Efesios 4:2 - Qheshwa Biblia DC

² Tukuyman k'umuykuspa, llamp'u sonqo kaywan purajmanta paciencianakuspa munakuypi kausakuychej.

DIOSPA QHELQACHISQAN DEUTEROCANONICAL

² Llamp'u sonqo kaychej, k'achataj. Jinallataj pacienciayoj kaychej, chantá munakusqaykichejrayku ujkuna ujkuna awantanakuychej.

DIOSPA QHELQACHISQ

² Llamp'u sonqo kaychej, k'achataj. Jinallataj pacienciayoj kaychej, chantá munakusqaykichejrayku ujkuna ujkuna awantanakuychej.

Quechua South Bolivia: Dios Parlapawanchej

² Chaymanjina causaychej llamp'u sonkowanpuni, c'acha yuyaywantaj. Runastapis muchuychejpuni. Munacuywan purajmanta yanapanacojcunapunitaj caychej.

Efesios 4:2 Referans Kwoze

1 Corintios 13:7

Tukuy imata aguantan, tukuy imata creen, tukuy imata suyan, tukuy imapi sinch'ita sayan.

Romanos 15:1

Fepi kallpayojkunaqa, pisi kallpayojkunaj llakiyninta apaysina, ama noqallanchejqa allimpi kanachu.

San Mateo 11:29

Yugoyta apaychej, yachakuychejtaj noqamanta. Noqaqa k'acha, llamp'u sonqotaj kani, almasniykichejpajtaj samakuyta tarinkichej.

1 Timoteo 6:11

Qanrí, Diospa runan, ayqekuy kay tukuy imasmanta. Kausaytaj cheqan kajpi Diosta yupaychaspa, fewan, munakuywan, pacienciawan, llamp'u sonqo kaywan ima.

Proverbios 3:34

Cheqamanta Señorqa astawan asiykukun pischus asikojkunamanta, llamp'u sonqoyojkunamantaj k'acha kayninta rikuchin.

Números 12:3

Moisesqa may llamp'u sonqoyoj karqa, kay mundopi tukuy runasmanta nisqaqa.

Salmos 138:6

Aswan patapipis Señorqa kachun, llamp'u sonqosta qhawamumpuni, may kasqankuta yuyakoj runastataj karumanta rejsin.

1 Pedro 3:15

Astawanqa Cristo Señorta yupaychaychej sonqoykichejpi. Wakichisqapuni kaychej, suyayniykichejmanta yachayta munajkunaman, llamp'u sonqowan, mana phiñakuspa, maychus kajta kutichinaykichejpaj.

2 Timoteo 2:25

Llamp'u sonqowan k'amichun contrampi sayaykukojkunatapis. Ichapis chay jinamanta Diosman kutirikunkuman, cheqan kajta rejsinankupaj.

Gálatas 6:2

Purajmanta q'episniykichejta apaysinakuychej, ajinapi Cristoj leyninta junt'anaykichejpaj.

Efesios 1:4

Dios ajllawarqanchej Cristonejta manaraj kay pacha ruwasqa kashajtin, llimphuchasqa mana ch'ichiyoj paypa ñaupaqempi kananchejpaj.

Sofonías 2:3

Qankuna kay pachapi pisi kapuyniyojkuna tukuyniykichej Señorta mask'aychej, jinallataj kamachisqasninta junt'ajkuna, cheqa kaj imasta ruwaychej k'umuykukuychejtaj. Ajinamanta ichapis waqaychasqas kankichej Señorpa phiñakuynin p'unchaynimpi.

Hechos 20:19

Llamp'u sonqowan waqaspa Señorpa kamachiwasqanta ruwarqani, jinallatataj ñak'ariykunapipis judíos qhatiykachashawajtinku.

Proverbios 16:19

Wajchaswan llamp'u sonqowan tukunaqa aswan allinmin, runaykachajkunawan qhapajyanamanta nisqaqa.

Marcos 9:19

Jesustaj paykunaman kuticherqa: Ay, mana creey atej runas! Mayk'ajkamataj qankunawan kasaj? Mayk'ajkamataj aguantasqaykichejri? Chay ch'itita pusamuwaychej.

Zacarías 9:9

Siompi kaj llajta sinch'ita kusikuy! Jerusalén llajta, takiy kusiywan Reyniyki may justotaj atiyniyojtaj jamusunki, uj llamp'u sonqo jina burropi lloq'asqa. Chay burritoqa, china burroj uñan.

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

Salmos 45:4

Wapu kayniykiwan ñaupajman riy, cheqa kayrayku maqanakuspa, llamp'u sonqo kajman cheqan kajta ruwaspa. Paña makiykitaj jatuchaj imasta ruwanqa.

Santiago 1:21

Ajinata ari, tukuy millay kajta, sajra kajkunatapis saqepuychej. Sonqoykichejpi tarpusqaña chay palabrata llamp'u sonqowan jap'ikuychej. Chaytaj almaykichejta salvayta atin.

Eclesiastés 7:8

Ima kajtapis allimpuni tukuchinaqa, qallarinallamanta nisqaqa. Llamp'u sonqo kayqa aswan allin, phiña sonqo kanamanta nisqaqa.

Colosenses 1:11

Mañakullaykutaj tukuy atiyninwan kallpachasqas kanaykichejta, janaj pacha k'anchaynimpi atiyninman jina, tukuy imata jap'ikunaykichejpaj pacienciawan.

1 Pedro 3:8

Kunanqa tukuyniykichej uj sonqolla kaychej, wajkunapaj sumaj sonqoyoj, hermanospura munanakuspa, khuyakuyniyoj, llamp'u sonqos; ama sajramanta sajrallatataj kutichispa, nitaj maldicionmantapis maldicionllatatajqa; manachayqa bendicispa, imaraykuchus Diosqa wajyasorqachej bendicionta jap'inaykichejpaj.