Ester (hebreo) 1:6 - Qheshwa Biblia DC

⁶ Chay palacioj pationqa sumaj k'achanchasqa karqa yuraj telaswan, q'omer telaswan, azul telaswan ima. Chaytataj jap'icherqanku linomanta ruwasqa kuli q'aytuswan, qolqemanta ruwasqa sortejaspa chaupinta chay q'aytuswan jusk'urachispa. Chaykunataj jap'ichisqas karqanku marmolmanta ruwasqa sayantasman. Chay ukhupi tiyanastaj qorimanta karqa, qolqemantawan. Chay pampantaj k'acha rumiswan losasqas karqanku: Pórfido nisqawan, marmolwan, alabastrowan, jacinto nisqa rumipiwan.

DIOSPA QHELQACHISQAN DEUTEROCANONICAL

⁶ Chay kamachina wasej pationqa sumaj karqa, yuraj llijllakunawan, q'omer llijllakunawan, anqa llijllakunawan ima k'achanchasqa. Chaytataj jap'icherqanku linomanta ruwasqa kulli q'aytuwan, qolqemanta ruwasqa anillokunaj chawpinta jusk'urachispa. Chaykunataj, mármol k'achitu rumimanta ruwasqa sayantakunaman jap'ichisqa karqanku. Chay ukhupi tiyanakunaqa qorimanta, qolqe metalmanta karqanku. Chay kamachina wasej pampantaj k'acha rumikunawan losasqa karqa: Pórfido nisqawan, marmolwan, alabastrowan, jacinto nisqa rumiwan ima.

DIOSPA QHELQACHISQ

⁶ Chay kamachina wasej pationqa sumaj karqa, yuraj llijllakunawan, q'omer llijllakunawan, anqa llijllakunawan ima k'achanchasqa. Chaytataj jap'icherqanku linomanta ruwasqa kulli q'aytuwan, qolqemanta ruwasqa anillokunaj chawpinta jusk'urachispa. Chaykunataj, mármol k'achitu rumimanta ruwasqa sayantakunaman jap'ichisqa karqanku. Chay ukhupi tiyanakunaqa qorimanta, qolqe metalmanta karqanku. Chay kamachina wasej pampantaj k'acha rumikunawan losasqa karqa: Pórfido nisqawan, marmolwan, alabastrowan, jacinto nisqa rumiwan ima.

Ester (hebreo) 1:6 Referans Kwoze

Amós 6:4

Marfilmanta ruwasqa k'ancharishaj sirinaspi winkurinkichej, fiestachakunaykichejpi sumajta mast'arikunkichej; mikhunasta wakichinkichej malta ovejasmanta, wira kaj ternero wakasmantawan.

Ezequiel 23:41

Chanta sumaj k'acha wakichisqa puñuna patapi tiyaykukorqanku, mesapi mikhunata wakicherqanku. Chay patapitaj noqapaj t'aqasqa inciensoyta, aceiteytawan churarqanku.

Amós 2:8

Prenda jap'isqanku p'achas patapi sirisqas mikhunku, lantikunata yupaychashaspa; qhasillamanta multasta orqhosqankuwan vinota rantinku, diosninkoj wasimpi ujyanankupaj.

Ester (hebreo) 7:8

Chanta reyqa huertamanta kutimorqa, maynejpichus mikhorqanku chayman. Amantaj maypichus Ester kasharqa chay camanman wijch'uykukusqa ama wañuchinanta mañakuspa. Reytaj chayta rikuspa nerqa: Kikin wasiypichu reinata alqochayta munanki? Chayta rey nejtinkamataj reypa runasnin Amampa uyanta qhataykorqanku. Chaypi kashaj reypa ujnin kaj kamachin Harbonataj reyman nerqa: Amampa wasimpi runa sipina ruwasqa kashan iskay chunka iskayniyoj metros jina patanejman. Chayta ruwacherqa kikin Amán, qanmanta allinta parlaj Mardoqueota chaypi sipichinampaj. Reytaj chayta uyarispa nerqa: Chayman Amanta warkhumuychej, nispa.

Ester (hebreo) 8:15

Mardoqueoqa reypa ñaupaqenmanta reypa churakunan azulwan yurajwan color p'achasta churaykusqa, umampi jatun qori pillu churaykusqa, linomanta ruwasqa uj jatun puka mantawan qhataykusqataj. Chayta rikuspataj Susa llajtapi tukuy tiyakojkunaqa maytapuni kusikorqanku.

Éxodo 26:1

Diospa tiyakunantaqa chunka cortinasniyojta ruwanki; chaytaj kanqa sumaj t'ullkusqa linomanta, colornintaj kanqa azul, puka, puka panti ima. Chayta awaspataj pallaynimpi churanki iskay angelesta.

1 Samuel 28:23

Saulqa mana mikhuyta munarqachu, chaywampis jap'ikorqapuni chay warmi, jinataj yanapajkunasnin ima apurajtinku. Chay ratotaj chay pampamanta jatarikuspa, uj cama pataman tiyaykorqa.

Amós 3:12

Ajinatamin nin Señorqa: Imaynatachus uj michej leompa siminmanta qhechun iskay chakista, chayri uj ningrej cantollantaña. Ajinata ayqenqanku Samariapi pisi tiyakojkuna israelitas, chay pikunachus sumachaj camaspi sirejkuna.