Efesios 4:5 - Qheshwa Biblia DC

⁵ Tiyallantaj uj Señorlla, uj fella, uj bautismolla.

DIOSPA QHELQACHISQAN DEUTEROCANONICAL

⁵ Tukuyta Kamachej Jesusqa ujlla, tukuyninchejtaj payllapi atinikunchej, jinallataj uj bautismolla tiyan.

DIOSPA QHELQACHISQ

⁵ Tukuyta Kamachej Jesusqa ujlla, tukuyninchejtaj payllapi atinikunchej, jinallataj uj bautismolla tiyan.

Quechua South Bolivia: Dios Parlapawanchej

⁵ Uj Señor, uj cheka ñan, uj bautismo,

Efesios 4:5 Referans Kwoze

1 Corintios 8:6

Noqanchejpajqa uj Dioslla, Tatanchej. Paymanta tukuy ima jamun, noqanchejtaj paypata kanchej; uj kamachejlla, chaytaj Jesucristo. Paynejtataj tukuy imas ruwasqas kanku. Noqanchejpis paynejta kanchej.

1 Corintios 12:13

Uj Espiritullapi tukuy bautizasqas karqanchejqa, uj cuerpolla kananchejpaj, judíos, griegos, wata kamachis, libre kajkuna ima. Tukuyninchejtaj uj Espiritullamanta ujyarqanchej.

1 Pedro 3:21

Chay yakutaj bautismowan ninakun. Bautismotaj aychaj millayninta mana llimphuchanchu; astawanqa llimphu concienciaj munayninwan Diosninchejman pusawanchej, Jesucristo kausarimusqanrayku.

Romanos 3:30

Diosqa ujlla, paytaj fenejta circuncidasqasta, mana circuncidasqastapis, mana juchayojpaj rejsenqa.

San Mateo 28:19

Chayrayku riychej, tukuy laya runasta yachachisqasniyman tukuchimuychej, bautizaspa Dios Tataj sutimpi, Churej sutimpi, Santo Espíritoj sutimpiwan, yachachispataj qankunaman kamacherqaykichej chayta, paykunapis waqaychanankupaj. Chantá yachaychej, noqa qankunawan tuta p'unchay kasqayta, kay pacha tukukunankama. Amén.

1 Corintios 1:13

Cristoqa t'aqasqachu kashan? Pablochu qankunarayku chakatasqa wañorqa, chayrí Pabloj sutimpichu bautizasqas karqankichej?

Judas 1:3

Munasqa hermanosníy, maytapuni munarqani tukuypa salvacionninchejmanta escribimuyta. Chayrayku kunanqa, escribimunaypuni karqa qankunata sonqochaspa, sinch'ita sayanaykichejpaj feniykichejrayku. Chaytaj uj kutillata ayllasqasninman qosqa karqa.

2 Corintios 11:4

Sichus pipis jamunman waj Jesusmanta willaspa, manataj kikinchu willasqanman jina, chayrí waj espiritutataj jap'iwajchej ñaupajta jap'isqaykichejmanta, chayrí waj evangeliota jap'iwajchej ñaupajta jap'isqaykichejmanta chaypis, qankunaqa jap'illankichej.

Zacarías 14:9

Chay p'unchaypeqa Señorlla kamachenqa tukuynin jallp'api. Chaypacha uj k'ata Señorlla kanqa, uj k'atallataj sutimpis kanqa.

Gálatas 5:6

Cristo Jesuspeqa ni mayqen allinchu ni circuncidasqapis kay, nitaj mana circuncidasqapis. Manachayqa creeylla, maykenchus tukuy imata munakuynejta ruwan.

1 Corintios 12:5

Evangeliopeqa imaymana llank'anas tiyan. Chaywampis, Señorqa kikillampuni.

1 Corintios 1:2

Escribimuni kay cartata, Diospa iglesianman Corinto llajtapi kajman. Paykunaqa llimphuchasqas kanku Cristo Jesuspi, wajyasqas, juchamanta t'aqasqas kausanankupaj; mayllapipis Señorninchej Jesucristoj sutinta tukuy wajyakojkunawan ima. Payqa paykunaj Señorninku noqanchejpatapis.

Judas 1:20

Munasqa hermanosníy, qankunaqa kallpachanakuspa wiñaychej allin sumaj llimphuchasqa feniykichejpi, Diosmanta mañakuspataj Santo Espiritunejta.

Hebreos 13:7

Yuyarikuychej ñaupajman pusasojniykichejmanta, pikunachus Diospa palabranmanta parlasorqachej chaykunamanta; unanchaychej imaynatachus kausakusqankuta, feninkutataj yachaqakuychej.

Hebreos 6:6

Paykunaqa urmaspa manaña atinkuchu mosojyayta, juchasmanta kutirinankupaj; imaraykuchus paykunamantaqa ujtawan Diospa churinta chakatanku, p'enqaypitaj rikuchinku.

Tito 1:4

Tito, kay cartata escribimuyki, qanman pichus cheqamanta waway kanki khuska creesqanchejpi. Khuyakuy, sonqo tiyakuy, Dios Tatamanta, Señor Jesucristo Salvadorninchejmantawan qanwan kachun.

Tito 1:1

Noqa Pablo, Diospa kamachin, Jesucristoj apostolnintaj kani; Diospa ajllasqasninta creeyman pusanaypaj, cheqa kajtataj rejsinankupaj, Diosta yupaychana kasqanman jina.

Filipenses 3:8

Cheqamanta tukuy imata chinkasqasta jina qhawani Señor Jesucristota allinta rejsisqayrayku. Paypa munakuyninraykutaj tukuy imata saqepuni. Chaykunataqa q'opata jina qhawani, Cristojta kanaypaj.

Hechos 10:36

Uyariychej, Dios Israelpa churisninman palabranta parlasqanta, apachimorqa Jesucristonejta sonqo tiyakuy kasqanta willaspa, paytaj tukuypa Señornin.

Hechos 2:36

Chayrayku tukuy Israel runakuna, cheqamanta yachachunku, kay Jesusta pitachus cruzpi chakatarqankichej, payta Dios churarqa Señor kanampaj, Cristotaj.

2 Pedro 1:1

Noqa, Simón Pedro, Jesucristoj kamachin apostolnintaj kani. Dios Tataj cheqa kaynimpi, Salvawajninchej Jesucristopitaj, chay sumaj creeyta noqayku jina tarinkichej. Qankunaman kay cartata apachimuykichej.

Santiago 2:18

Chaywampis pipis ninman: Qan feniyoj kanki, noqajtataj ruwasqasniy kapuwan. Rikuchiway feniykita mana ruwasqaswan, noqataj rikuchisqayki feniyta ruwasqasniywan.