Esdras 3:1 - Qheshwa Biblia DC

¹ Qanchis kaj killapi, israelitasqa, sapa ujpis llajtankupi tiyakusqantawan, Jerusalempi tukuyninku tantakorqanku uj runa jinalla.

DIOSPA QHELQACHISQAN DEUTEROCANONICAL

¹ Qanchis kaj killapi israelitakunaqa sapa ujpis llajtankupi tiyakushaspaña, Jerusalenpi tukuyninku uj runa jinalla tantakorqanku.

DIOSPA QHELQACHISQ

¹ Qanchis kaj killapi israelitakunaqa sapa ujpis llajtankupi tiyakushaspaña, Jerusalenpi tukuyninku uj runa jinalla tantakorqanku.

Esdras 3:1 Referans Kwoze

1 Corintios 1:10

Hermanos, mañakuykichej Señorninchej Jesucristoj sutimpi, tukuyniykichej uj kajllata parlanaykichejta; amataj qankuna ukhupi t'aqanaku kachunchu, astawanqa allin ujchasqapuni kaychej, uj sonqolla, uj yuyayllataj.

Hechos 4:32

Chay chhika creejkuna uj yuyaylla, uj sonqolla karqanku. Mana pipis nejchu kapuynin paypata kasqanta. Manachayqa tukuy imas tukuyninkojta karqa.

Hechos 2:46

Templopitaj tukuyninku uj sonqolla, sapa p'unchay tantakojpuni kanku. Wasisninkupipis t'antata partispa, khuska mikhoj kanku, may kusiywan, llamp'u sonqowantaj.

Sofonías 3:9

Chay p'unchay chayamojtin llimphuchasaj tukuy runaspa parlayninta, tukuyninku noqata qhaparikunawankupaj, tukuy runastaj noqata uj sonqolla sirvinawankupaj.

Nehemías 8:14

Chaypitaj tarerqanku Señorpa kamachisqan Moisesnejta qelqasqa kasqanta, chay qanchis killa kaj yuyarikuy fiestata ruwashaspaña ramadas ukhupi israelitasqa tiyakunankuta.

Nehemías 7:73

Sapa ujninku llajtasninkupi tiyakaporqanku: Sacerdotes, levitas, punkusta qhawajkuna, takejkuna, llajtamanta kajkuna, Diosta yupaychana wasipi ruwajkuna, jinallataj tukuynin israelitaspis. Qanchis killa chayamunampajtaj israelitasqa ñapis llajtasninkupiña kasharqanku.

Jueces 20:1

Chaypacha tukuy israelitasqa Danmantapacha Beersebakama jinataj Galaadkama uj runa jinalla Señorpa ñaupaqempi tantaykukorqanku Mizpa llajtapi.

Levítico 16:29

Kay kamacheyqa qankunapaj wiñaypaj kanqa: Qanchis kaj killapi chunka días kashajtin sinch'itapuni tukuy sonqoykichejpi llakikunkichej ayunankichejtaj. Chay p'unchaypeqa ni imata ruwankichejchu, ni kikin llajtayoj israelitas, nitaj karu llajtayojkuna qankunawan tiyakojkunapis.

Nehemías 8:1

Chaypacha tukuy ayllu ujllapi tantakorqanku, Yaku Punku nisqaj ñaupaqen plazapi. Yachachej Esdrasmantaj nerqanku Moisespa leynin qelqasqa librota apamunanta, Señorqa Israel aylluman qosqa chayta.

Deuteronomio 16:16

Señor Diosniykichejpa ñaupaqenman tukuy qharisqa watapi kinsa kutita qayllanqanku, may cheqatachus Señorqa ajllakorqa chaypi, kay fiestaspi: Mana levadurayoj t'anta, nisqa qhochukupi, semanas nisqa fiestapi, ramadas nisqa fiestapipis, mana ni mayqellampis mana imayojqa Señorman qayllaykonqachu.

Nehemías 7:72

Wakin runastaj qorqanku pachaj sojta chunkayoj kilos qorita, waranqa pachajniyoj kilos qolqeta, qanchis chunka qanchisniyoj sacerdote p'achastawan.