkuta qhawaj soldadokunata kamachejkuna Bigtanwan, Tereswan ima manchay phiñasqa kuraj kamachej Asuerota wañuchinankupaj wakichikushasqanku.

Ester (hebreo) 2:21 Referans Kwoze

Ester (hebreo) 6:2

Chay libropitaj qelqasqata tarerqanku, Mardoqueoj willasqanta, reypa iskay kamachisnin reyta wañuchinankupaj wakichikushasqankumanta. Chay kamachisqa Bigtanwan, Tereswan karqanku, reypa palacion punkuta qhawajkuna.

Salmos 144:10

Qan reyesman atiypayta qonki, qan librarqanki David kamachiykita.

2 Reyes 21:23

Paypa kamachisnillantaj oqharikuspa, reytaqa wasimpi wañucherqanku.

2 Reyes 12:20

Maypachachus Joás Silaman uraykamushajtin, paypa kamachisnin paypa contrampi oqharikuspa Milo wasipi wañucherqanku.

1 Reyes 16:9

Paypa contrampitaj khuskan carretasninmanta kamachejnin Zimri oqharikorqa. Tirsapi mayordomon Arsaj wasimpi Ela ujyaspa machasqa kashajtin, Zimri jamuspa wañucherqa, Judamanta rey Asa iskay chunka qanchisniyoj watataña kamachishajtin, Zimritaj Elaj cuentampi kamacherqa.

2 Samuel 16:11

Chaymantataj Abisaiman jinataj chay yanapajkunasninman kuticherqa kay jinata nispa: Wawallaytaj wañuchiyta munashawajtinri, Benjamimpa ayllunmanta kajqa astawanraj atinman! Saqeychej jinata contraypi parlamojta, Señorchá jinata kamachin!

Esdras 4:6

Asuero kamachiyta qallarishajtintaj chay contrallejkunaqa, Judapi tiyakojkunaj contrampi, chanta, Jerusalempi tiyakojkunaj contrampitaj uj qelqasqawan ch'ataykorqanku.

Ester (hebreo) 2:19

Chaypacha ujtawan chay sipaskuna tantasqas kashajtinku, Mardoqueoqa reypa palacion punkupi tiyasharqa.

Daniel (hebreo) 2:49

Danielpa mañasqanman jina Sacracta, Mesacta, Abed-negotawan rey churarqa aswan kuraj puestosman Babilonia llajtapi. Danieltaj tiyakorqa reypa tiyakunan wasipi.

Ester (hebreo) 6:1

Chay kikin ch'isipacha reyqa mana puñuyta aterqachu. Chayraykutaj kamachisninman nerqa, ima sumaj ruwasqaschu chay naciompi ñaupajmantapacha libropi qelqasqa kashan chaykunata apamuspa leenankuta.