Esdras 1:2 - Qheshwa Biblia DC

² Persiamanta rey Ciroqa kay jinata nin: Janaj pachapi kaj Señor Diosqa, tukuynin jallp'api reinosta qopuwan, kamachiwantaj Judapi kaj Jerusalén llajtapi paypaj uj wasita ruwapunayta.

DIOSPA QHELQACHISQAN DEUTEROCANONICAL

² Persiamanta kuraj kamachej Ciroqa kay jinata nin: Janaj pachapi kaj Tata Diosqa tukuy kay pachapi suyukunata makiyman churan, kamachiwantaj Judapi kaj Jerusalén llajtapi paypaj uj Templota ruwapunayta.

DIOSPA QHELQACHISQ

² Persiamanta kuraj kamachej Ciroqa kay jinata nin: Janaj pachapi kaj Tata Diosqa tukuy kay pachapi suyukunata makiyman churan, kamachiwantaj Judapi kaj Jerusalén llajtapi paypaj uj Templota ruwapunayta.

Esdras 1:2 Referans Kwoze

Isaías 44:26

Kamachisniypa palabrasninta sut'iman orqhoni. Chay kachasqasniypa yuyasqankuta sut'iman orqhoni. Chaymantaqa noqa nini Jerusalenqa runa junt'ayoj kananta. Jinallataj Judá jallp'aj llajtasnimpis, watejmanta ruwasqas kanqanku, urmasqa raqaykunasninkutapis watejmanta sayarichisaj.

Daniel (hebreo) 5:23

Aswampis, janaj pachapi kaj Señorpa contrampi asiykukorqanki, kamacherqankitaj templomanta vasosta orqhomunankuta, chay vasospitaj vinota ujyarqankichej wajyarakorqanki chaykunawan khuska, yupaychankitaj waj dioskunata, qorimanta, qolqemanta, broncemanta, fierromanta, k'aspimanta, rumimanta ima ruwasqa dioskunata. Chay dioskunaqa mana rikunkuchu, mana uyarinkuchu, nitaj imatapis yachankuchu. Manataj jayk'ajpis Diostaqa yupaychankichu, paypa makimpi kausayniyki kashan, tukuy ima ruwanaykipis paymanta kashan.

Daniel (hebreo) 4:32

Runakunamantaqa t'aqasqa kanayki tiyan, uywakunawantaj kausanayki tiyan. Bueyes jina qhorata mikhunki qanchis watas junt'ata, rejsinaykikama jatumpi kaj Dioslla atiyniyoj kasqanta, jallp'api tukuynin nacionkunaj patampi, payllataj kamachejkunata churasqanta pikunatachus munasqanta.

Daniel (hebreo) 4:25

Reyníy, runakunamanta t'aqasqa kanki, animalkunawantaj kausanki. Qhorasta mikhunki bueyes jina, chhullataj cuerpoykita joq'onqa. Ajinata kausanki qanchis watas junt'ata, rejsinaykikama patapi kaj Dios atiyniyoj kasqanta, llajtakunata kamachishanku tukuy chaykunaj patampi kasqanta, paytaj churasqanta kamachinankupaj munayninman jina.

Daniel (hebreo) 2:28

Chay tukuywampis janaj pachapi uj Dios tiyan. Payqa sut'ita rikuchin pakaypi kaj tukuy imasta. Paymin rey Nabucodonosormanqa sut'ita rikuchin, imaschus jamoj p'unchaykunapi chayamunanta. Kayqa, reyman willasaj mosqoyninta, imaschus rikhurerqa puñushajtin chayta.

Daniel (hebreo) 2:21

Paymin tiemposta, watastapis waj jinaman tukuchin, reyesta qhechun sayachinta. Yachayta qon yachayniyojkunaman, aswan rejsiytataj tukuy imata rejsejkunaman.

Jeremías 10:11

Qankuna, Israelitas, niychej lantista yupaychajkunaman: Chay dioskunaqa mana kay pachata, nitaj janaj patatapis ruwarqankuchu, chaykunaqa kay pachamanta chinkarenqanku, mana ujllapis janaj pachaj urampeqa qhepakonqañachu.

Isaías 66:1

Señorqa nin: Janaj pachaqa noqaj tiyanay, kay pachataj chakisniypa sarukunan. Maytaj wasita ruwapunawaykichej karqa chayri, maynejpitaj noqaqa samarikusajri?

2 Crónicas 2:12

Nillarqataj: Israelpa Señor Diosnin bendicisqa kachun. Payqa kay pachata, jinataj janaj pachatapis ruwarqa. Paymin rey Davidman uj qhari wawata qorqa sumaj yachayniyojta, allin yuyayniyojta, allin kajtapis, mana allin kajtapis ajllayta yachajta. Pay yupaychana wasita, pay kikimpaj palaciotawan jatarichinampaj.

1 Reyes 8:27

Kunanqa, cheqamantachu Diosqa jallp'a patapi tiyakunman? Janaj pachakuna aswan patapi janaj pachakunapis mana atisunkuchu jap'isuyta. Imaynatataj kay wasita ruwapususqaypi tiyakuyta atiwajri?

Esdras 1:5

Chaypacha Judá ayllumanta, Benjamín ayllumantawan kuraj runas wakichikorqanku Jerusalenman rinankupaj, Señorpa wasinta ruwamunankupaj. Jinallatataj wakichikorqanku sacerdotes, levitas, chantapis pikunatachá Dios umacharqa chaykuna ima.

Esdras 3:7

Chanta ruwanankupaj qolqeta qorqanku, wasita ruwanampaj rumi ch'eqojkunaman, carpinterosman ima. Chanta, Tiromanta kajkunaman, Sidonmanta kajkunamampis, mikhunasta, ujyanasta, aceitetawan qollarqankutaj, cedro k'aspita qochanejta apamunankupaj Libanomanta Jopekama, Persiapi kaj rey Ciroj munayninman jina.

Esdras 4:3

Zorobabel, Josué, chanta, wakin Israel aylluspa kuraj runasninku imataj kuticherqanku: Mana qankunawanqa Diosniykoj templonta ruwaykumanchu. Noqallayku ruwanayku tiyan Israelpa Señor Diosnimpa templontaqa. Ajinata kamachiwarqayku Persiapi kaj rey Ciroqa.

Salmos 136:26

janaj pachapi kaj Diosman graciasta qoychej, khuyakuynin wiñaypaj kasqanrayku.

Isaías 41:2

Pitaj inti llojsimuynejmanta rijch'arichimorqa sapa thaskiypi atipaj reytari? Pitaj payman nacionesta jaywarqa, reyestataj kamachicherqari? Ajinamanta espadanwan flechanwan ima ñut'uta ruwanampaj, ch'aki laqhesta jinataj, wayrawan apachinampajri?

Isaías 44:28

Kamachej Cirotapis nini: Qanqa michejniy kanki, qanqa ruwanki imatachá munasqayta, nispa. Jerusalentapis nillanitaj: Qanqa watejmanta ruwasqa kanki. Diospa wasintapis nillanitaj: Qantapis watejmanta sayachisonqanku, nispa.

Isaías 45:1

Ajinata ajllasqa Ciroman Señorqa nin: Noqa qanqa paña makiykimanta jap'erqayki, ñaupaqeykipi nacioneswan kasuchikunaykipaj, tukuy reyesta munayniykipi apaykachanaykipaj. Ñaupaqeykipi punkusta kicharerqani, manataj saqerqanichu punkus wisq'akunanta.

Daniel (hebreo) 6:25

Chanta rey Darioqa, qelqarqa tukuy nacionespi kaj runakunaman, tukuy llajtasman, kay pachapi kaj tukuy parlayniyojkunamantaj, kay jinata nispa: Munani qankuna sonqo tiyasqas kakunaykichejta, tukuy imapitaj allin risunaykichejta.

Jonás 1:9

Jonastaj kutichikusqa: Hebreo kani, Señorta, janaj pacha Diosta yupaychani, mar qochata, kay jallp'atapis ruwajta.

Esdras 5:15

Payta nisqataj: Kay qori imasta qolqe imastawan Jerusalempi kaj temploman apay. Diospa templontaj, maypichus ñaupajta karqa, chay kikimpi ruwasqa kachun.

Esdras 6:3

Persianmanta kaj rey Ciroqa, uj watataña kamachishaspa kay jinata kamacherqa: Jerusalempi kaj Diospa templonqa qallarikuchun, ruwasqataj kachun, chaypi uywasta wañuchispa Diosman jaywanapaj. Chay waseqa pataman kanqa, iskay chunka qanchisniyoj metros, anchonmantaj iskay chunka qanchisniyoj metrosllataj.

Esdras 6:10

Ajinamanta chay imasta k'acha q'apashajta janaj pachapi kaj Diosman jaywanankupaj, chantapis reypa wawasnimpaj ima Diosmanta mañapunankupaj.

Esdras 7:12

Chay cartataj kay jina karqa: Reykunaspata kuraj reynin Artajerjesqa napaykun, janaj pachapi kaj Diospa yachachiyninmanta sumaj yachayniyoj sacerdote Esdrasta:

Nehemías 1:4

Chayta willawajtinkukamataj waqaj tiyaykukorqani. Uj mashkha diasta jina sinch'i llakisqa karqani, ayunaspa, janaj pacha Diosmanta mañaspataj.

Nehemías 1:5

Nerqanitaj: Señor, janaj pachapi kaj Diosníy, qanqa jatun Dios atiyniyoj manchachikunataj kanki. Qanqa trato ruwasqaykitaqa sumajta jallch'anki. Jinataj munakusojkunatapis, kamachiykita junt'ajkunatapis mana jayk'aj saqenkichu.

Salmos 85:2

Aylluykej sajra kayninta perdonanki, tukuy juchasnintapis pampachanki.

Proverbios 21:1

Reypa yuyaynenqa Señorpa makimpipuni kashan, chayqa larq'a yaku jina purin, Señor imaynatachus munasqanman jina.

Jeremías 27:5

Jatun atiyniyta kachaykuspa kay pachata ruwarqani, runasta, chaypi kashanku chay animalestapis, chantataj pischus munasqasniyman qopusaj.

Jeremías 29:10

Noqa Señor nini: Qanchis chunka watas Babiloniapi junt'akojtinkama, qankunaman kutisqatañataj ruwasaj. Qankunata kay cheqaman kutichimunay karqa chayta junt'asaj.

Daniel (hebreo) 1:21

Danieltaj chay llajtapi qhepakorqa, rey Ciro uj watata rey kayninta junt'anankama.