Esdras 6:16 - Qheshwa Biblia DC

¹⁶ Chaypachaqa, israelitakuna, sacerdotekuna, levitakuna, chanta wajkunawantaj, jap'isqa kasqankumanta kutimporqanku chaykunaqa, may kusiywan Diospa templontaqa payman qoporqanku.

DIOSPA QHELQACHISQAN DEUTEROCANONICAL

¹⁶ Chaypachaqa israelitakuna, sacerdotekuna, levitakuna, chantá wajkunawantaj, Babiloniaman apasqa kasqankumanta kutimpusqanku, chaykunaqa manchay kusisqa chay Templota Diosman jaywaporqanku.

DIOSPA QHELQACHISQ

¹⁶ Chaypachaqa israelitakuna, sacerdotekuna, levitakuna, chantá wajkunawantaj, Babiloniaman apasqa kasqankumanta kutimpusqanku, chaykunaqa manchay kusisqa chay Templota Diosman jaywaporqanku.

Esdras 6:16 Referans Kwoze

2 Crónicas 7:5

Rey Salomontaj ñak'asqa uywasta Señorman jaywarqa, iskay chunka iskayniyoj waranqa torosta, pachaj iskay chunkayoj waranqa ovejasta ima. Ajinata reyqa tukuy israelitaspis Diospa yupaychana wasinta paypaj t'aqarqanku.

1 Reyes 8:63

Salomontaj Señorman allinyakuy jaywanasta qorqa, iskay chunka iskayniyoj waranqa torosta, pachaj iskay chunkayoj waranqa ovejastawan. Ajinata reywan tukuynin israelitaspiwan Señorpa wasinta Diosman jaywarqanku.

Filipenses 4:4

Kusikuychejpuni Señorpi. Ujtawan niykichej, kusikuychej.

San Juan 10:22

Jerusalempitaj temploj diachakunta ruwasharqanku; chiri tiempoñataj karqa.

Salmos 122:1

Jaku rina Diospa wasinman niwajtinku, kusikorqani.

Esdras 6:22

Qanchis p'unchay junt'aqa mana levadurayoj t'anta nisqa fiestata may kusiywan ruwarqanku, imaraykuchus Señor paykunata kusicherqa, Persiapi kaj reypa sonqonta paykunaman kutirichimuspa, yanapananampajtaj Diospa templonta ruwaypi. Chay Diosqa, Israelpa Diosnin.

Nehemías 7:73

Sapa ujninku llajtasninkupi tiyakaporqanku: Sacerdotes, levitas, punkusta qhawajkuna, takejkuna, llajtamanta kajkuna, Diosta yupaychana wasipi ruwajkuna, jinallataj tukuynin israelitaspis. Qanchis killa chayamunampajtaj israelitasqa ñapis llajtasninkupiña kasharqanku.

Esdras 4:1

Judata, Benjamintawan chejnejkunaqa yacharqanku, preso jap'isqamanta kutimojkuna, Israelpata Señor Diosnimpa templonta watejmanta ruwashasqankuta.

2 Crónicas 30:26

Ajinamanta sinch'i kusiypuni karqa Jerusalempeqa. Israelpa reynin Davidpa wawan Salomompa tiemposninmantapacha mana jayk'ajpis ajinaqa ruwakusqachu Jerusalén llajtapeqa.

2 Crónicas 30:23

Tukuy runastaj nerqanku qanchis diastawan fiestata ruwanankuta, jinataj may kusisqas chayta ruwarqanku.

1 Crónicas 15:28

Tukuy israelitas ajinata aparqanku allinyakuna Dioswan trato ruwasqa cajonnintaqa, kusiywan qhaparkachaspa, pututuspa ch'ajwaynimpi, trompetaspapi, platillospapi, jinataj salteriosta, arpasta tocarispa.

1 Crónicas 9:2

Ñaupajta kutimpuspa tiyakojkuna chay jallp'asninkupi, llajtasninkupitaj karqanku, israelitas, chantá levitas, sacerdotes, Diosta yupaychana wasipi sirvejkuna ima.

Deuteronomio 12:7

Chaypi chay rikuchikusta Señor Diosniykichejpa ñaupaqempi mikhunkichej, tukuy familiasniykichejwan khuska kusikuspa, tukuy ruwasqaykichejta qhawarispa, imaynatachus Señor Diosniykichej bendicionninwan poqochin, chayta.

Nehemías 12:43

Chay p'unchaypi ashkha uywa wañuchisqasta jaywarqanku, runastaj mayta kusikorqanku Dios paykunaman jatun kusiyta qosqanrayku. Warmiswan wawaswampis sinch'itapuni kusikusharqanku. Jerusalempi kusikusqankoqa karumantapacha uyarikorqa.

Nehemías 8:10

Chay jawa Esdrasqa nillarqataj: Riychej, sumaj sumajllata mikhumuychej, misk'i kaj vinotataj ujyarikamuychej; mana mikhuna chayasqayoj kajta wajyarikuychej, kay diaqa Señorpaj t'aqasqa kasqanrayku. Ama llakikuychejchu, imaraykuchus Señorpa kusikuynenqa kallpachawanchej, nispa.

1 Reyes 8:62

Chaymanta, reyqa tukuynin israelitaspiwan uywa ñak'asqasta Señorman jaywarqanku.

Daniel (hebreo) 5:13

Chanta Danielta pusarqanku reypa ñaupaqenman. Reytaj payta tapurerqa: Qanchu Daniel kanki, tatay Nabucodonosor rey kashaspa, Judeamanta jap'isqasta apachimorqa chay judiokunamanta ujnin kajqa?

2 Crónicas 29:30

Chaymantataj rey Ezequías, jinataj kamachejkunapis levitasta kamacherqanku Señorta yupaychanankuta Davidpa takiykunasninwan, profeta Asafpa takiykunasnimpiwan. Paykunataj tukuy kusiywan ruwarqanku, qonqoriykukuspataj yupaycharqanku.

Nehemías 12:27

Jerusalén perqata Diosman jaywana p'unchay chayamojtinkamataj, tukuynejpi levitasta mask'arqanku, maypichus tiyakusqasninkupi ima. Tarispataj Jerusalenman pusarqanku Diosman perqata jaywanankupaj, kusiywan, takiykunaswan, yupaychaykunaswan ch'ajwarispa platillosta arpasta, lirastapis.