Esdras 9:3 - Qheshwa Biblia DC

³ Kay jinata uyarispa sonqo nanayniyta rikuchinaypaj p'achayta llik'ikorqani, chujchayta, sunkhaytawan sik'irakorqani manchay phutisqataj tiyakorqani.

DIOSPA QHELQACHISQAN DEUTEROCANONICAL

³ Chayta uyarejtiy, sonqoy nanawarqa, chayraykutaj p'achayta llik'ikorqani, chujchayta, sunkhaytawan sik'irakorqani, manchay phutisqataj tiyaykukorqani.

DIOSPA QHELQACHISQ

³ Chayta uyarejtiy, sonqoy nanawarqa, chayraykutaj p'achayta llik'ikorqani, chujchayta, sunkhaytawan sik'irakorqani, manchay phutisqataj tiyaykukorqani.

Esdras 9:3 Referans Kwoze

Nehemías 1:4

Chayta willawajtinkukamataj waqaj tiyaykukorqani. Uj mashkha diasta jina sinch'i llakisqa karqani, ayunaspa, janaj pacha Diosmanta mañaspataj.

Josué 7:6

Josuewan, israelitaspa kurajkunasninkuwantaj llakiywan p'achasninkuta llik'ikorqanku, umankumantaj ñut'u jallp'awan jich'akorqanku llakisqa kasqankuta rikuchinankupaj. Chaymantataj qonqoriykukorqanku Señorpa trato ruwasqan cajonnimpa ñaupaqenman, pampaman umankuta chayachinankukama, ch'isiyaykunankamataj.

Miqueas 1:16

Qanrí, Sión llajta, umaykita q'arakuy llakiyniykita rikuchispa chay sumaj munasqa wawasniykimanta. Astawan umaykita q'araykuy alqamarej umanman rijch'akunankama, imaraykuchus wawasniykeqa waj jallp'aman apasqas kanqanku.

Daniel (hebreo) 8:27

Noqa Danieltaj, reparakorqani kallpay pisiyawasqanta, ashkha p'unchaykunataj onqosqa tarikorqani. Chaymanta jatarikuspa uyarillarqanipuni nacionta kamachejpa ruwanasninmanta. Noqataj mayta t'ukusharqani chay jinata rikusqaymanta, mana unanchayta atispa.

Daniel (hebreo) 4:19

Chantá Danielqa, pitachus suticharqanku Beltsasar nisqata, pay uj ratota t'ukurerqa, umanman yuyaykuna jamojtin may maycharisqa karqa. Noqa reytajrí, payta nerqani: Beltsasar, ama llakikuychu chay mosqoyniymantaqa, ni sut'inchayninmantapis. Beltsasartaj kutichispa nerqa: Way, mosqoyniykipi imatachus niyta munan chay tukoyqa urmachun pikunachus chejnisunku chaykunaj patanman!

Ezequiel 7:18

Qhashqa p'achata churakonqanku sonqo nanayta rikuchispa. Tukuyninkojta uyasninkupis p'enqachisqas umankutaj raphasqas kanqanku.

Ezequiel 3:15

Tel Abibman Quebar mayoj cantosninkama chayarqani. Chaypitaj jap'iraspa apasqa Israelmanta kajkuna tiyakorqanku. Chaypi paykunawan qanchis p'unchay junt'ata karqani, mana yachaspa imatachus ruwanayta, nitaj imatachus parlanayta.

Jeremías 36:24

Nitaj rey, nitaj kurajkunamanta uyarejkunapis chay libro leekusqanwanqa mancharikorqankuchu, nitaj uj chhikanta sonqonkuta nanachikojmampis rijch'akorqankuchu.

Jeremías 7:29

Jerusalén runas, chujchasniykichejta k'utukuychej, wijch'uychejtaj. Llakiy wañuyta chay ch'in lomaspi takiychej. Señorqa may phiñasqa kashan kay runaspa contrampi. Paykunata saqerparin, qhesacharparintaj.

Isaías 15:2

Paykuna alto orqosman waqaj wicharerqanku, Bayitman, Dibonman ima. Moabqa Nebo puntaman wicharenqa, Medeba puntamanwan chaypi waqamunankupaj; chay runastaqa chujchasninkuta, sunkhasninkutawan ruthuranqanku.

Salmos 143:4

Ancha llakisqa kani, sonqoypi iskayrayasqa kani.

Salmos 66:3

Diosman takiychej: Ruwasqasniykeqa may sumajpuni. Jatun atiyniykirayku, enemigosniykeqa ñaupaqeykipi mancharisqas urmanku.

Job 1:20

Chayta uyarispa Jobqa manchay llakisqa sayarikuspa, p'achasninta llik'irakorqa, chujchasnintapis k'uturakorqa. Jinaspataj pampaman k'umuykukorqa, nerqataj: Noqaqa q'alalla mamaypa wijsanmanta llojsimorqani, q'alallataj llojsipusaj kay mundomanta. Tukuy imasniyta Señor qowarqa, kunanqa payllataj chay imasta qhechukapuwan. Chaywampis Señorpa sutenqa bendicisqa kachun!

Nehemías 13:25

Paykunata k'amirarqani, maldicerqanitaj. paykunamanta wakintaqa maqararqani, chujchasninkutataj sik'irarqani. Kamacherqanitaj Diosrayku juranankuta, amaña ujtawan warmi wawasniykichejta, nitaj qhari wawasniykichejtapis chay waj llajtayojkunawan casarachiychejchu; nillataj qankunapis warmisninkuwan casarankichejchu.

2 Reyes 18:37

Chantataj Hilciaspa wawan reypa mayordomon Eliaquim, qelqerin Sebnawan, reypa yanapajnin Joaspiwan p'achasninkuta llik'ikuspa rey Ezequiaspaman jamorqanku, Asiriamanta kuraj kamachejpa nisqanta reyman willarqanku.

Levítico 21:5

Ama chujchasninkuta uj cheqallata k'utuchikuspa p'ajlayachenqankuchu, nitaj sunkhasninkutapis rasphachikonqankuchu, nillataj ukhusninkutapis k'irinchakonqankuchu.

2 Samuel 1:11

Chaypacha, Davidwan runasnimpiwan ima, p'achasninkuta llik'erqanku llakikusqankurayku.

Salmos 119:53

Juchasapas kamachisqasniykita, mana kasusqankumanta mayta phiñakuni.