Efesios 4:6 - Qheshwa Biblia DC

⁶ Uj Diosllataj tukuypa Tatan. Payqa kashan tukuypa patampi, tukuynejpi, tukuypitaj.

DIOSPA QHELQACHISQAN DEUTEROCANONICAL

⁶ Diospis uj k'atalla tiyan, paytaj tukuypa Tatanchej. Payllataj tukuyta kamachin, jinataj tukuy noqanchejnejta munasqanta ruwan, tukuypitaj kashan.

DIOSPA QHELQACHISQ

⁶ Diospis uj k'atalla tiyan, paytaj tukuypa Tatanchej. Payllataj tukuyta kamachin, jinataj tukuy noqanchejnejta munasqanta ruwan, tukuypitaj kashan.

Quechua South Bolivia: Dios Parlapawanchej

⁶ uj Diosllataj, tucuypa Tatancu. Pay tucuyta camachin, tucuy runasninnejta ruwan, tucuy runasninpitaj tiyacun.

Efesios 4:6 Referans Kwoze

Romanos 11:36

Tukuy ima paypata, paynejta, paypajtaj kanku. Chayrayku pay yupaychasqa kachun wiñaypa wiñaynimpaj. Amén.

1 Corintios 8:6

Noqanchejpajqa uj Dioslla, Tatanchej. Paymanta tukuy ima jamun, noqanchejtaj paypata kanchej; uj kamachejlla, chaytaj Jesucristo. Paynejtataj tukuy imas ruwasqas kanku. Noqanchejpis paynejta kanchej.

Malaquías 2:10

Manachu tukuyninchej uj Tatayojlla kanchej? Manachu uj Dioslla tukuyninchejta ruwawarqanchej? Imajtintaj ujkunaqa ujkunata ch'aukiyanakunchejrí, ajinamanta p'akispa, ñaupa tatasninchejpa Dioswan trato ruwasqanta?

San Juan 20:17

Jesús payman nerqa: Ama llankhawaychu, imaraykuchus manaraj Tatayman wicharishanichu; astawanqa hermanosniyman willamuy: Tatayman, Tataykichejman, Diosniyman, Diosniykichejmantaj wicharishani.

1 Juan 3:24

Pillapis Diospa kamachisqasninta junt'an chayqa, Diospi kashan, Diostaj paypi. Chaypitaj yachanchej Dios noqanchejpi kashasqanta, qowarqanchej chay Espiritunnejta.

San Mateo 6:9

Chayrayku qankunaqa, kay jinata mañakunkichej: Janaj pachapi kashaj Tatayku, sutiyki jatunchasqa kachun.

2 Corintios 6:16

Chantá ima allintaj kanman, Diospa templompi lantikuna kanankuri? Qankunaqa kausashaj Diospa templon kankichej, imaynatachus Dios nerqa: Kausajtaj, purisajtaj paykuna ukhupi. Paykunaj Diosninku kasaj. Paykunataj aylluy kanqanku.

1 Corintios 12:6

Imaymana ruwanas tiyan. Dios tukuy imata ruwan tukuypi. Chayampis, Diosqa kikillampuni.

Números 16:22

Moiseswan Aaronwantaj chayta uyarispa pampaman umankuta chayachinankukama qonqorikorqanku, kay jinata nispa: Diosniyku, tukuy runasman kausayta qoj, kay tukuy runaspa contrantachu phiñakunki uj runaj juchanrayku?

Génesis 14:19

Bendicerqataj Abramta kay jinata nispa: Patapi kaj Dios bendicisuchun, pichus janaj pachata, kay pachatawan ruwaj;

Efesios 6:23

Dios tatamanta, Señorninchej Jesucristomantawan sonqo tiyasqa kay, munakuywan, fewantaj hermanospaj kachun.

Efesios 3:17

Creesqaykichejrayku Cristo sonqoykichejpi tiyakuchun, munakuypi sumaj saphinchasqas sayanaykichejpaj.

Efesios 2:22

Ajinallatataj qankunapis Cristowan khuska wasichasqas kankichej, Dios qankunapi Espiritunejta tiyakunampaj.

San Juan 17:26

Paykunaman sutiykita rejsicherqani, astawanraj rejsichisajpis, ima munakuywanchus munakuwarqanki, chay munakuy sonqonkupi kanampaj, noqataj paykunapi.

San Juan 14:23

Jesús payman kutichispa nerqa: Noqata munakuwajqa, palabrayta waqaychanqa; Tataytaj payta munakonqa, payman jamusqayku, paywantaj tiyakusqayku.

San Mateo 6:13

Amataj saqeychu juchaman urmanaykuta; astawampis, jark'awayku sajramanta; [imaraykuchus, qampatamin reino, atiy, janaj pacha k'anchay ima; wiñaypa wiñayninkama. Amén.]

Isaías 63:16

Qanlla tataykoqa kanki, Abraham tataykuta, mana rejsiwaykuchu. Israelqa mana yuyarikuwaykuchu. Qanlla tataykoqa kanki Señor. Noqaykoj wiñay salvawajniyku sutiyoj nisqa kanki.

Salmos 95:3

imaraykuchus Señorqa jatun Diosmin, tukuy dioskunaj jatun reyninkutaj.

Efesios 1:21

Payta churarqa tukuy kurajkunaj, atiyniyojkunaj, kallpayojkunaj, kamachejkunaj patanman ima. Churallarqataj tukuy rejsisqa sutimantapis astawan, chantá mana kay pachallapichu, manachayqa jamoj p'unchaykunapipis.

Deuteronomio 6:4

Israelitas uyariychej ari: Señor Diosninchejqa payllamin Señorqa.