Esdras 7:14 - Qheshwa Biblia DC

¹⁴ Noqa reyqa, qanchis umachaj runasniywan ima qantaqa kachashasuyku yachamunaykipaj, Judapi, jinallataj Jerusalempipis imaynatachus junt'ashasqankuta Diospa kamachisqasninta, makiykipi jap'ishanki chayta.

DIOSPA QHELQACHISQAN DEUTEROCANONICAL

¹⁴ Noqa Artajerjes, qanchis yuyaychajniykunawan ima qanta kachashasuyku yachamunaykipaj Judapi, jinallataj Jerusalenpipis Diospa kamachisqanta imaynatachus junt'ashasqankuta, imaraykuchus qan chay kamachisqakunata sumajta rejsinki.

DIOSPA QHELQACHISQ

¹⁴ Noqa Artajerjes, qanchis yuyaychajniykunawan ima qanta kachashasuyku yachamunaykipaj Judapi, jinallataj Jerusalenpipis Diospa kamachisqanta imaynatachus junt'ashasqankuta, imaraykuchus qan chay kamachisqakunata sumajta rejsinki.

Esdras 7:14 Referans Kwoze

Ester (hebreo) 1:14

Chaypachataj, reywan kasharqanku: Carcena, Setar, Admata, Tarsis, Meres, Marsena, Memucán ima. Chaykunaqa qanchis karqanku, Persiamanta, Mediamantawan sumaj kurajkuna. Paykuna karqanku reypa ajllakusqasnin yuyaychajkunasnintaj.

Daniel (hebreo) 6:26

Kaytataj kamachini, tukuynin reinoypi, Danielpa Diosnintaqa respetachunku, payllamantaj k'umuykuchunku. Paymin kausaj Diosqa. Payllapuni wiñaypaj wiñaynintinkama. Reinonqa mana jayk'ajpis t'unasqachu kanqa, nitaj atiynimpis tukukonqachu.

Daniel (hebreo) 6:20

Qayllaykuspataj reyqa Danielqa wajyarqa may llakisqa, nerqataj: Daniel, kausaj Diospa sirvejnin, mana sayk'uspa sirvinki chay Diosniyki salvasuyta aterqachu leonesmantaqa?

Daniel (hebreo) 2:47

Chanta Danielman nerqa: Cheqamanta Diosniykichejqa aswan jatun tukuynin dioskunamanta. Paymin reykunaj Señornenqa, tukuy pakaypi kajta sut'inchajtaj. Qan aterqanki kay pakaypi kaj imasta sut'inchayta.

Isaías 8:20

Chayrayku kutiriychej leyman, imatachus yachachisqaymanwan. Sichus mana chayman jinachu nenqanku chayqa, paykunapi mana cheqa kaj kanchu.

Esdras 8:25

Paykunamantaj qolqeta, qorita, Diosta yupaychanapaj imastawan pesaspa jaywarqani; chaykunata rey, chanta yupaychajkunasninwan, kurajkunawan, tukuy chaypi kaj israelitaspiwan qosqanku Diosninkoj yupaychana wasimpaj.

Esdras 7:28

Paytaj rikhuchiwarqa k'acha kayninta reypa ñaupaqempi, umachajkunasnimpa ñaupaqenkupi, chanta reinompi kuraj runaspa ñaupaqenkupitaj. Dios sonqochawarqa. Paypa yanapayninwan tantaykuyta aterqani, Israelpa kuraj runasninta, noqawan khuska kutimpunankupaj, nispa.

Esdras 7:15

Reyqa umachaj runasninwantaj, qolqeta, qoritawan, Jerusalempi tiyakoj Israelpa Diosninman, sonqonkumanta qoyta munanku, chaykunata qan apay.

Esdras 6:12

Mayqen reychus, chayri llajtachus, Jerusalempi kashan chay temploj contrampi mana allinta ruwayta munajtaqa, tiyakunampaj Jerusalenta ajllakoj Dios t'unaykuchun! Noqa Darío kaytaqa kamachini. Kay nisqayqa kikimpuni junt'akuchun, nispa.

Esdras 1:3

Diosqa kachun, pikunachus paypa ayllunmanta kankichej chay tukuywan. Judapi kaj Jerusalenman wicharichun, Israelpata Señor Diosnimpa wasinta ruwamoj. Paymin Jerusalempi tiyakoj Diosqa.

Esdras 6:8

Kay kamachiykunata qoni judiospa kuraj runasninkuta yanapanaykichejpaj, Diospa templonta mosojmanta ruwachinankupaj: Eufrates mayu chimpamanta reypaj qonku, chay qolqemanta orqhospa gastosta chay runasman pagachunkupuni, ajinamanta ruwanasqa ama sayanampaj.