Efesios 6:12 - Qheshwa Biblia DC

¹² Mana kausaj runawanchu maqanakusun, manachayqa maqanakoj sayaykuna atiyniyojkunaj contranta, kay pachapi laqhayayta kamachejkunaj contranta, janaj pachapi sajra espirituspa contranta ima.

DIOSPA QHELQACHISQAN DEUTEROCANONICAL

¹² Noqanchej mana runawanchu maqanakushanchej, manachayqa atiyniyoj kamachej supaykunawan. Paykuna janajmantapacha laqhayaypi kawsaj runakunata kamachinku, munasqankuta ruwachispa.

DIOSPA QHELQACHISQ

¹² Noqanchej mana runawanchu maqanakushanchej, manachayqa atiyniyoj kamachej supaykunawan. Paykuna janajmantapacha laqhayaypi kawsaj runakunata kamachinku, munasqankuta ruwachispa.

Quechua South Bolivia: Dios Parlapawanchej

¹² Nokanchejka mana runaswanchu makanacunchej, manachayrí mana ricunaswan: Camachejcunawan, atiyniyojcunawan, cay lakha pacha sajra atiyniyojcunawan. Mana ricuna wayrapi atiyniyoj sajracunawan makanacunchej.

Efesios 6:12 Referans Kwoze

Colosenses 1:13

Dios, laqhaj atiyninmanta orqhospa, munasqa Churimpa reinonman pusawarqanchej.

2 Corintios 4:4

Paykuna mana creesqankurayku, kay mundoj diosnin yuyayninkuta laqhayacherqa. Paykunapi evangelioj k'anchaynin, ama k'anchanampaj, nitaj Cristoj lliphipiynimpis. Payqa Diospa rijch'aynin.

Efesios 2:2

Chaykunapi qankunaqa ñaupajta purej kankichej, kay pachaj kamachisqanman jina kausaspa. Wayrapi kamachejpa atiyninman jina kausaj kankichej; chay espiritoqa kunan Diosta mana kasojkunata kamachishan.

Colosenses 2:15

Cristo cruzpi wañuspa atiparqa kamachejkunata, atiyniyojkunata ima, tukuypa rikunanta paykunata p'enqaypi rikhurichispa.

Efesios 1:21

Payta churarqa tukuy kurajkunaj, atiyniyojkunaj, kallpayojkunaj, kamachejkunaj patanman ima. Churallarqataj tukuy rejsisqa sutimantapis astawan, chantá mana kay pachallapichu, manachayqa jamoj p'unchaykunapipis.

Romanos 8:38

Achayrayku mana pipis Diospa munakuyninmanta t'aqawasunmanchu, ni wañuypis, ni kausaypis, ni angelespis, ni kurajkunapis, ni atiyniyojkunapis, ni kaypi kajpis, ni jamoj kajpis, ni patamanta kajpis, ni ukhumanta kajpis, nitaj ima waj ruwasqa kajpis. Chay Diospa munakuynenqa Cristo Jesús Señorninchejpi kashan.

Efesios 3:10

Diospa tukuy imaymana yachaynin, kunan rejsichisqa kachun iglesiasnejta kamachejkunaman, janaj pachapi atiyniyojkunamampis.

Efesios 1:3

Señorninchej Jesucristoj Diosnin Tatantaj yupaychasqa kachun. Pay, espiritunman jina tukuy bendicioneswan Cristowan bendiciwarqanchej janaj pachapi.

1 Corintios 15:50

Kayta niykichej, hermanos: Aychawan, yawarwan ima, mana atinkumanchu Diospa reinonta chayaqepaj jap'iyta, nitaj ima ismoj kajpis atinmanchu chayaqepaj jap'iyta mana ismoj kajta.

1 Pedro 3:22

Jesucristotaj janaj pachaman riporqa, chaypitaj Diospa pañampi tiyasqa kashan. Paypa munaynimpi kanku angelkuna, kamachejkuna, atiykunapis.

Hebreos 12:1

Chayrayku, noqanchejpis, chay chhika rikojkunawan muyurisqa kaspa, uj jatun phuyuwan jina, tukuy llasata, muyuykuwajninchej juchatapis saqena. Pacienciawan usqhayta phawana churasqa kashan noqanchejpaj chay maqanakuman.

San Juan 14:30

Manaña qankunawan anchata parlasajchu; imaraykuchus kay mundota kamachej jamushanña, contraypeqa mana imata ruwayta atinchu.

San Juan 12:31

Kunan mundopaj juicio chayamun. Kunanmá mundota kamachejqa jawaman qharqosqa kanqa.

San Juan 16:11

Juiciomanta, imaraykuchus kay pachapi kamachejqa juchachasqaña.

Job 2:2

Señortaj taporqa: Maymantá jamushankiri?, nispa. Supaytaj kuticherqa: Kay jallp'ata puriykachaspa muyumusqaymanta jamushani, nispa.

San Lucas 22:53

Sapa p'unchay qankunawan templopi kashajteyqa, mana jap'ichiwarqankichejchu. Kunanqa chayamun horaykichej, laqhayaypa atiynin ima.

San Lucas 13:24

K'ullku punkunejta yaykunaykichejpaj kallpakuychej; imaraykuchus ashkhas munanqanku yaykuyta, manataj atenqankuchu.

2 Timoteo 2:5

Manallataj pujllaypi tinkojpis pilluchisqachu kanqa, manachus kamachisqaman jina tinkonqa chayqa.

San Mateo 16:17

Jesustaj kuticherqa: Kusikuyniyoj kanki Simón, Jonaspa wawan; kaytaqa mana runachu yachachisunki; manachayrí, janaj pachapi kashaj Tatay kaytaqa yuyaychasunki.

Hebreos 12:4

Manaraj yawarta t'akanaykichejkamachu juchaj contrampi sayaykukorqankichej.

Gálatas 1:16

Diosqa rejsichiwarqa Churinta, paymanta gentilespa chaupimpi willanaypaj; chaypachataj mana pi runatapis tapurikorqanichu.

Marcos 4:19

Chantá kay mundoj imasnimpi yuyaykuna, qhapajyayta munapayay, tukuy laya sajra imaspi yuyaykuna ima, runaj sonqonman yaykuspa Diospa palabranta k'irinchanku, manataj poqojta saqenkuchu.

2 Corintios 11:14

Chayqa mana t'ukunapajchu, imaraykuchus Satanaspis yachan k'anchaj angelman tukuyta.